Sɔlɔmɔn 1:4 - EBƆRƐ BE KAWƆL

⁴ Keta ma nɛ an nya manaŋ n yɔ; Ma ewura, keta ma n yɔ fo ebu to manaŋ. Ndoŋ nɛ anyi be ŋgbene beeŋ fuli anyi, nɛ an nuu nsa nseŋ ji anyi be amu. Nɛ beche bee sha fo, kumo be ekpa so nna.

Sɔlɔmɔn 1:4 ပူးပေါင်းရင်းမြစ်များ

Nshɛ 111:4

Enyɛnpe Ebɔrɛ na maa shin nɛ anyee teŋ mbe emamachisheŋ so; Mo alɛ la esa nsaa wu kuwɔr nna.

Nshɛ 119:32

N wora shiriya kenishipereso nna nɛ ŋ wora fo mbraana kasonu, ŋkpal manɛ so, feeŋ chɛ ma to nɛ n nya kepinto n ti so.

Nshɛ 119:60

Meeŋ baa nya manaŋ a wora fo mbraana kasonu.

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 42:4

M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Nshɛ 48:9

Enyɛnpe Ebɔrɛ, saŋkama nɛ an yɔ fo bɔrɛlambu na to, fo kasha nɛ k maa chɛrga na be asheŋ bee ba anyi be nfɛra to nna.

Nshɛ 63:5

Meeŋ boŋ kapandi be nshɛ kagbenefuliso; nɛ ma eyur e saŋɛ ma to n shin nɛ m moɛ, fanɛ b ka wora kejigboŋ nɛ n ji na.

Sɔlɔmɔn 3:4

Ma nɛ bumo ka baŋ barga abar gbrɛ nɛ n wu ŋ jipo. Nɛ n far n chɛ mo kiŋkiŋ; M maŋ naŋ yige mo to. Kumo be kaman nɛ ŋ keta mo n yɔ n nio be ebu to; ebu nɛ b kurge ma kumo to na gbagba to.

Sɔlɔmɔn 4:10

N jipo nɛ ma kejafɔ, fo kasha bee bɔlɔ ma kenishi ga. Fo kasha bɔ nsa, nɛ fo etulale be efɛa chɔ asɔ dufɛso kama.

Aizaaya 25:8

Enyɛnpetale Ebɔrɛ na beeŋ mur luwu mbaanaayɔ! E beeŋ kpra anishichubi ashi ekama be anishito nseŋ lara ŋaba nɛ mbe basa ji ashi durnya kikɛ to na ashi bumo so. Enyɛnpe Ebɔrɛ na gbagba e kaŋɛ.

Aizaaya 45:25

Ma, Enyɛnpe Ebɔrɛ na e naaŋ mɔlga Israɛl be basa kikɛ, nɛ bumo alɛ e maŋkura ma.”

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Aizaaya 63:7

Meeŋ malga Enyɛnpe Ebɔrɛ na be alelasheŋ be asheŋ nseŋ kpaŋ mo ŋkpal asɔ nɛ e bee wora a sa anyi so. E nɛfa Israɛl be basa ga nna ŋkpal mbe kuwɔrwu nɛ kasha nɛ k wɔtɔ jemanɛ kikɛ na so.

Jɛremaya 31:3

n daa wɔ kufɔ nna nseŋ lara ma kumu ŋ ŋini menyi. Ŋ ka bee sha menyi saŋɛ kama na so, nɛ mee ŋini menyi ma kasha nɛ k wɔtɔ mbaanaayɔ na.

Hoziya 11:4

Ŋ koli bumo m mata ma kumu kashaso, nseŋ maŋ bumo so m pɛga. N sa bumo ajibi nɛ b ji,

Zefanaiya 3:14

Israɛlebi, men baa boŋ nshɛ awɔrso kagbenefuliso! Jerusalɛmebi, menyi alɛ gba e baa ji eyur kagbenefuliso!

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Matiu 25:10

B ka wɔ ekpa to a yɔ nɛ b ya tɔ keresin na nɛ kejafɔ mo kul na malɛ ba. Ndoŋ nna nɛ bumo nɛ b daŋ wora shiriya na tu kejafɔ mo kul na n luri nɛ b ya ji kejafɔ to be kejigboŋ na. Kumo be kaman nɛ b ti ebu na be kabuna.

Luuk 2:10

Nɛ malaika na kaŋɛ bumo: “Men sa maa lɔ kufu, ŋkpal manɛ so, baru lela nɛ k beeŋ sa basa kikɛ kagbenefuli nɛ m bar menyi.

Luuk 22:19

Kumo be kaman nɛ e ta bodobodo n chɔrɔ Ebɔrɛ n loge nseŋ bu kumo to n ta a sa bumo nsaa kaŋɛ le: “Ma eyur nɛ ŋ kɔ a sa menyi nde.

Baru lela nɛ Jɔn kute na 12:32

Ama nɛ b kaŋ maŋ ma so ashi kasawule ere so bre, meeŋ bar basa kikɛ ŋ kutɔ.”

Baru lela nɛ Jɔn kute na 6:44

Esa kama maaŋ tiŋ m ba ma kutɔ ama Etuto nɛ e shuŋi ma na baŋ bar mo ŋ kutɔ nna, ma alɛ beeŋ tiŋi amodoŋwura ashi luwu to lalaloge be kachɛ na.

Ɛfesesebi 2:6

E tiŋi anyi nɛ Kristo nna nseŋ shin nɛ anyi nɛ mo chena ebɔrɛso ashi mo koŋwule Kristo Yesu na to.

Ɛfesesebi 6:24

Ebɔrɛ be kuwɔr be kakɛ e baa wɔ bekama nyam nɛ b kɔ kasha nɛ k maa loge a sha an Nyɛnpe Yesu Kristo na so.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.

Hibruwebi 12:1

To, naniere a daga fanɛ anyi, bumo nɛ le be eshɛda ere kulti anyi ere ka ta asɔ kama nɛ a bee kagle anyi ekpa ashi kebɛso na to na nɛ alubi mo nɛ a mar anyi so kpakpa na n lɛ nseŋ ta kenishipere n shile eshile nɛ k dese a jo anyi ere kanyitiso.

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.