Sɔlɔmɔn 3:7 - EBƆRƐ BE KAWƆL

⁷ Sɔlɔmɔn nɛ b sulɔ mbe kekpata so a ba nɛ Israɛl be benapo kpakpaso adeshe bee kuŋ mo.

Sɔlɔmɔn 3:7 ပူးပေါင်းရင်းမြစ်များ

1 Bewura 14:27

Ewura Rehoboam daŋ wora danyaŋ be asɔkuŋso nɛ baa keta a yɔ kena to na nna n tal shuwa peya na to nseŋ ta amo m bɔɔ bekumpo nɛ baa keni ewura be laŋ to be kabunagboŋ na so na enɔ.

1 Bewura 9:22

Ewura Sɔlɔmɔn daa maa tintiŋ Israɛlebi na bre nɛ baa shuŋ ashuŋ kpakpaso ama e daŋ ta bumo be beko nna ŋ ki benapo n ta beko malɛ ki benapo be benimu n ta beko ŋ ki egbaŋɛturko be benimu nɛ beko malɛ bee dii egbaŋɛ a kɔ kena.

2 Bewura 6:17

Kumo be kaman nɛ Elaisha kule ŋ kaŋɛ: “O Enyɛnpe Ebɔrɛ bugi mbe anishi nɛ e wu kusɔ nɛ k wɔtɔ.” Nɛ Enyɛnpe Ebɔrɛ nu Elaisha be kekule nseŋ bugi mbe kayɛrbi be anishi nɛ e maŋ kumu so ŋ keni nɛ egbaŋɛ nɛ egbaŋɛturko nɛ e bee suse edɛ kulti Elaisha n wɔtɔ kebee na so kikɛ.

Nehemaya 4:13

Amoso nɛ n ta etokobi nɛ ekpa nɛ ata nɛ atanyembi n sa ma basa nseŋ gama bumo kakurge be ntuŋso a mata egbal na be kaba nɛ k maŋ naŋ pɔr n loge na nɛ b baa kuŋ.

Sɔlɔmɔn 1:16

N jipo fo walɛ keyɛrbi, m baŋ maŋ wu fo maaŋ teŋ n chena. Anyeeŋ dese afitiri bumbuŋ so kasha so fanɛ gedo nɛ an wora kejafɔ n dese so na;

Sɔlɔmɔn 3:6

Wanɛ e shi keshishɛrsawule so a ba fanɛ edishi ka bee kaa kululu loŋ, nɛ etulale kpakpaso fanɛ mɛr nɛ fraŋkinsensi nɛ eyawujipoana bee fa na be efɛa bɛ mo so loŋ?

Sɔlɔmɔn 3:8

Benapo na kikɛ la benapo lempo nɛ b nyi kena to nɛnɛ nna. B nyi tokobi be keta ŋ kɔ nɛnɛ. Bumo be ekama malɛ di tokobi nna nseŋ wora shiriya a jo kusɔ nɛ k beeŋ wora kanyɛso nna.

Sɔlɔmɔn 3:9

Lebanɔn be ndibi lela nɛ ewura Sɔlɔmɔn ta n lɔŋɛ mbe kekpata na.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

1 Samuɛl 14:52

Sɔɔl ka daa wɔ ŋkpa to na, mo nɛ Filistiebi na daŋ kɔ ana kpakpaso damta nna. Mo alɛ daŋ baŋ wu enapo kama nɛ e kɔ eleŋ ŋko kenyɛn, e daa ta mo nna a ti mbe benapo so.

1 Samuɛl 28:2

Nɛ Deevid kaŋɛ le: “Kashenteŋ nna, fo kayɛrbi e la ma, fo gbagba malɛ beeŋ wu kusɔ nɛ meeŋ wora.” Nɛ Akish malɛ kaŋɛ le: “Mbo! Meeŋ ta fo ŋ ki esa nɛ e beeŋ ba kuŋ ma saŋkikɛ.”

1 Samuɛl 8:16

Ewura na beeŋ baa sɔ men be nyɛrbi nɛ mbita nɛ men be ana lela nɛ men be ekurma a shin nɛ b baa shuŋ mo.