Ruf be kawɔl 4:6 - EBƆRƐ BE KAWƆL

⁶ Ekurgepo na ka nu loŋ na nɛ e kaŋɛ: “Kumo ere m maaŋ baa sha ketɔ kumo, ŋkpal manɛ so, nɛ n wora loŋ, ŋ gbagba be kapetɛ be asheŋ beeŋ ba ki kpakpa. Amoso feeŋ tiŋ n tɔ kumo, ŋkpal manɛ so, ma ere maaŋ tiŋ n tɔ kumo.”

Ruf be kawɔl 4:6 ပူးပေါင်းရင်းမြစ်များ

Jɛnesis 38:8

Ɛra be luwu na be kaman nɛ Juda kaŋɛ Onan: “Fo da Ɛra be eche ka ki ekulpoche ere bre, fo ta mo ŋ kurge mbia n sa fo da ŋkpal manɛ so, fo e daga nɛ fo kurge mbia n sa fo da.”

Levitikɔs 25:25

Nɛ ketir pɛ Israɛl be esa nɛ e bee sha nɛ e fa mbe kasawule, mo kurgepo gbagba e daga fanɛ e fa kasawule na n sa.

Ditɛronɔmi 25:7

Ama nɛ fanɛ mo kul nɛ e wu na mo kurgepo kama maa sha keta mo a kil bre, ekulpoche na beeŋ yɔ kade be benimu kutɔ n ya kaŋɛ bumo le: “Ŋ kul e wu ŋ ka ma nɛ anyi alɛ maŋ kurge ebinyɛn nɛ e beeŋ shin nɛ mbe ketre maaŋ mur. Ŋ kul mo kurgepo malɛ kini keta ma ŋ kurge ebinyɛn.”

Ditɛronɔmi 25:8

Kumo be kaman nɛ benimu na malɛ e tre esa nɛ e wu na mo kurgepo na m malga n sa mo. Nɛ e kraŋ kini keta ekulpoche na ŋ kil,

Ditɛronɔmi 25:9

kumo ere ekulpoche na beeŋ yɔ mo kutɔ ashi kade be benimuana na be anishito n ya gbaŋ loŋ be ekurgepo na be kesebeta koŋwule, nseŋ tu echɔl n fɛa mbe anishito ŋ kaŋɛ le: “Kusɔ nɛ baa wora esa nɛ e kini kekurge kaman to ebi n sa mo kurgepo nna na.”

Ruf be kawɔl 2:20

Ndoŋ nna nɛ Nawomi kaŋɛ Ruf le: “Enyɛnpe Ebɔrɛ nɛ mbe kelela shi n sa bumo nɛ b wu nɛ bumo nɛ b wɔ ŋkpa to kikɛ na e nɛfa mo.” E ka malga loŋ n loge nɛ e kaŋɛ Ruf le: “Loŋ be kanyɛn na la an kurgepo gbagba nna. E la ekurgepo mo nɛ k daga fanɛ e keni anyi so nna.”

Ruf be kawɔl 3:13

Dese nfe nɛ kare e chɛ nɛ an keni, e beeŋ baa sha kesɔ fo a keni so a? E kaŋ shuli n sɔ fo, kumo ere, k walɛ, ama nɛ e kaŋ kini bre, mee nase kɔnɔ Ebɔrɛ nɛ e wɔ ŋkpa to ere be anishito nna fanɛ ma ere beeŋ sɔ fo a keni so. Amoso, dese nfe nɛ kare e chɛ.”

Ruf be kawɔl 3:9

Nɛ Bowas bishi mo: “Wanɛ nde?” Nɛ Ruf kaŋɛ: “Ma, fo kenyache Ruf nna. Shin nɛ n luri fo kayul to, ŋkpal manɛ so, fo la ekurgepo mo nɛ e daga kekeni ma so nna.”