Sɔlɔmɔn 4:1 - EBƆRƐ BE KAWƆL

¹ N jipo fo lar kebita nɛnɛ bre. Fo kebita maŋ kɔ ebarkasa. Keni kananɛ fo anishi walɛ nɛnɛ a wɔ shata to fanɛ lepɔ ka wɔ kesha to na. Nɛ fo emin bee gbungbuŋto fanɛ mboe ka shi Giliad be kebee so a gbelge to a ba na.

Sɔlɔmɔn 4:1 ပူးပေါင်းရင်းမြစ်များ

Nshɛ 45:11

Fo kela e shin nɛ ewura be kagbene pɛ fo ga na. Amoso baa sa mo bunyaŋ nsaa wora kusɔ kama nɛ e bee sha a sa mo.

Sɔlɔmɔn 1:15

N jipo, fo kebita maŋ kɔ ebarkasa, fo anishi du fanɛ lepɔ be anishi nna.

Sɔlɔmɔn 2:10

Le nɛ n jipo kaŋɛ ma: “Ma eshapo, niŋi to; ma kebita lela, ba nɛ an yɔ!

Sɔlɔmɔn 2:14

Fo du nna fanɛ lepɔ nɛ e ŋana kefalta to ashi kebeegboŋ so na. Shin nɛ n wu fo anishito; nseŋ nu fo ebɔl belbelso na.

Sɔlɔmɔn 6:5

Kpele fo anishi ashi ma so, ŋkpal manɛ so, a bee shin nna nɛ mee chena a gben. Fo emin bee gbuŋgbuŋ to nna fanɛ mboe ka shi Giliad be kebee so a gbelge to a ba kaseto na.

Sɔlɔmɔn 6:7

Fo ŋgbuŋ du kulkulbi nna, a walɛ nsaa nyɛkpɛ fo shata to.

Sɔlɔmɔn 7:5

Fo kumu wɔ esoso nna fanɛ kebeegboŋ nɛ baa tre kamɛl na. Nɛ fo emin walɛ nsaa nyɛkpɛ so nɛ bewura gba maa keni amo a moɛ.

Jɛremaya 22:6

Kusɔ nɛ Enyɛnpe Ebɔrɛ na kaŋɛ a laŋɛ Juda be efuli so be ewurkpa be kaplɛa so nde: “Ma ere kutɔ, Juda be ewurkpa walɛ kebita nna fanɛ kananɛ Giliad be kasawule so nɛ Lebanɔn be abee so walɛ kebita na nna. Ama ma alɛ beeŋ shin nɛ k ki kakpa fuloŋ nɛ esa kikɛ maaŋ naa wɔ ndoŋ.

Ezikɛl 16:14

Ndoŋ nna nɛ fo asheŋ sɔ kaplɛkama nɛ ekama bee ji fo kebita be asheŋ ashi efuliana na kikɛ so, ŋkpal kananɛ ma, Enyɛnpetale Ebɔrɛ na shin nɛ fo kela lar nɛ ekama bee wu kumo so.

Maika 7:14

O Enyɛnpe Ebɔrɛ, baa la fanɛ mbolpɔkpapo n sa fo basa laraso. Kashenteŋ nna fanɛ b pesaŋ to nna a wɔ kiyi to, ama kudɔsawule lela kulti bumo nna n wɔtɔ. Amoso shin nɛ b ya chena Bashan nɛ Giliad be nsawule lela so a nya a ji fanɛ kananɛ b daa nya a ji dra na.

Nɔmbɛs 32:1

Ruben nɛ Gad be eyiriana nɛ b kɔ asɔbɔya ga na ka wu fanɛ Jeeza nɛ Giliad be kasawule na kɔ ana nɛ mbolpɔ nɛ mboe be ejikpa lela,

Nɔmbɛs 32:40

Amoso Mosis daŋ ta Giliad be kasawule na nna n sa Makiir be kabuna ebi nɛ b chena ndoŋ.

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.