Sɔlɔmɔn 4:14 - EBƆRƐ BE KAWƆL

¹⁴ nɛ amo nɛ baa tre safrɔn nɛ kalamus nɛ sinamɔn na, nɛ ndibi nɛ baa ta a wora duwu be yiri yiri fanɛ mir nɛ alowe nɛ asɔ nɛ a kɔ efɛa belbelso be yiri kikɛ na.

Sɔlɔmɔn 4:14 ပူးပေါင်းရင်းမြစ်များ

Jɛnesis 43:11

Nɛ bumo tuto Jeekɔb kaŋɛ bumo: “To, nɛ k nya a du loŋ bre, men bela ase n ta kasawule ere so be asɔrso lelaana ko n wɔtɔ men be adiiku to n ya sa kanyɛn na. Men ta tulale nɛ duwu nɛ asɔ warabi nɛ mushoŋ gbrɛ ya sa mo.

1 Bewura 10:10

Ewurche na daŋ ta shuwa kilo ŋgboŋ ana nɛ yawu kpakpaso be abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Yawu kpakpaso be asɔ nɛ a kɔ efɛa belbelso kikɛ daa maŋ walɛ fanɛ amo nɛ Shɛba be ewurche na ta m ba sa ewura Sɔlɔmɔn na.

2 Kronikɛls 9:9

Ewurche na daŋ ta shuwa kilo ŋgboŋ ana nɛ abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Asɔ nɛ a kɔ efɛa belbelso kikɛ daa maŋ walɛ n fo amo nɛ Shɛba be ewurche na ta m ba sa ewura Sɔlɔmɔn na so”.

Nshɛ 45:8

Etulale lela dufɛso nɛ baa tre mir nɛ alowe na be efɛa a wɔ fo asɔbuuso so, nɛ baa laŋ ejaŋjilaŋ nɛ alaŋsɔ a deŋi fo anishito ashi fo lambu nɛ b ta ejebotenyi n ji kumo kebita na to.

Ɛksodɔs 30:23

“Men ta efɛa belbelso be asɔ n wora ŋku nɛfaso cheembi. Men karga asɔ na fanɛ kananɛ baa karga asɔ ashi Ebɔrɛ be wajɛbu na to na. Men ta asɔ nɛ baa tre mir na fanɛ kilo ashe nɛ asɔ nɛ baa tre sinamɔn na kilo asa nɛ asɔ nɛ baa tre keen na kilo asa nɛ amo nɛ baa tre kashia na kilo ashe, n wea ɔlif be ŋku lita ana to n wora amo fanɛ kananɛ esa nɛ e nyi tulale be kewora bee wora na, nɛ a ki ŋku nɛfaso cheembi nɛ amo be efɛa wɔ ebel.

Aŋasa 7:17

Nseŋ ta etulale nɛ baa tre mir nɛ alowe nɛ Sinamɔn na ŋ ŋmenyaŋ kumo kikɛ so.

Sɔlɔmɔn 1:12

Ma kowurnyɛn ka tase mbe ejikpa nɛ ma tulale be efɛa ya ber mo.

Sɔlɔmɔn 3:6

Wanɛ e shi keshishɛrsawule so a ba fanɛ edishi ka bee kaa kululu loŋ, nɛ etulale kpakpaso fanɛ mɛr nɛ fraŋkinsensi nɛ eyawujipoana bee fa na be efɛa bɛ mo so loŋ?

Sɔlɔmɔn 4:6

Meeŋ nya manaŋ n yɔ abee nɛ apreŋ nɛ a kɔ etulale nɛ asɔ dufɛso be efɛa na so pɔɛŋ nɛ kaboŋ e bugi to nɛ kare e chɛ.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Sɔlɔmɔn 6:2

N jipo yɔ mbe kudɔbi nɛ kumo to be ndibi be afantaŋ kɔ efɛa belbelso na to nna. E ya kaa sa mbe mbolpɔ ajibi nna, nsaa chala mbe atoto nɛ baa tre lili na.

Ezikɛl 27:19

Nɛ Griik be basa nɛ b shi Uzal be efuli so na malɛ gba ta asɔ nɛ b ta abɛlso n wora nɛ eposɔ m ba tɔ fo asɔ faso.

Nɔmbɛs 24:6

A du nna fanɛ abii be ndibi ka yili m bɛ abar so le siir, ŋko kudɔbi nɛ k mata lɔrkar. A du nna fanɛ asɔrso be ndibi nɛ Enyɛnpe Ebɔrɛ na gbagba du, ŋko ndibi nɛ baa tre sida na ka wɔ eboŋkar.

Maak 16:1

Kewushiachɛ na be jemanɛ ka baŋ choŋ nɛ Mɛɛri Magdalin nɛ Jeems mo nio Mɛɛri nɛ Salomi tɔ etulale nɛ b ya gbiti Yesu.

Baru lela nɛ Jɔn kute na 19:39

Nikodimɔs nɛ e daŋ keyɔ Yesu kutɔ kiidiso kachako na nɛ Josɛf na e daŋ yɔ. Nikodimɔs daŋ ta etulale mo nɛ baa tre mir nɛ alowe nɛ b kɔ a gbiti bubuni so nɛ baa dese a chɛr na be weato nna m ba. Amo be egbɛ daa wɔ fanɛ kekargato be pɔŋ kalfa.

Kelaraŋŋini 18:13

Baaŋ shu, ŋkpal manɛ so, b nyi esa kikɛ ka maaŋ naŋ tɔ bumo be ndibi be asɔrso mo nɛ basa kɔ a wora ŋku dufɛsoana na nseŋ naa nyi b ka maaŋ tɔ asɔ nɛ b kɔ a wora ŋku mɛlɛmɛlɛbi nɛ bumo be duwu nɛ mir nɛ fraŋkinsensi nɛ bumo be nsa nɛ ɔlifs be ŋku nɛ nyifu peso nɛ bumo be atuwe nɛ bumo be ana nɛ mbolpɔ nɛ egbaŋɛ nɛ egbaŋɛturkoana nɛ anya, kumo e la fanɛ basa be ayoyu gbagba na.