Sɔlɔmɔn 2:8 - EBƆRƐ BE KAWƆL

⁸ N nu n jipo be ebɔl! Mo e shi abee nɛ apreŋ so n shile a tɛto n gbelge to a ba ma kutɔ na.

Sɔlɔmɔn 2:8 ပူးပေါင်းရင်းမြစ်များ

2 Samuɛl 6:16

B ka ta ŋkre be deka na a luri kade to na, nɛ Sɔɔl pibiche Mikaal keni tokuro to n wu ewura Deevid ka bee cha a tɛto, nɛ mbe asheŋ nu mo agbo alegaiso nɛ e maŋ naa keni mo a bɔlɔ kenishi.

Sɔlɔmɔn 2:17

N jipo du fanɛ chibir nna a wɔ kebee so hale nɛ kare e ya cha nɛ tentembiri e foe.”

Sɔlɔmɔn 4:16

Shin nɛ afu e ta ma kudɔbi na to be efɛa n ya ber ŋ jipo, nɛ n jipo e ba luri kumo to n daŋ kumo be asɔrso lela na ŋ keni.

Sɔlɔmɔn 5:2

Mee di nɛ ma kagbene maa di. Ŋ ku edare fanɛ n jipo ka ba ŋmɛa ma kukuloŋ. N jipo nɛ ma eshapo, nɛ fo du fanɛ lepɔ, bugi ma nɛ n luri; ŋkpal manɛ so bunyaŋ tɔr ma so nna; nɛ ma kumu nɛ ma emin kikɛ pɔ.

Aizaaya 35:6

Ebobi beeŋ nya aya a tɛ to a cha, nɛ eneemu a nya nnɔ a boŋ to kagbenefuliso Mbombi beeŋ fara a shile kiyi to;

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Aizaaya 52:7

K la mamachi be kesheŋ nna fanɛ esa ka beeŋ wu kabɔ ka ta kagbenewushi be baru n shi abee so a gbelge to a ba nɛ e ba sa basa. Kekɔmpɔɔso be kebomboŋ nɛ e bee ber a sa Jerusalɛm to ebi a kaŋɛ le: “Menyi be Ebɔrɛ e la Ewura!”

Jɛremaya 48:27

Mowab be basa, men baa nyiŋi kananɛ men daŋ wora Israɛl be basa eyurto. Men daŋ wora bumo nna fanɛ b ka la beyu nɛ besugepo na.

Luuk 6:23

Saŋkama nɛ basa bee wora menyi loŋ, men shin nɛ men be ŋgbene e baa fuli menyi ga fanɛ men koso a cha, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ bumo nanaana gba daŋ tɔrɔ anebiana na.

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Baru lela nɛ Jɔn kute na 3:29

Kejafɔ mo kul e wɔ eche nɛ baa kre kejafɔ na. Kejafɔ mo teri na bre bee kaa yil nna nseŋ kaŋ kusoe a jo saŋɛ nɛ e beeŋ nu mo teri kejafɔ mo kul na be ebɔl nɛ mbe kagbene e fuli mo ga. Le e naa shin nɛ kagbenefuli bee bɔlɔ ma alɛ gba to.

Ashuŋ Shunso 14:10

Nɛ kanyɛn na tɛ to ŋ koso a nite a kilgi to.

Ashuŋ Shunso 3:8

Ndoŋ nna nɛ e tɛ to n yuu mbe aya so nseŋ fara a nite a kilgi to. Kumo be kaman nɛ mo nɛ Pita nɛ Jɔn luri bɔrɛlambu na to nɛ e bee nite nsaa tɛ to a di Ebɔrɛ epaŋ.

Kelaraŋŋini 3:20

Men nu nfe, n yil kabuna to nna a ŋmɛa, ekama nɛ e nu ma ebɔl nseŋ bugi kabuna n sa ma, meeŋ luri mo kutɔ n tu mo n ji nɛ mo alɛ gba e tu ma n ji.