Sɔlɔmɔn 3:4 - EBƆRƐ BE KAWƆL

⁴ Ma nɛ bumo ka baŋ barga abar gbrɛ nɛ n wu ŋ jipo. Nɛ n far n chɛ mo kiŋkiŋ; M maŋ naŋ yige mo to. Kumo be kaman nɛ ŋ keta mo n yɔ n nio be ebu to; ebu nɛ b kurge ma kumo to na gbagba to.

Sɔlɔmɔn 3:4 ပူးပေါင်းရင်းမြစ်များ

Jɛnesis 32:26

Ndoŋ nna nɛ kanyɛn na kaŋɛ Jeekɔb le: “Shin nɛ n yɔ, ŋkpal manɛ so, kare chɛ.” Nɛ Jeekɔb kaŋɛ mo: “M maaŋ shin nɛ fo yɔ ama fo baŋ nɛfa ma nna.”

Aŋasa 4:13

Baa nyiŋi asɔ nɛ fo koya na saŋkikɛ, nsaa kɔ amo to kpakpa, ŋkpal manɛ so kusɔ nɛ fo koya e la fo ŋkpa.

Aŋasa 8:17

Mee sha bumo nɛ baa sha ma nna. Esa kama nɛ e bee fin ma kenishipereso beeŋ wu ma.

Sɔlɔmɔn 1:7

N jipo, ŋini ma kakpa nɛ fee yɛr fo mbolpɔ nɛ baa ya kaa ji, nɛ kakpa nɛ baa dese a wushi kapaso. Ŋkpal manɛ so, k maŋ daga fanɛ n ya kaa na fo braana be mbolpɔ to a fin fo.

Sɔlɔmɔn 6:12

Ama n tia kaa pin nɛ ma nfɛra yɛr ma n jipo be kasha so fanɛ gbaŋɛturko be ediipo ka bee yɔ kena to na.

Sɔlɔmɔn 7:5

Fo kumu wɔ esoso nna fanɛ kebeegboŋ nɛ baa tre kamɛl na. Nɛ fo emin walɛ nsaa nyɛkpɛ so nɛ bewura gba maa keni amo a moɛ.

Sɔlɔmɔn 8:2

Meeŋ keta fo m ba n nio nɛ e bela ma na be laŋ to; m ba sa fo ŋ gbagba be nsa belbelso nɛ a shi asɔrso nɛ baa tre pomegranates na to.

Aizaaya 45:19

Mannɛ ashiri to nɛ m malga ŋko n ta ma ŋkre ŋ ŋana. M maŋ kaŋɛ Israɛl be basa fanɛ, nɛ b fin ma b maaŋ wu ma a. Ma e la Enyɛnpe Ebɔrɛ nɛ e bee ji kashenteŋ na. Kusɔ nɛ k bɔla ekpa nɛ mee kaŋɛ.”

Jɛremaya 29:13

Menyeeŋ fin ma kenishipereso nseŋ wu ma, nɛ ma nɛ menyi e baa wɔtɔ.

Nfabel 3:25

Enyɛnpe Ebɔrɛ na la esa nna n sa ekama nɛ e ta mbe yirda n wɔtɔ mo to nsaa wora mo kasonu.

Matiu 28:9

K maŋ chɛr ko nɛ Yesu tu bumo ekpa na to nseŋ kaŋɛ bumo le: “Mee chɔrɔ menyi.” Ndoŋ nna nɛ b firgi n taga mo to ŋ gbir m pɛ mbe aya m bunyaŋ mo.

Matiu 7:7

Men kule nseŋ nya, men fin nseŋ wu, men ŋmɛa kabuna nɛ b bugi n sa menyi.

Romebi 8:35

To, manɛ e naaŋ tiŋ n lara kasha nɛ Kristo kɔ a sa anyi ashi anyi so? Tɔrɔ ŋko awurfoŋ ŋko basa be kekɔrfɛ anyi ŋkpal anyi be yirda so ŋko akoŋ ŋko ketir ŋko kenishipere ŋko luwu bre e naaŋ tiŋ n lara mbe kasha ashi anyi so?

Romebi 8:39

Shɛŋ maŋ wɔ durnya ere be esoso ŋko kumo be kaseto nɛ k tiŋ n lara mbe kasha na ashi anyi so. Shɛŋ shɛŋ maŋ wɔ durnya ere kikɛ to nɛ k tiŋ n lara anyi ashi Ebɔrɛ be kasha nɛ k bɔla an Nyɛnpe Kristo Yesu so a la anyeya na to.

Galeeshaebi 4:26

Ama ebɔrɛso be Jerusalɛm na bre maŋ wɔ kenyaya to. To, loŋ be Jerusalɛm ere du fanɛ an nio nna.