Ruf be kawɔl 4:11 - EBƆRƐ BE KAWƆL

¹¹ Ndoŋ nna nɛ benimuana na nɛ bekama nɛ b daa wɔ kejaŋ na so na kikɛ shuli ŋ kaŋɛ: “Mm, an kikɛ wora kumo be loŋ be shɛda. Enyɛnpe Ebɔrɛ e nɛfa eche nɛ e bee ba fo laŋ to na n shin nɛ e kurge mbia damta fanɛ Reechel nɛ Lia nɛ b daŋ chɛ abar ŋ kurge mbia damta n sa Jeekɔb nɛ kumo be loŋ shin nɛ Israɛl ki efuligboŋ na. Ebɔrɛ e shin nɛ fo dii dama ashi Efrata nsaa nya bunyaŋ ashi Bɛtlɛhɛm to.

Ruf be kawɔl 4:11 ပူးပေါင်းရင်းမြစ်များ

Jɛnesis 23:10

Jemanɛ na so nɛ Efrɔn gbagba tase mo braana Hitebi na kutɔ nshɛr na to ashi kade na be ekarso, kakpa nɛ baa kaa shɛr a ji demu na. Eebraham ka malga n loge na nɛ Efrɔn kaŋɛ:

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Jɛnesis 29:16

Leeban malɛ daa kɔ mbichebi anyɔ. Egboŋiso na nɛ baa tre Lia nsaa tre ekekarso na malɛ Reechel.

Jɛnesis 29:25

Jeekɔb nɛ Lia ka di ŋklade nɛ Jeekɔb keni nɛ Lia nna, mannɛ Reechel. Ndoŋ nna nɛ e bishi Leeban le: “Manɛ be kushuŋ nɛ fo shuŋ ma loŋ? Reechel so nɛ n shuŋ fo ŋko mannɛ aloŋ nna? Nɛ manɛ e ba nɛ fo fule ma loŋ?”

Jɛnesis 29:32

Amoso Lia daŋ di kedampo nna ŋ kurge ebinyɛn nseŋ kaŋɛ le: “Enyɛnpe na wu ma kagbenejija nseŋ chɛ ma to, amoso naniere bre ŋ kul beeŋ baa sha ma.” Ŋkpal loŋ so nɛ e nase kebia na Ruben.

Jɛnesis 35:23

Lia be mbia e daa la, Ruben, Jeekɔb be wurkoŋ nɛ Simiɔn nɛ Livai nɛ Juda nɛ Isakar n ta Zɛbyulɔn m bɛ so lalaloge.

Jɛnesis 35:24

Reechel be mbia e daa la, Josɛf nɛ Bɛnjamin.

1 Bewura 21:8

Ndoŋ nna nɛ e ta ewura Ahab be ketre n sibɛ nwɔl n ta mbe tɔɔnɛ be kebersobi n deŋi amo so nseŋ ta amo n shoŋi benimuana na nɛ bunyaŋwuraana nɛ b wɔ Jizreel nɛ k la Nabɔf be kade na to kikɛ.

1 Kronikɛls 2:51

Mo pibinyɛn nyɔsopo nɛ baa tre Salma na, e daŋ juŋkpar n chena Bɛtlɛhɛm, nɛ mo pibinyɛn sasopo nɛ baa tre Harif na e daŋ juŋkpar n chena Bɛfgaada.

Nshɛ 132:6

Jemanɛ nɛ an daa wɔ Bɛtlɛhɛm na, nɛ an nu fanɛ Enyɛnpe Ebɔrɛ na be ŋkre be deka na daa wɔ kakpa ko nɛ k mata kakpa nɛ baa tre Jearim na.

Aŋasa 14:1

Eche nyiashempo bee koli kanaŋ nna, ama eche wulpo bre bee bure laŋ nna.

Aŋasa 31:23

Mo kul bee nya kemaŋkura nna nsaa tiŋ a luri kade be benimu to.

Jɛremaya 32:10

Pɔɛŋ nɛ ŋ ka mo amansherbi na, n daŋ yisi enɔ kumo be nwɔl so nna n shin nɛ eshɛdajipo ko gba yisi enɔ kumo so. Kumo be kaman nɛ n ta kawɔl be kebersobi m ber nwɔl nɛ an wora na be kuko so nseŋ ta kusɔ nɛ k bee ta asɔ be egbɛ na ŋ karga gbiti na.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Matiu 2:6

‘Fo Bɛtlɛhɛm nɛ fo wɔ Judiya so na, fo maŋ la Juda be kasawule so be bewuraana be ebibiso kuraa, ŋkpal manɛ so, fo to nɛ ejuŋkparpo beeŋ lar n juŋkpar ma basa Israɛlebi.’ ”

Ditɛronɔmi 25:7

Ama nɛ fanɛ mo kul nɛ e wu na mo kurgepo kama maa sha keta mo a kil bre, ekulpoche na beeŋ yɔ kade be benimu kutɔ n ya kaŋɛ bumo le: “Ŋ kul e wu ŋ ka ma nɛ anyi alɛ maŋ kurge ebinyɛn nɛ e beeŋ shin nɛ mbe ketre maaŋ mur. Ŋ kul mo kurgepo malɛ kini keta ma ŋ kurge ebinyɛn.”

Ditɛronɔmi 25:9

kumo ere ekulpoche na beeŋ yɔ mo kutɔ ashi kade be benimuana na be anishito n ya gbaŋ loŋ be ekurgepo na be kesebeta koŋwule, nseŋ tu echɔl n fɛa mbe anishito ŋ kaŋɛ le: “Kusɔ nɛ baa wora esa nɛ e kini kekurge kaman to ebi n sa mo kurgepo nna na.”

Ruf be kawɔl 1:2

Kanyɛn na be ketre e daa la Elimelɛk nɛ mbe eche malɛ daa la Nawomi. Bumo be mbinyɛnbi anyɔ na malɛ be eko be ketre daa la Maalon nɛ enyɔsopo malɛ daa la Chilion. B daŋ shi Efrat be kanaŋ to nna ashi Bɛtlɛhɛm nɛ k wɔ Juda be efuli so na, n yɔ Mowab n ya kaa wɔtɔ.