Sɔlɔmɔn 1:7 - EBƆRƐ BE KAWƆL

⁷ N jipo, ŋini ma kakpa nɛ fee yɛr fo mbolpɔ nɛ baa ya kaa ji, nɛ kakpa nɛ baa dese a wushi kapaso. Ŋkpal manɛ so, k maŋ daga fanɛ n ya kaa na fo braana be mbolpɔ to a fin fo.

Sɔlɔmɔn 1:7 ပူးပေါင်းရင်းမြစ်များ

Jɛnesis 37:16

Nɛ Josɛf kaŋɛ mo: “N daana nɛ mee fin. Jande nɛ fo nyi kakpa nɛ b wɔ a keni anyi be mbolpɔ so, fo ŋini ma ndoŋ.”

Nshɛ 116:1

Mee sha Enyɛnpe Ebɔrɛ na, ŋkpal e kaa bee nu ma kekule so. Ŋ ka kule mo fanɛ e wu ma kuwɔr, e daŋ nu ma kabɔrɛkule nna.

Nshɛ 18:1

Enyɛnpe Ebɔrɛ mee sha fo; fo kutɔ nɛ ma eleŋ bee shi.

Nshɛ 28:1

Enyɛnpe Ebɔrɛ, fo e la kefaltagboŋ a kuŋ ma. Amoso, nu ma kekule nsaa maŋ kplaŋ ma so. Fo baŋ kplaŋ ma so, k maaŋ chɛr nɛ n wu n yɔ nchaŋ to.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Sɔlɔmɔn 2:16

Ma eshapo la meya nna, nɛ ma alɛ gba la mo peya; Atoto nɛ baa tre lili na be kakpa nɛ e bee yɛr mbe asɔbɔya kejito.

Sɔlɔmɔn 2:3

Kananɛ mangodibi bee wea ndibi pɔtɛ to ashi kupo to na nɛ n jipo du ashi mbrantiɛbia to. Kumo be kiyoyul to be kechena wɔ ebel nna nɛ kumo kusɔrso bee wora ma kɔnɔ to ebel ga

Sɔlɔmɔn 5:10

N jipo walɛ keyɛrbi nna, nsaa kɔ eleŋ nɛnɛ. E wɔ basa ŋgboŋ kudu gba to feeŋ wu mo.

Sɔlɔmɔn 5:16

Mbe kɔnɔ be kepipe wɔ ebel nna, nɛ mbe kusɔ kama malɛ bee par ma. To, Jerusalɛm be beche, kananɛ n jipo nɛ ma eshapo na du nna na.

Sɔlɔmɔn 5:8

Jerusalɛm be beche, meeŋ kaŋ wu n jipo, manɛ nɛ menyeeŋ kaŋɛ mo? Men kaŋɛ mo fanɛ kasha shin nɛ mee lɔ.

Sɔlɔmɔn 6:2

N jipo yɔ mbe kudɔbi nɛ kumo to be ndibi be afantaŋ kɔ efɛa belbelso na to nna. E ya kaa sa mbe mbolpɔ ajibi nna, nsaa chala mbe atoto nɛ baa tre lili na.

Sɔlɔmɔn 6:3

N la n jipo peya nna nɛ n jipo malɛ gba la meya. E bee sa mbe mbolpɔ ajibi ashi atoto nɛ baa tre lili na be kudɔbi na to nna.

Sɔlɔmɔn 8:13

Fo nɛ fo teriana wɔ kudɔbi to nna a ber bare, shin nɛ ma alɛ gba e nu fo ebɔl.

Aizaaya 13:20

Esa kama maaŋ naa wɔ Babilɔn be kadegboŋ na to. Asɔbɔya belapo nɛ b maŋ kɔ epul na gba maaŋ naŋ yuu bumo be ewajɛbu ndoŋ. Mbolpɔkpapo gba maaŋ naŋ kpa bumo be mbolpɔ n yɔ ndoŋ nɛ b ya dese n wushi.

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 5:1

Men kaŋ asoe n nu kashɛ nɛ mee shin nɛ m boŋ n sa menyi ere. K la n teri ko nɛ mbe ndibi sɔrso be kudɔ be asheŋ be kashɛ nna. N teri na daa kɔ ndibi sɔrso be kudɔ nɛ k daa wɔ kepreŋsawule nɛ k bee wora asɔ nɛnɛ so nna.

Jɛremaya 33:12

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Mbolpɔkpapoana beeŋ naŋ nya asɔbɔya be ejikpa lela a kpa bumo be mbolpɔ a yɔ keji to ashi kasawule nɛ k du fanɛ keshishɛrsawule nɛ edimɛdi ŋko asɔbɔya maŋ wɔ kumo so ere so.

Maika 5:4

Ewura na kaŋ ba e beeŋ ta Enyɛnpe Ebɔrɛ na be eleŋ nɛ Ebɔrɛ na be ketre be kemaŋkura n ji kuwura mbe basa so. Mbe basa beeŋ nya kekuŋ gboŋgboŋi, ŋkpal manɛ so, mbe ketre beeŋ dii n yɔ durnya be efuli kama so

Matiu 10:37

Esa kama malɛ nɛ e bee sha mo tuto nɛ mo nio a chɔ ma maŋ daga e ka la meya. Ekama malɛ nɛ e bee sha mo pibinyɛnso ŋko mo pibicheso a chɔ ma maŋ daga e ka la meya.

Baru lela nɛ Jɔn kute na 10:11

Ma e la mbolpɔkpapo lela na, mbolpɔkpapo lela na bee shin nɛ baa lara mbe ŋkpa ashi mo to nna a sa mbolpɔ na.

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

1 Pita 2:7

Loŋ be kejembu ere la tɔnɔ be kusɔ gboŋgboŋi nna ga n sa menyi nɛ men yirda ere, ama bumo nɛ b maŋ yirda na bre, abɔrɛsibɛ na bee kaŋɛ fanɛ: “Kejembu mo nɛ bepɔrpo keni jiga na e ba ki ajembu to kikɛ be kelela ga na.”

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

Kelaraŋŋini 7:17

Ŋkpal manɛ so, Kpakpafɔlbi nɛ e wɔ kuwurputi na be nferinto na e naaŋ ki bumo be ekpapo n yɛr bumo mboŋ nɛ ŋkpa be nchuana bee bul nɛ Ebɔrɛ malɛ e kpra anishichubi kikɛ ashi bumo be anishiana to.”

Ruf be kawɔl 2:21

Nɛ Ruf nɛ e shi Mowab be efuli so na naŋ kaŋɛ Nawomi le: “E kaŋɛ ma alɛ gba nna fanɛ m baa wɔ mbe beshumpo kutɔ a shishi hale nɛ b ya teŋi mbe asɔ kikɛ n loge.”