Sɔlɔmɔn 1:5 - EBƆRƐ BE KAWƆL

⁵ Jerusalɛm be beche, ma kayurwule biri nna, ama ma alɛ walɛ kebita. N nyɔ gbitigbiti nna fanɛ Keeda be ewajɛbu nɛ a wɔ keshishɛrsawule so na, ama ma kebita du nna fanɛ Sɔlɔmɔn be lambu to be epatisa

Sɔlɔmɔn 1:5 ပူးပေါင်းရင်းမြစ်များ

Nshɛ 120:5

Ma kechena menyi to gba lubi nna, fanɛ ŋ ka chena Mɛshɛk be efuli so, kakpa wɔfɔ ŋko Kɛda be basa be ewajɛbu nɛ a maŋ taga to nfe na to.

Nshɛ 149:4

Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Nshɛ 45:9

Bewura be mbichesobi e wɔ fo lambu to, nɛ eche nɛ fee shin nɛ fo ta na wɔtɔ shuwa be abitasɔ a yil fo kuwurputi be jisoso.

Nshɛ 90:17

Enyɛnpe anyi be Ebɔrɛ, shin nɛ fo nɛfa e baa wɔ anyi so, nseŋ shin nɛ asheŋ e baa nite nsaa loge to nɛnɛ a sa anyi!

Sɔlɔmɔn 2:14

Fo du nna fanɛ lepɔ nɛ e ŋana kefalta to ashi kebeegboŋ so na. Shin nɛ n wu fo anishito; nseŋ nu fo ebɔl belbelso na.

Sɔlɔmɔn 2:7

Jerusalɛm be beche, men nase kɔnɔ n sa ma nseŋ bɔ chibir nɛ shantaŋ be ntaŋ fanɛ men maaŋ chuchɔl kasha nɛ kumo be saŋɛ maŋ naŋ fo.

Sɔlɔmɔn 3:10

Gbiti nɛ e daŋ ta n wora kumo be ndibi tenteŋ na, nseŋ ta shuwa malɛ n wora kumo be kaseto be ndibi na. Wajɛ peper kunɔkunɔ nɛ e daŋ ta n ta kumo be kaseto. Jerusalɛm be mbichebi e daŋ lue kumo be epunto be asɔ kikɛ.

Sɔlɔmɔn 3:5

Jerusalɛm be beche, men nase kɔnɔ n sa ma nseŋ bɔ chibir nɛ shantaŋ be ntaŋ fanɛ men maaŋ chuchɔl kasha nɛ kumo be saŋɛ maŋ naŋ fo.

Sɔlɔmɔn 4:3

Fo kɔnɔpurbi nyɔ nna m pere kpeŋ fanɛ kechɛbi peper na; fo kɔnɔ be kapɔr walɛ. Fo ŋgbuŋ du kulkulbi nna a walɛ nsaa nyɛkpɛ fo shata to.

Sɔlɔmɔn 5:16

Mbe kɔnɔ be kepipe wɔ ebel nna, nɛ mbe kusɔ kama malɛ bee par ma. To, Jerusalɛm be beche, kananɛ n jipo nɛ ma eshapo na du nna na.

Sɔlɔmɔn 5:8

Jerusalɛm be beche, meeŋ kaŋ wu n jipo, manɛ nɛ menyeeŋ kaŋɛ mo? Men kaŋɛ mo fanɛ kasha shin nɛ mee lɔ.

Sɔlɔmɔn 6:4

N jipo, fo walɛ kebita nna fanɛ ndegboŋ nɛ baa tre Tiiza, nɛ Jerusalɛm na. Fo alɛ bee tia aya nna fanɛ esoji ka keta etuuta m bɛ abar so a nite na nna.

Sɔlɔmɔn 8:4

Jerusalɛm be beche men nase kɔnɔ n sa ma fanɛ men maaŋ chuchɔl kasha nɛ kumo be saŋɛ maŋ naŋ fo.

Aizaaya 21:16

Kumo be kaman nɛ Enyɛnpe Ebɔrɛ na kaŋɛ ma le: “Ta a ba fanɛ kafɛ be jemanɛ to gbagba, eyiri yiri nɛ b shi Areebia be kebonfu nɛ baa tre Kɛda na be kemaŋkura kikɛ beeŋ ba ekar, fanɛ kananɛ paawura be kushuŋ bee loge a ba ekar na.

Aizaaya 53:2

Enyɛnpe Ebɔrɛ na gbagba be keparso nɛ mbe kenya daŋ ki fanɛ kusɔduuso nɛ k mur achin kasawule wɔlso so. E daa maŋ walɛ keyɛrbi ŋko a la esagboŋ ko nɛ basa nyi mbe asheŋ ŋko a keni mo a bɔlɔ kenishi. Mbe kapɔr be shɛŋ daa maa par basa, nɛ k shin nɛ basa e baa firgi a taga mo to.

Aizaaya 60:7

Baaŋ gama abonfu nɛ baa tre Kɛda nɛ Neboyot na be mbolpɔ kikɛ abar so m ba sa menyi fanɛ esarga. Ma, Enyɛnpe Ebɔrɛ na malɛ beeŋ sɔ amo fanɛ ma bɔrɛsure so be esarga, nseŋ shin nɛ ma bɔrɛlambu e nya kemaŋkura n ti so.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Ezikɛl 16:14

Ndoŋ nna nɛ fo asheŋ sɔ kaplɛkama nɛ ekama bee ji fo kebita be asheŋ ashi efuliana na kikɛ so, ŋkpal kananɛ ma, Enyɛnpetale Ebɔrɛ na shin nɛ fo kela lar nɛ ekama bee wu kumo so.

Ezikɛl 27:21

Nɛ Areebia be efuli so be basa nɛ Kɛda be efuli so be bewura gba ta mbolpɔfɔlbi nɛ mbolpɔ nɛ mboe m ba tɔ fo asɔ faso.

Matiu 10:25

Amoso, ekoyapo kama nɛ e fo mbe eŋinipo so, e shin nɛ loŋ e kukwe mo. Kenya kama malɛ nɛ e ba fo mo nyɛnpe so, e shin nɛ loŋ e kukwe mo. Nɛ basa baa tre kanaŋ ko to be enimu Alubipo Biyɛlzibel, kumo ere kanaŋ na to ebi bre beeŋ nya atre lubi nɛ a chɔ loŋ ai.”

Matiu 22:11

Ama ewura na ka luri m ba nɛ e ba wu befɔ na, nɛ e wu kanyɛn ko ndoŋ nɛ e tase a maŋ buu kejafɔ to be asɔbuuso.

Luuk 13:34

O Jerusalɛmebi, Jerusalɛmebi, menyi e naa mɔ anebiana nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Luuk 15:22

Nɛ etuto na kplaŋ mo so nseŋ kaŋɛ mbe anya le: ‘Men nya manaŋ n ya lara piŋi lela chɔɛŋ na m ba buu mo nseŋ ta kepinibi n wɔtɔ mbe enɔ to nseŋ ta asɛbta n wɔtɔ mo.

Romebi 13:14

Ama men ta Enyɛnpe Yesu Kristo be akɔsɔ na a kuŋ menyi be amu fanɛ asɔbuuso na nseŋ yige kebaade menyi be kapɔr lubiana ere be aparsheŋ so nɛ a sa maŋ kaŋ shin nɛ menyi be ayɛlgasɔ e ka menyi to.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Galeeshaebi 4:26

Ama ebɔrɛso be Jerusalɛm na bre maŋ wɔ kenyaya to. To, loŋ be Jerusalɛm ere du fanɛ an nio nna.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

1 Jɔn 3:1

Men keni kananɛ Etuto na sha anyi loŋ n shin nɛ baa tre anyi mbe mbia, kumo alɛ maŋ kɔ emɔrɔ malɛ fanɛ an ka la mbe mbia. Amoso nɛ durnyaebi maa pin anyi to na. Ebɔrɛ nɛ b maŋ pin to pɔɛŋ.