Ruf be kawɔl 4:13 - EBƆRƐ BE KAWƆL

¹³ Kede be kaman nɛ Bowas ta Ruf ŋ ki mbe eche nɛ Enyɛnpe Ebɔrɛ chɛ mo to nɛ e di kedampo ŋ kurge ebinyɛn.

Ruf be kawɔl 4:13 ပူးပေါင်းရင်းမြစ်များ

Jɛnesis 20:17

Ŋkpal Abimelɛk ka daŋ suge Eebraham be eche Sɛɛra so, Enyɛnpetale daŋ ti mbe laŋ to ebi kikɛ be kakurge nna. Ndoŋ nna nɛ Eebraham kule Ebɔrɛ nɛ Ebɔrɛ chɛ Abimelɛk nɛ mbe eche nɛ mbe anyache kikɛ, saŋɛ na so baaŋ naŋ tiŋ ŋ kurge mbia.

Jɛnesis 25:21

Aizek nɛ Rebɛka ka ta abar Rebɛka daa maa kurge nɛ Aizek kule Enyɛnpe Ebɔrɛ na n sa mo nɛ Enyɛnpe Ebɔrɛ na nu mbe kabɔrɛkule na n shin nɛ Rebɛka di kedampo.

Jɛnesis 29:31

Enyɛnpe Ebɔrɛ na ka wu fanɛ Jeekɔb maa sha Lia nɛnɛ nɛ e sa mo kakurge, ama Reechel bre daa la egbentepo nna.

Jɛnesis 30:2

Ndoŋ nna nɛ Jeekɔb nya agbo n wora Reechel nseŋ bishi mo: “N la Ebɔrɛ nna a? Mo nawule e naŋ teŋ shin nɛ fo kurge, mannɛ ma.”

Jɛnesis 33:5

Kumo be kaman nɛ Isɔɔ ki ŋ keni n wu beche na nɛ bumo be mbia na nseŋ bishi Jeekɔb le: “Fo nɛ basa mo malɛ nna?” Nɛ Jeekɔb kaŋɛ: “Mbia nɛ Ebɔrɛ wu ma kuwɔr n sa ma, fo kenya nna.”

Nshɛ 113:9

Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!

Nshɛ 127:3

Enyɛnpe Ebɔrɛ na e naa sa basa mbia, nɛ mbia na e baa la nɛfa n sa bumo.

Ruf be kawɔl 3:11

Amoso, m pibi, sa maa lɔ kufu, ŋkpal manɛ so, kade ere to ebi kikɛ nyi fo ka la eche nɛ fo kɔ da lela, amoso meeŋ wora asɔ nɛ fo kule ere kikɛ n sa fo.

Ruf be kawɔl 4:12

Enyɛnpe Ebɔrɛ e shin nɛ mbia mo nɛ feeŋ bɔla eche ere so n nya na e ba shin nɛ fo kanaŋ e baa du fanɛ Pɛrɛs nɛ Tama nɛ Juda daŋ kurge na be kanaŋ.”

1 Samuɛl 1:27

Ŋ kule Enyɛnpe Ebɔrɛ kebia ere nna nɛ mo alɛ sa ma kusɔ nɛ ŋ kule na gbagba.

1 Samuɛl 2:5

Basa nɛ b daa nya a ji yɛlyɛla so na bee ji paa nna a fin bumo be kusɔ jiso naniere, ama bekama nɛ akoŋ daa mɔ na bre maŋ naa shu akoŋ. Fo e shin nɛ egbentepo kurge mbia ashunu, nɛ bibi damta bumo nio malɛ paŋ mbe mbia kikɛ.