Sɔlɔmɔn 3:1 - EBƆRƐ BE KAWƆL

¹ Ŋ ka dese ma gedo so kanyɛso nɛ n jipo be asheŋ ba ma kagbene to; nɛ ŋ keni bena nɛ jiso m maŋ wu mo.

Sɔlɔmɔn 3:1 ပူးပေါင်းရင်းမြစ်များ

Nshɛ 22:2

Ma Ebɔrɛ, mee shu a tre fo kapa nɛ kanyɛ nna, fo alɛ maa nu. Amoso ma kagbene maŋ dese ma.

Nshɛ 4:4

Men ta kufu nɛ kechicha chicha n lar men be alubi to. Men keni men be ŋgbene to nɛnɛ, saŋɛ nɛ men nawule dese kelaŋ so na.

Nshɛ 6:6

Kebɔltofinfin e naa mɔ ma. Kanyɛso kikɛ, ma anishichubi bee pɔ ma gedo nɛ kaputi nna.

Sɔlɔmɔn 1:7

N jipo, ŋini ma kakpa nɛ fee yɛr fo mbolpɔ nɛ baa ya kaa ji, nɛ kakpa nɛ baa dese a wushi kapaso. Ŋkpal manɛ so, k maŋ daga fanɛ n ya kaa na fo braana be mbolpɔ to a fin fo.

Sɔlɔmɔn 5:6

Ŋ ka bugi kukuloŋ na nɛ n jipo maŋ naa wɔtɔ; e tiŋ n yɔ, nɛ k tɔrɔ ma ga. Nɛ ŋ keni a fin mo, ama m maŋ wu mo. Nɛ n tre mo ama m maŋ nu mbe ebɔl.

Sɔlɔmɔn 5:8

Jerusalɛm be beche, meeŋ kaŋ wu n jipo, manɛ nɛ menyeeŋ kaŋɛ mo? Men kaŋɛ mo fanɛ kasha shin nɛ mee lɔ.

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Aizaaya 55:6

Men fin Enyɛnpe Ebɔrɛ na nseŋ kule mo saŋɛ nɛ e taga menyi to ere.

Luuk 13:24

Nɛ e kaŋɛ bumo: “Men wora ania ga m bɔla kabunabi na to n luri, ŋkpal manɛ so, basa damta beeŋ wora ania nɛ b luri, ama b maaŋ tiŋ.

Baru lela nɛ Jɔn kute na 11:29

Mɛɛri ka nu loŋ nɛ e koso manaŋ n yɔ Yesu kutɔ.

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.