Sɔlɔmɔn 2:16 - EBƆRƐ BE KAWƆL

¹⁶ Ma eshapo la meya nna, nɛ ma alɛ gba la mo peya; Atoto nɛ baa tre lili na be kakpa nɛ e bee yɛr mbe asɔbɔya kejito.

Sɔlɔmɔn 2:16 ပူးပေါင်းရင်းမြစ်များ

Nshɛ 48:14

“Ebɔrɛ ere e la anyi be Ebɔrɛ mbaanaayɔ. Mo alɛ beeŋ baa juŋkpar anyi saŋkama.”

Nshɛ 63:1

Enyɛnpe, fo e la ma Ebɔrɛ. Mee fin fo ma kagbene to kashenteŋto; fanɛ kananɛ meeŋ pere kenishi n fin nchu ketarso kpantaŋkpalaŋ ashi keshishɛrsawule so na.

Sɔlɔmɔn 1:7

N jipo, ŋini ma kakpa nɛ fee yɛr fo mbolpɔ nɛ baa ya kaa ji, nɛ kakpa nɛ baa dese a wushi kapaso. Ŋkpal manɛ so, k maŋ daga fanɛ n ya kaa na fo braana be mbolpɔ to a fin fo.

Sɔlɔmɔn 2:1

N du fanɛ ketoto nɛ baa tre rosi na nna ashi kakpa nɛ baa tre Sharɔn na ŋko ketoto nɛ baa tre lili nɛ k wɔ ketaŋɛ to na.

Sɔlɔmɔn 4:5

Fo anyipo yil nna jɔŋjurɔmbi fanɛ echibir anyɔ ka lar kepla so a ji na.

Sɔlɔmɔn 6:2

N jipo yɔ mbe kudɔbi nɛ kumo to be ndibi be afantaŋ kɔ efɛa belbelso na to nna. E ya kaa sa mbe mbolpɔ ajibi nna, nsaa chala mbe atoto nɛ baa tre lili na.

Sɔlɔmɔn 6:3

N la n jipo peya nna nɛ n jipo malɛ gba la meya. E bee sa mbe mbolpɔ ajibi ashi atoto nɛ baa tre lili na be kudɔbi na to nna.

Sɔlɔmɔn 7:10

N la ma eshapo peya nna, nɛ e bee sha ma ga.

Sɔlɔmɔn 7:11

N jipo, ba nɛ an yɔ edekarso, n ya di ndoŋ ŋklade.

Sɔlɔmɔn 7:13

Atoto be efɛa sɔ ndoŋ be kaplɛkama nna. N jipo lela, asɔrso lela dra nɛ a popɔr kikɛ nɛ n fin n yili fo.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.