Sɔlɔmɔn 2:1 - EBƆRƐ BE KAWƆL

¹ N du fanɛ ketoto nɛ baa tre rosi na nna ashi kakpa nɛ baa tre Sharɔn na ŋko ketoto nɛ baa tre lili nɛ k wɔ ketaŋɛ to na.

Sɔlɔmɔn 2:1 ပူးပေါင်းရင်းမြစ်များ

1 Kronikɛls 5:16

Bashan nɛ Giliad be kasawule so be nde to, nɛ kakpa nɛ Sharɔn be asɔbɔya bee ji nɛ Gad be basa daa wɔ.

Nshɛ 85:11

Edimɛdi be kashenteŋji beeŋ shi kasawule so nna; nɛ Ebɔrɛ be kebaawɔtɔ niŋiso bee shi ebɔrɛso.

Sɔlɔmɔn 2:16

Ma eshapo la meya nna, nɛ ma alɛ gba la mo peya; Atoto nɛ baa tre lili na be kakpa nɛ e bee yɛr mbe asɔbɔya kejito.

Sɔlɔmɔn 5:13

Mbe ŋgbuŋ walɛ nna fanɛ kudɔbi nɛ k kɔ afantaŋ nɛ asɔrso nɛ amo be efɛa wɔ ebel. Nɛ mbe kɔnɔpurbi du fanɛ atoto nɛ baa tre lili nɛ a bee dufɛ viim na.

Sɔlɔmɔn 6:2

N jipo yɔ mbe kudɔbi nɛ kumo to be ndibi be afantaŋ kɔ efɛa belbelso na to nna. E ya kaa sa mbe mbolpɔ ajibi nna, nsaa chala mbe atoto nɛ baa tre lili na.

Sɔlɔmɔn 6:3

N la n jipo peya nna nɛ n jipo malɛ gba la meya. E bee sa mbe mbolpɔ ajibi ashi atoto nɛ baa tre lili na be kudɔbi na to nna.

Aizaaya 33:9

Nsawule kikɛ wɔl a dese jiga. Lebanɔn be kupo na wɔl ŋ gbaŋgbaŋ afantaŋ nɛ Sharɔn be ketaŋɛ lela na ki fanɛ keshishɛrsawule. Ndibi nɛ a wɔ Bashan nɛ kebee nɛ baa tre Kamɛl na so gbaŋgbaŋ amo be afantaŋ.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Hoziya 14:5

Meeŋ ki fanɛ bunyaŋ nɛ k bee tɔr kasawule so n sa menyi, Israɛl be basa. Menyeeŋ ba ki fanɛ Lebanɔn be ndibi nɛ a kɔ atoto damta nɛ a bugi to a walɛ nɛ amo be nliŋi luri kasawule to m pɛ amo to kpakpa na.