Ruf be kawɔl 3:7 - EBƆRƐ BE KAWƆL

⁷ Bowas ka ji nseŋ nuu n loge nɛ kagbene fuli mo nɛ e yɔ asɔ nɛ b bri na ase n ya dese. Ndoŋ nna nɛ Ruf wora boeŋ boeŋ n ya mige Bowas be aya ase be kusɔbuuso na m buu n dese m mata mo.

Ruf be kawɔl 3:7 ပူးပေါင်းရင်းမြစ်များ

Jɛnesis 43:34

Josɛf be echenakpa na nɛ b daŋ yili n chige ajibi na n sa bumo. Bɛnjamin malɛ peya daa chɔ ekama peya ale anu. Ama bumo kikɛ daŋ ji kejigboŋ nna nseŋ tu Josɛf n nuu asɔnuuso yɛlyɛla so.

2 Samuɛl 13:28

B ka bee ji na nɛ Absalɔm kaŋɛ mbe nyɛrbi le: “Men shin nɛ men be lakal e ba wɔ Amnɔn so a keni saŋɛ so nɛ e beeŋ boo, a wora chilchil be asheŋ na. Loŋ be saŋɛ na nɛ men mɔ mo. Men sa maaŋ kaa lɔ kufu, ŋkpal manɛ so, meeŋ sɔ kumo be turju kikɛ n deŋi ma kumu so!”

1 Bewura 21:7

Nɛ Jɛzebel malɛ bishi mo le: “Fo maŋ la ewura nna nsaa beeŋ tiŋ n wora kusɔ kama nɛ fee sha a? Sa maŋ shin nɛ fo kagbene e baa jija fo. Koso n ji ajibi. Meeŋ fin Nabɔf be asɔrso nɛ baa tre greep na be kudɔ na n sa fo!”

Ɛsta 1:10

Kachɛ shunusopo na nɛ ewura na be kagbene fuli mo ga ŋkpal nsa nɛ e nuu na so, nɛ e tre mbe nyɛrbi ashunu nɛ b fɛl bumo nɛ b wɔ mo kutɔ saŋkikɛ a shuŋ mo na. Bumo e la Mehuman nɛ Bizta nɛ Harbona nɛ Bigta nɛ Abagta nɛ Zeta nɛ Kakas.

Nshɛ 104:15

nsaa nya yabra a nuu nɛ mbe kagbene bee fuli mo, mo alɛ naa nya ŋku a gbiti mbe anishito nɛ k bee nyɛkpɛ nsaa nya ajibi be yiri kikɛ a ji a nya eleŋ nɛ alenfia.

Kaŋinichiŋgeliŋ 10:19

Kebaa ji nsaa nuu bee shin nɛ esa be kagbene bee fuli mo nna, ama amansherbi nɛ e beeŋ nya pɔɛŋ tiŋ n wora amo kikɛ.

Kaŋinichiŋgeliŋ 2:24

Kusɔ nɛ ekama baa wora e la kebaa ta mbe kanya a ji a nuu nsaa ji mbe kumu. Ama ade kikɛ be nfɛra nɛ n fɛ nseŋ wu fanɛ amo kikɛ bee shi Ebɔrɛ kutɔ nna.

Kaŋinichiŋgeliŋ 8:15

Ma ere so an baa ji anyi be amu, ŋkpal manɛ so, anyi be kebaawɔtɔ to be kagbenefuli kikɛ baa wɔ kebaaji a nuu nsaa ji eyur to nna. Kusɔ nɛ anyeeŋ tiŋ n wora kikɛ ashi kegben kama nɛ anyee gben kebaawɔtɔ nɛ Ebɔrɛ sa anyi durnya ere to e baa la na.

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Demujipoana 16:25

Jemanɛ nɛ kamooji luri bumo to ga na nɛ b boŋ to ŋ kaŋɛ: “Men ya keta Samsɔn m ba nɛ e ba deŋi anyi anishito.” Ndoŋ nna nɛ b ya lara Samsɔn kabuti to m ba. Kumo be kaman nɛ b fara a mushe mo a wora mo eyur to. Eshabɔrɛgboŋ nɛ e daa kɔ lambu nɛ b daa wɔ kumo to a yil na be nferinto nɛ b daŋ ta Samsɔn n yili.

Demujipoana 19:22

Jemanɛ nɛ baa ji na nɛ kade na to be basa lubi ba kulti laŋ na n wɔtɔ nseŋ fara a ŋmea kukuloŋ na a ponte to a kaŋɛ kanyɛnnimubi na le: “Shin nɛ kanyɛn nɛ fo keta m ba fo laŋ to na e lar m ba! Anyee sha kedi mo keche nɛ kenyɛn nna!”

Demujipoana 19:6

Ndoŋ nna nɛ bumo benyɛn anyɔ na chena n ji nseŋ nuu. Kumo be kaman nɛ eche na mo tuto kaŋɛ mo le: “Jande, di nfe kanyɛ ere n ji fo kumu ŋklade.”

Demujipoana 19:9

Livai be kanyɛn na nɛ mo jipoche na nɛ kayɛrbi na ka koso nɛ b yɔ nɛ eche na mo tuto na naŋ kaŋɛ: “Keni, epeŋi tɔr nna na. Men maaŋ fo kaplɛkama nɛ kanyɛ e biri. Men dese n ji men be amu. Echefo kachipurdidi nɛ men baa yɔ epe.”

Ruf be kawɔl 3:6

Kumo be kaman nɛ e yɔ kakpa nɛ baa bri asɔ na n ya wora kusɔ nɛ mo shache ŋini mo na kikɛ nyam.

Ruf be kawɔl 3:8

B dese loŋ n ya fo kiidiso saŋko nɛ Bowas yeŋi n tiŋi ŋ kilgi ŋ keni nɛ eche ko e dese mbe aya ase.