Sɔlɔmɔn 4:16 - EBƆRƐ BE KAWƆL

¹⁶ Shin nɛ afu e ta ma kudɔbi na to be efɛa n ya ber ŋ jipo, nɛ n jipo e ba luri kumo to n daŋ kumo be asɔrso lela na ŋ keni.

Sɔlɔmɔn 4:16 ပူးပေါင်းရင်းမြစ်များ

Kaŋinichiŋgeliŋ 1:6

Afu bee ber a yɔ kelargato to be kaseto be kaba so nsaa ber a yɔ kelargato be esoso be kaba so, a chambɔ loŋ a kulti.

Kaŋinichiŋgeliŋ 2:5

N daŋ wora kambɔl nna n duu ndibi nɛ e bee sa kayul nɛ basa e baa chena to a wushi ashi ma kelɔnɛ so nseŋ duu ndibisɔrso be yiri yiri n wɔtɔ kumo to.

Sɔlɔmɔn 1:13

N jipo, fo du fanɛ tulale nna ashi ma anyipo be nfɛato.

Sɔlɔmɔn 1:4

Keta ma nɛ an nya manaŋ n yɔ; Ma ewura, keta ma n yɔ fo ebu to manaŋ. Ndoŋ nɛ anyi be ŋgbene beeŋ fuli anyi, nɛ an nuu nsa nseŋ ji anyi be amu. Nɛ beche bee sha fo, kumo be ekpa so nna.

Sɔlɔmɔn 2:3

Kananɛ mangodibi bee wea ndibi pɔtɛ to ashi kupo to na nɛ n jipo du ashi mbrantiɛbia to. Kumo be kiyoyul to be kechena wɔ ebel nna nɛ kumo kusɔrso bee wora ma kɔnɔ to ebel ga

Sɔlɔmɔn 2:8

N nu n jipo be ebɔl! Mo e shi abee nɛ apreŋ so n shile a tɛto n gbelge to a ba ma kutɔ na.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Sɔlɔmɔn 6:2

N jipo yɔ mbe kudɔbi nɛ kumo to be ndibi be afantaŋ kɔ efɛa belbelso na to nna. E ya kaa sa mbe mbolpɔ ajibi nna, nsaa chala mbe atoto nɛ baa tre lili na.

Sɔlɔmɔn 8:12

Ewura Sɔlɔmɔn beeŋ tiŋ a kɔ mbe gbiti be ndarbi, nɛ basa na malɛ e baa kɔ bumo be tɔnɔ. Ama ma ere be asɔrso nɛ baa tre greep be kudɔbi na la n nawule peya nna Eshaponyɛnso na

Aizaaya 64:1

Enyɛnpe Ebɔrɛ, bugi awɔlpa to nseŋ gbelge m ba nɛ kufu e pɛ abee nɛ a baa chicha.

Ezikɛl 37:9

Ndoŋ nna nɛ Ebɔrɛ naŋ kaŋɛ ma: “Dimɛdi pibi, malga n sa afu. Kaŋɛ afu na fanɛ Enyɛnpetale Ebɔrɛ na yɛ k shi kaba kama so m ba luri eyurana nɛ a la bubuni a dese ere to nɛ e nya ŋkpa.”

Matiu 26:10

Ama Yesu daŋ pin kesheŋ nɛ b daa malga na nseŋ bishi bumo le: “Manɛ e ba nɛ menyee tɔrɔ kache na? Kusɔ lela nɛ e wora ma na.

Matiu 26:12

E chulgi tulale ere nna n wurge ma eyur so nɛ e lɔŋɛ kumo n yili kepuliachɛ.

Baru lela nɛ Jɔn kute na 3:8

An ta fanɛ afu le. Kaplɛkama nɛ afu bee sha, ndoŋ nɛ a bee ber a yɔ. Feeŋ tiŋ n nu amo be egbri, ama fo maaŋ tiŋ m pin kakpa nɛ a shi ŋko kakpa nɛ a bee yɔ. To, loŋ gbagba malɛ nɛ k du n sa esa kama nɛ e nya kakurge ashi Kiyoyu na kutɔ.”

Baru lela nɛ Jɔn kute na 5:8

Ndoŋ nna nɛ Yesu kaŋɛ mo: “Niŋi to ŋ koso m bɔɔ fo kelaŋ to a nite.”

Ashuŋ Shunso 4:31

B ka loge bumo be kabɔrɛkule na nɛ bumo be nshɛrkpa na kikɛ fara a gbuŋgbuŋ to nɛ Kiyoyu Cheeŋ na luri m bɔlɔ bumo kikɛ to nɛ b fara a bɔ Ebɔrɛ be kubɔya na kenyɛnso a sa basa.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Romebi 15:28

Amoso, m baŋ ta le be toto ere n sa bumo nseŋ shuŋ ma kushuŋ na n loge, meeŋ pɛ Speen be efuli so be ekpa nseŋ gbɛ n chɔrɔ menyi.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.