Sɔlɔmɔn 4:6 - EBƆRƐ BE KAWƆL

⁶ Meeŋ nya manaŋ n yɔ abee nɛ apreŋ nɛ a kɔ etulale nɛ asɔ dufɛso be efɛa na so pɔɛŋ nɛ kaboŋ e bugi to nɛ kare e chɛ.

Sɔlɔmɔn 4:6 ပူးပေါင်းရင်းမြစ်များ

Nshɛ 66:15

Meeŋ ta mbolpɔ lela n lara sarga n sa fo, nseŋ mɔ egbolu nɛ mboe n lara sarga chɔɔso ashi fo bɔrɛsure so.

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Ɛksodɔs 30:8

Nɛ Ɛɛrɔn naŋ ba kaaseso malɛ nɛ e ba chɔɔ efitila na so, a daga fanɛ e naaŋ wora loŋ koŋwule na. Menyi nɛ men be kaman to ebi kikɛ beeŋ baa lara duwu be sarga ere a sa Enyɛnpe Ebɔrɛ kachɛ kama hale mbaanaayɔ.

Ɛksodɔs 37:29

Ade be kaman nɛ basa nɛ b nyi tulale be kewora wora ŋku nɛfaso nɛ efɛa belbelso be duwu.

Sɔlɔmɔn 2:17

N jipo du fanɛ chibir nna a wɔ kebee so hale nɛ kare e ya cha nɛ tentembiri e foe.”

Sɔlɔmɔn 3:6

Wanɛ e shi keshishɛrsawule so a ba fanɛ edishi ka bee kaa kululu loŋ, nɛ etulale kpakpaso fanɛ mɛr nɛ fraŋkinsensi nɛ eyawujipoana bee fa na be efɛa bɛ mo so loŋ?

Sɔlɔmɔn 4:14

nɛ amo nɛ baa tre safrɔn nɛ kalamus nɛ sinamɔn na, nɛ ndibi nɛ baa ta a wora duwu be yiri yiri fanɛ mir nɛ alowe nɛ asɔ nɛ a kɔ efɛa belbelso be yiri kikɛ na.

Sɔlɔmɔn 8:14

N jipo lela shile manaŋ fanɛ chibir ka shi kebeegboŋ nɛ ndibi nɛ amo be efɛa wɔ ebel yil so na, m ba ma kutɔ.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Luuk 1:78

An be Ebɔrɛ la kuwɔrwupowura a du cheembi nna,

2 Pita 1:19

Amoso, anyee yirda asheŋ nɛ anebiana wu ŋ kaŋɛ ana an be ŋgbene to a ti so. Nɛ men baa bɛ amo so fanɛ fitila ka bee sa kefulto tentembiri be kakpa to na, menyeeŋ baa wora asɔ. Men baa kɔ to loŋ hale nɛ kachɛ na e ya kaa fo nɛ karechɛso be kechɛkpabi na e ya nyaŋɛ kefulto n wɔtɔ men be ŋgbene to.

1 Jɔn 2:8

Ama kamalga naseso mo nɛ mee sibɛ a sa menyi ere malɛ du fanɛ kepopɔr nna. Menyi nɛ Kristo be kebaawɔtɔ malɛ to nɛ baa wu kumo be loŋ be kashenteŋ na, ŋkpal manɛ so, tentembiri na bee choŋ nna nɛ kashenteŋ be kefulto na tea fuli to.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”

Kelaraŋŋini 5:8

E ka sɔ kawɔl sibɛso na nɛ asɔbɔya ana na nɛ bejuŋkparpo adunyɔ nɛ ana na gbir Kpakpafɔlbi na be anishito. Bumo be ekama daa kɔ goji nɛ shuwa be ntishaŋ mo nɛ duwu bɔlɔ m bɔlɔ amo to a la Ebɔrɛ be basa be kabɔrɛkuleana nna.