Sɔlɔmɔn 4:11 - EBƆRƐ BE KAWƆL

¹¹ Ma kejafɔ, fo kɔnɔ be kepipe wɔ ebel nna fanɛ mushoŋ. Nɛ fo kudonduloŋ bee wora ma ebel, fanɛ mushoŋ nɛ kenyipochu na. Fo asɔbuuso to be efɛa wɔ ebel nna fanɛ Lebanɔn be ndibi nɛ baa tre sida na be efɛa.

Sɔlɔmɔn 4:11 ပူးပေါင်းရင်းမြစ်များ

Jɛnesis 27:27

Ndoŋ nna nɛ Jeekɔb yɔ nɛ mo tuto e lala mo so. Aizek ka nu mbe asɔbuuso na be efɛa nɛ e nɛfa mo nseŋ kaŋɛ le: “Cha, ma kebia ere be efɛa baa du fanɛ kasawule mo nɛ Enyɛnpe nɛfa nna.

Nshɛ 19:10

A walɛ a chɔ shuwa lela kikɛ, hale shuwa nɛ k maŋ kɔ eyurpi gba. Enyɛnpe be mbra wɔ ebel a chɔ mushoŋchu, hale mushoŋchu nɛ a maŋ kɔ eyurpi gba.

Nshɛ 45:8

Etulale lela dufɛso nɛ baa tre mir nɛ alowe na be efɛa a wɔ fo asɔbuuso so, nɛ baa laŋ ejaŋjilaŋ nɛ alaŋsɔ a deŋi fo anishito ashi fo lambu nɛ b ta ejebotenyi n ji kumo kebita na to.

Nshɛ 92:13

Baaŋ mur achin ashi fo, Enyɛnpe Ebɔrɛ na be laŋ to, nseŋ nyalɛ ashi anyi be Ebɔrɛ na be bɔrɛlambu to.

Aŋasa 16:24

Kamalga lela du fanɛ mushoŋchu nna a wora basa ebel; nsaa sa eyur be alenfia.

Aŋasa 5:2

Amo e naaŋ sa fo da lela, nseŋ shin nɛ fo mmalga e baa ŋini fanɛ fo kɔ kenyi.

Aŋasa 5:3

Eche nɛ lar mo kul be kaman be kɔnɔpurbi beeŋ tiŋ a du mɔlmɔlbi fanɛ ŋku, nɛ kumo be kepipe e baa wɔ ebel fanɛ mushoŋchu na,

Sɔlɔmɔn 4:10

N jipo nɛ ma kejafɔ, fo kasha bee bɔlɔ ma kenishi ga. Fo kasha bɔ nsa, nɛ fo etulale be efɛa chɔ asɔ dufɛso kama.

Sɔlɔmɔn 4:3

Fo kɔnɔpurbi nyɔ nna m pere kpeŋ fanɛ kechɛbi peper na; fo kɔnɔ be kapɔr walɛ. Fo ŋgbuŋ du kulkulbi nna a walɛ nsaa nyɛkpɛ fo shata to.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Sɔlɔmɔn 5:13

Mbe ŋgbuŋ walɛ nna fanɛ kudɔbi nɛ k kɔ afantaŋ nɛ asɔrso nɛ amo be efɛa wɔ ebel. Nɛ mbe kɔnɔpurbi du fanɛ atoto nɛ baa tre lili nɛ a bee dufɛ viim na.

Sɔlɔmɔn 7:9

Kepipe fo kɔnɔ bee wora ma ebel a chɔ nsa belbelso nɛ baa tre wain na. Amo be kenuu e wɔ ebel ga na.

Aizaaya 7:15

Kebia na baŋ daŋ m pin asheŋ, nsaa nyi kelela nɛ kulubi, e beeŋ baa nuu kenyipochu nsaa ji mushoŋ.

Hoziya 14:2

Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.