Sɔlɔmɔn 1:9 - EBƆRƐ BE KAWƆL

⁹ N jipo, fee shin nɛ mee wora yireŋ yireŋ nna fanɛ egbaŋɛnyɛn nɛ a bee gberge ewura Fɛɛro be gbaŋɛturko na ka wu gbaŋɛche na.

Sɔlɔmɔn 1:9 ပူးပေါင်းရင်းမြစ်များ

Jɛnesis 50:9

Basa nɛ b daŋ tu mo n yɔ na to be beko daa wɔ egbaŋɛturko to nna nɛ bede dii egbaŋɛ. Kashenteŋto jimaŋ damta e daa la bumo.

1 Bewura 10:28

Ijipt nɛ efuli pɔtɛana so nɛ ewura Sɔlɔmɔn daa tɔ mbe egbaŋɛ.

Sɔlɔmɔn 1:15

N jipo, fo kebita maŋ kɔ ebarkasa, fo anishi du fanɛ lepɔ be anishi nna.

Sɔlɔmɔn 2:10

Le nɛ n jipo kaŋɛ ma: “Ma eshapo, niŋi to; ma kebita lela, ba nɛ an yɔ!

Sɔlɔmɔn 2:13

Ndibi nɛ baa tre figi na fara a sɔr, nɛ asɔrso nɛ baa tre greep na fara a futi nɛ amo be atoto be efɛa sɔ kaplɛkama. Amoso n jipo koso nɛ an yɔ; ma kebita lela, ba nɛ an yɔ!

Sɔlɔmɔn 2:2

Kananɛ ketotodibi lela bee kaa wea ewidibiana to na, loŋ gbagba chap nɛ n jipo du ashi besuŋgurbi to.

Sɔlɔmɔn 4:1

N jipo fo lar kebita nɛnɛ bre. Fo kebita maŋ kɔ ebarkasa. Keni kananɛ fo anishi walɛ nɛnɛ a wɔ shata to fanɛ lepɔ ka wɔ kesha to na. Nɛ fo emin bee gbungbuŋto fanɛ mboe ka shi Giliad be kebee so a gbelge to a ba na.

Sɔlɔmɔn 4:7

Fo baa walɛ kebita nna nɛnɛ; Ŋ jipo, fo kebita maŋ kɔ emɔrɔ kikɛ.

Sɔlɔmɔn 5:2

Mee di nɛ ma kagbene maa di. Ŋ ku edare fanɛ n jipo ka ba ŋmɛa ma kukuloŋ. N jipo nɛ ma eshapo, nɛ fo du fanɛ lepɔ, bugi ma nɛ n luri; ŋkpal manɛ so bunyaŋ tɔr ma so nna; nɛ ma kumu nɛ ma emin kikɛ pɔ.

Sɔlɔmɔn 6:4

N jipo, fo walɛ kebita nna fanɛ ndegboŋ nɛ baa tre Tiiza, nɛ Jerusalɛm na. Fo alɛ bee tia aya nna fanɛ esoji ka keta etuuta m bɛ abar so a nite na nna.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.