Sɔlɔmɔn 4:8 - EBƆRƐ BE KAWƆL

⁸ Ma kejafɔ, shin nɛ an lar Lebanɔn. An lar Lebanɔn be abeegboŋ nɛ baa tre Amana, nɛ Senir nɛ Hɛɛmɔn na to, Amo be alaŋ to nɛ ebuluŋ nɛ ebuful bee di na.

Sɔlɔmɔn 4:8 ပူးပေါင်းရင်းမြစ်များ

1 Bewura 4:33

E daŋ malga ndibigboŋana nɛ awurbi nɛ afitiri be yiri yiri be asheŋ, nseŋ ŋini asɔbɔya nɛ mbuibi nɛ asɔ gbeyeso nɛ ekɔrɔtɔ kikɛ be asheŋ.

2 Bewura 5:12

Elɔr nɛ baa tre Abana nɛ Faapa ashi ma kadegboŋ Damaskɔs na be nchu maŋ walɛ a chɔ Israɛl be efuli so be elɔrana be nchu a? N daa beeŋ tiŋ n ya bɛr amo to n nya kechɛ!”

1 Kronikɛls 5:23

Manase be yiri nɛ k wɔ epeŋilarkpa be kaba so na daa shibi ga, ŋkpal loŋ so bumo be basa daŋ chena Bashan be efuli na be kelargato be esoso be kaba so a yɔ Baal Hɛɛmɔn nɛ Senir nɛ kebeegboŋ nɛ baa tre Hɛɛmɔn na be kelargato be esoso be kaba so nna.

Nshɛ 45:10

Eche nɛ ewura bee shin nɛ e ta na, e kaŋ kusoe n nu. Teŋ fo basa nɛ fo tuto be laŋ to ebi so.

Nshɛ 72:16

Shin nɛ ndegboŋ nɛ e wɔ kasawule na so kikɛ e bɔlɔ ajibi, nɛ abeeana so kikɛ e bɔlɔ aboyu nɛ ayu be yiri kikɛ. Shin nɛ kasawule na so be ndibi sɔrso e wora ga, fanɛ Lebanɔn be kebee so be ndibi sɔrso peya, nseŋ shin nɛ ndegboŋ na e bɔlɔ basa fanɛ kupuŋ to be afitiri.

Nshɛ 76:1

Ekama nyi Ebɔrɛ be asheŋ ashi Juda be efuli so, nɛ mbe ketre malɛ bee nya kemaŋkura Israɛl to.

Nshɛ 76:4

Fo kemaŋkura bee nyɛkpɛ nna fanɛ edɛ; kumo alɛ kɔ eleŋ a walɛ ga a chɔ abee nɛ kupuŋ to be asɔbɔya bee nite so na.

Nshɛ 89:12

Fo e to kelargato be esoso nɛ kaseto kikɛ. K du fanɛ abee nɛ baa tre Tabɔɔ nɛ Hɛɛmɔn na bee boŋ nshɛ kagbenefuliso nna a kpaŋ fo ketre.

Aŋasa 9:6

Men lar basa nɛ b maa pin asheŋ to manaŋ manaŋ na be katuŋ to nseŋ ji efute. Men shin nɛ asheŋ be kepin to e baa ŋini menyi ekpa.”

Sɔlɔmɔn 2:13

Ndibi nɛ baa tre figi na fara a sɔr, nɛ asɔrso nɛ baa tre greep na fara a futi nɛ amo be atoto be efɛa sɔ kaplɛkama. Amoso n jipo koso nɛ an yɔ; ma kebita lela, ba nɛ an yɔ!

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Sɔlɔmɔn 7:11

N jipo, ba nɛ an yɔ edekarso, n ya di ndoŋ ŋklade.

Aizaaya 62:5

Kananɛ kabrantiɛbia bee wora kasuŋgurbia nɛ e maŋ nyi enyɛn kejafɔ a ta mo a ki mbe eche na nɛ Ebɔrɛ nɛ e to fo na gba beeŋ kre fo kejafɔ nɛ fo ki mbe eche. Kananɛ kejafɔ mo kul be kagbene bee fuli mbe kejafɔ so na, nɛ Ebɔrɛ gba be kagbene beeŋ baa fuli fo so.

Ezikɛl 27:5

Ndibi nɛ baa tre fir nɛ a shi kebee nɛ baa tre Hɛɛmɔn so na nɛ b ta n lɔŋɛ fo; Nseŋ ta ndibi nɛ baa tre sida nɛ a shi Lebanɔn be efuli so na n wora ndibi tenteŋ nɛ baa chɛ ewajɛ a kre amo nɛ a bee pɛ afu a keta kuloŋ a nite na n sa fo.

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Ditɛronɔmi 3:25

Jande, Enyɛnpe Ebɔrɛ, shin nɛ ma alɛ gba e dii Jɔɔdan be lɔr na n ya wu kasawule lela nɛ k dese kaba ndoŋ na; kumo e la kepreŋsawule lela na, nɛ Lebanɔn be abeegboŋ na.”

Ditɛronɔmi 3:9

(Hɛɛmɔn be kebeegboŋ ere nɛ Sidɔnebi bee tre Siriyɔn nɛ Amɔriebi malɛ bee tre kumo Senir.)

Joshuwa 12:1

Bewura nɛ Israɛlebi na daŋ kɔ m pɔɔ so nseŋ sɔ bumo be nsawule nɛ a wɔ Jɔɔdan be lɔr na be epeŋilarkpa, nseŋ yili Aanɔn be ketaŋɛ to ashi kelargato be kaseto n ya fo kebeegboŋ nɛ baa tre Hɛɛmɔn na ashi kelargato be esoso na nde.