Sɔlɔmɔn 4:3 - EBƆRƐ BE KAWƆL

³ Fo kɔnɔpurbi nyɔ nna m pere kpeŋ fanɛ kechɛbi peper na; fo kɔnɔ be kapɔr walɛ. Fo ŋgbuŋ du kulkulbi nna a walɛ nsaa nyɛkpɛ fo shata to.

Sɔlɔmɔn 4:3 ပူးပေါင်းရင်းမြစ်များ

Jɛnesis 32:10

N nyi ŋ ka maŋ daga kuwɔrwu nɛ kashenteŋji nɛ fo wu ma fo kenya ere kikɛ. Kekpabi nawule nɛ n daŋ ta n dii Jɔɔdan be lɔr ere n yɔ n wɔpa kutɔ, ama kabre m bɛta a ba nɛ basa nɛ asɔbɔya damta.

Ɛzra 9:6

nseŋ kule Ebɔrɛ ŋ kaŋɛ: “O ma Ebɔrɛ, k kɔ ma nyɔmɔ nɛ anishinyɔr nna fanɛ ŋ ka beeŋ maŋ ma enɔ so fo anishito, ŋkpal manɛ so, anyi be alubi shi m baŋ anyi so hale n dii n ya fo ebɔrɛso gba kuraa.

Nshɛ 119:13

Meeŋ bugi kɔnɔ ŋ kaŋɛ beko awɔrso fo mbraana nɛ fo sa na kikɛ be asheŋ.

Nshɛ 37:30

Kanyiasheŋ be mmalga e naa lar esa nɛ e bee wora asheŋ nɛ a niŋi be kɔnɔ to, nɛ mbe kudonduloŋ bee tuge asheŋ nɛ a niŋi ekpa.

Nshɛ 45:2

Enyɛn kikɛ maŋ walɛ keyɛrbi fanɛ fo. Mmalga belbelso nawule e naa shi fo kɔnɔ to. Amoso nɛ Ebɔrɛ bee nɛfa fo.

Aŋasa 10:13

Esa be mmalga e naa ŋini fanɛ e la enyiashempo, ama ewulpo bre daga kasogberge nna.

Aŋasa 31:26

E kɔ kanyiasheŋ nna nsaa fɛ nfɛra pɔɛŋ a malga.

Sɔlɔmɔn 1:5

Jerusalɛm be beche, ma kayurwule biri nna, ama ma alɛ walɛ kebita. N nyɔ gbitigbiti nna fanɛ Keeda be ewajɛbu nɛ a wɔ keshishɛrsawule so na, ama ma kebita du nna fanɛ Sɔlɔmɔn be lambu to be epatisa

Sɔlɔmɔn 4:11

Ma kejafɔ, fo kɔnɔ be kepipe wɔ ebel nna fanɛ mushoŋ. Nɛ fo kudonduloŋ bee wora ma ebel, fanɛ mushoŋ nɛ kenyipochu na. Fo asɔbuuso to be efɛa wɔ ebel nna fanɛ Lebanɔn be ndibi nɛ baa tre sida na be efɛa.

Sɔlɔmɔn 5:13

Mbe ŋgbuŋ walɛ nna fanɛ kudɔbi nɛ k kɔ afantaŋ nɛ asɔrso nɛ amo be efɛa wɔ ebel. Nɛ mbe kɔnɔpurbi du fanɛ atoto nɛ baa tre lili nɛ a bee dufɛ viim na.

Sɔlɔmɔn 5:16

Mbe kɔnɔ be kepipe wɔ ebel nna, nɛ mbe kusɔ kama malɛ bee par ma. To, Jerusalɛm be beche, kananɛ n jipo nɛ ma eshapo na du nna na.

Sɔlɔmɔn 6:7

Fo ŋgbuŋ du kulkulbi nna, a walɛ nsaa nyɛkpɛ fo shata to.

Sɔlɔmɔn 7:9

Kepipe fo kɔnɔ bee wora ma ebel a chɔ nsa belbelso nɛ baa tre wain na. Amo be kenuu e wɔ ebel ga na.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Levitikɔs 14:4

bɔrɛmatapo na beeŋ shin nɛ b ya bar mbuibi keniso anyɔ nɛ a daga keta n lara sarga nɛ kedibi nɛ baa tre sida na nɛ kechɛbi peper chɛŋchɛŋ nɛ keduuso nɛ baa tre hisɔp na be afantaŋ.

Levitikɔs 14:6

Kede be kaman nɛ e ta kabuibi nyɔsopo na nɛ sida be kedibi na be keyabi nɛ kechɛbi peper chɛŋchɛŋ na nɛ hisɔp be afantaŋ na n nyɔ kabuibi nɛ b mɔ na be ŋklaŋ na to

Nɔmbɛs 19:6

Nɛ bɔrɛmatapo na e ta kedibi nɛ baa tre sida na nɛ kumo nɛ baa tre hisɔp na nɛ jese peper n lɛ edɛ na to.

Nɔmbɛs 4:8

A daga b ka parga wajɛ peper m buu teebɔl na nɛ asɔ nɛ a wɔ kumo so na so nseŋ naŋ ta kusɔbɔya be kawɔl lela m parga m buu amo so n ti so pɔɛŋ nseŋ yisi ndibi nɛ baa pɛ to a maŋ kumo so na n wɔtɔ amo be kakpa.

Matiu 12:35

Esa lela bee kaa shin nɛ asɔ lela damta nɛ a wɔ mo to na nna bee shi mo to a lar nɛ esa lubi malɛ bee kaa shin nɛ asɔ lubi damta nɛ a wɔ mo to na bee kaa shi mo to a lar.

Luuk 4:22

Mbe asheŋ daŋ bɔlɔ basa na be kenishi ga nɛ mbe kubɔya belbelso na be asheŋ chinchiŋ bumo ga nɛ b bishi abar: “Mannɛ mo e la Josɛf pibi na a?”

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Kɔlɔsiebi 4:6

Men shin nɛ men be kelejima e baa wɔ ebel saŋkama a kɔ kanyiasheŋ kumo to nɛ men pin kananɛ a daga men ka bee tuge basa be mmalga.

Hibruwebi 9:19

Ŋkpal manɛ so, an ta fanɛ Mosis le. E ka daŋ kaŋɛ basa na kikɛ mbra na be ntaŋana na kikɛ n loge, e daŋ ta ateebi nɛ b nyɔɔ kepeper nna ŋ kre kedibi ko nɛ baa tre hisɔp na so. Kumo be kaman nɛ e naŋ ta kumo n nyɔɔ anabiana be ŋklaŋ to nɛ nchu to nseŋ ta ŋ ŋmenyaŋ n wurge basa na kikɛ nɛ mbra be kawɔl na so

Joshuwa 2:18

Ama, an kaŋ bɛta m ba nɛ an ba kɔ menyi be efuli so ebi kena fo ta efɔl peper ere n cha fo tokuro nɛ anyeeŋ bɔla kumo to n lar na. Kumo be kaman nɛ fo bar fo tuto nɛ fo nio nɛ fo siponyɛnana nɛ fo kanaŋ kikɛ fo laŋ to.