Sɔlɔmɔn 2:3 - EBƆRƐ BE KAWƆL

³ Kananɛ mangodibi bee wea ndibi pɔtɛ to ashi kupo to na nɛ n jipo du ashi mbrantiɛbia to. Kumo be kiyoyul to be kechena wɔ ebel nna nɛ kumo kusɔrso bee wora ma kɔnɔ to ebel ga

Sɔlɔmɔn 2:3 ပူးပေါင်းရင်းမြစ်များ

Nshɛ 45:2

Enyɛn kikɛ maŋ walɛ keyɛrbi fanɛ fo. Mmalga belbelso nawule e naa shi fo kɔnɔ to. Amoso nɛ Ebɔrɛ bee nɛfa fo.

Nshɛ 45:3

Ewurgboŋ, kemaŋkura wura nɛ ejuŋkparpo, ta fo tokobi n wɔtɔ kumo be efar to ŋ kre kashɛr to.

Nshɛ 57:1

Enyɛnpe Ebɔrɛ, jande wu ma kuwɔr. Wu ma kuwɔr, ŋkpal manɛ so fo kutɔ nɛ mee nya kekuŋ. Fo aba to nɛ mee shile a ŋana nɛ kenishipere e choŋ pɔɛŋ nɛ n lar.

Nshɛ 89:6

Ekama maŋ du fanɛ fo, Enyɛnpe Ebɔrɛ na ashi ebɔrɛso; Ekama malɛ maaŋ tiŋ n ta mbe kumu m ber fo ashi ndoŋ.

Nshɛ 91:1

Esa kama nɛ e shile n ya mata Enyɛnpetale Ebɔrɛ na e naŋ nya mbe kekuŋ.

Sɔlɔmɔn 1:16

N jipo fo walɛ keyɛrbi, m baŋ maŋ wu fo maaŋ teŋ n chena. Anyeeŋ dese afitiri bumbuŋ so kasha so fanɛ gedo nɛ an wora kejafɔ n dese so na;

Sɔlɔmɔn 2:5

Sa ma asɔrso nɛ baa tre greep na be awɔlso nɛ amo nɛ baa tre apɔl na nɛ n ji n nya eleŋ, ŋkpal manɛ so fo kasha shin nɛ mee lɔ nna.

Sɔlɔmɔn 4:13

Ndoŋ nɛ asɔduuso bee wora nɛnɛ nsaa sɔr asɔrso jiso lela nɛ baa tre pomegranates na, nɛ asɔrso dufɛso lela nɛ baa tre naad nɛ hena na;

Sɔlɔmɔn 4:16

Shin nɛ afu e ta ma kudɔbi na to be efɛa n ya ber ŋ jipo, nɛ n jipo e ba luri kumo to n daŋ kumo be asɔrso lela na ŋ keni.

Sɔlɔmɔn 5:16

Mbe kɔnɔ be kepipe wɔ ebel nna, nɛ mbe kusɔ kama malɛ bee par ma. To, Jerusalɛm be beche, kananɛ n jipo nɛ ma eshapo na du nna na.

Sɔlɔmɔn 7:13

Atoto be efɛa sɔ ndoŋ be kaplɛkama nna. N jipo lela, asɔrso lela dra nɛ a popɔr kikɛ nɛ n fin n yili fo.

Sɔlɔmɔn 8:11

Ewura Sɔlɔmɔn kɔ asɔrso nɛ baa tre greep na be kudɔbi nna ashi Baal Hamɔn, E daa kɔ kudɔ na nna a haya a sa basa a sɔ gbiti be ndarbi kagboŋ ekama kutɔ.

Sɔlɔmɔn 8:12

Ewura Sɔlɔmɔn beeŋ tiŋ a kɔ mbe gbiti be ndarbi, nɛ basa na malɛ e baa kɔ bumo be tɔnɔ. Ama ma ere be asɔrso nɛ baa tre greep be kudɔbi na la n nawule peya nna Eshaponyɛnso na

Sɔlɔmɔn 8:5

Wanɛ nɛ mo jipo e pɛ abar be enɔ to n shi keshishɛrsawule so a ba ere? Ndibi nɛ baa tre apɔl na be kifi to nɛ n chɔlta fo; ndoŋ nɛ fo nio di fo kedampo ŋ kurge fo na.

Aizaaya 25:4

Betirpo nɛ basa nɛ b maaŋ tiŋ n chɛ bumo be amu to shile m ba buu fo etɔrɔ be jemanɛ nseŋ nya bumo be amu. Fo e kuŋ bumo ashi bɔrɛfugboŋ to nseŋ sa bumo kayul epeŋi nyaŋnyaŋso so. Bedoŋ nɛ b maa wu kuwɔr kre m ba fanɛ gbaŋgbaŋ to be afugboŋ,

Aizaaya 32:2

Ewura na nɛ benimuana na beeŋ baa du fanɛ kusɔ kuŋ afu nɛ kakpa nɛ esa beeŋ shile n ya ŋana bɔrɛfu so nna. Bumo alɛ beeŋ baa du fanɛ mbombi ashi kiyi to nɛ kefaltagboŋ nɛ k bee kuŋ epeŋi a sa kayul.

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Aizaaya 4:6

Mbe kemaŋkura beeŋ baa wora kiyoyul a buu kadegboŋ na so a kuŋ kumo ashi epeŋi be ebeldɛ so nseŋ shin nɛ k baa la kesɔnyige be kakpa a kuŋ basa ashi bɔrɛ nɛ afugboŋ to.

Ezikɛl 47:12

Ndibi be yiri yiri beeŋ kɔr a yil kabombi na be kaba kama so a sa kusɔ jiso. Amo be afantaŋ maa ba nɛ aba bolo, amo alɛ maaŋ yige kebaasɔr kikɛ. Kufɔl kikɛ a beeŋ baa kɔ asɔrso popɔr, ŋkpal manɛ so a bee nya nchu nɛ a bee shi bɔrɛlambu na to nna. Ndibi na be asɔrso beeŋ baa la ajibi nɛ amo be afantaŋ malɛ e baa chɛ basa alɔ.” Kasawule na be Egbaŋ ana be asheŋ

Jowɛl 1:12

Ndibi sɔrso be yiri yiri kikɛ bolo to nseŋ wɔl n wu kuraa; nɛ bomin kikɛ be kagbenefuli n loge kuraa.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Demujipoana 9:15

Ndoŋ nna nɛ ewidibi kaŋɛ ndibi na le: “Nɛ menyee sha ŋ ka ki menyi be ewura kumo ere men kikɛ e baa kaa ŋana ma kiyoyul to. Nɛ menyi maaŋ wora loŋ, kumo ere edɛ beeŋ shi ma ayabi to m ba chɔɔ Lebanɔn be ndibi nɛ baa tre sida na m mur!”