Ruf be kawɔl 3:1 - EBƆRƐ BE KAWƆL

¹ Kachako nɛ Ruf mo shache Nawomi kaŋɛ mo le: “M pibi, a maŋ daga fanɛ n fin echenakpa lela n sa fo a? Kakpa nɛ feeŋ nya fo gbagba be laŋ nɛ fo kul e baa keni fo so nɛnɛ a?

Ruf be kawɔl 3:1 ပူးပေါင်းရင်းမြစ်များ

Jɛnesis 40:14

Ama mee kule fo nna fanɛ nɛ kusɔ kama kaŋ nyalɛ n sa fo, fo nyiŋi ma nseŋ wora ma kelela. Kaŋɛ Fɛɛro ma asheŋ n lara ma ashi kabuti ere to.

Nshɛ 128:2

E beeŋ ji mbe kegben be tɔnɔ; asheŋ beeŋ baa nite nɛnɛ a sa mo nɛ mbe kagbene e fuli mo.

1 Kɔrintebi 7:36

Enyɛn kama nɛ e bee fɛ fanɛ e maa wora asheŋ nɛ a daga mo nɛ mo jipo be nferinto nɛ eche na malɛ gba bee bel nɛ enyɛn na wu fanɛ a daga fanɛ e ta eche na, men shin nɛ e wora kusɔ nɛ e bee sha, mannɛ kulubi nna, men shin nɛ b ta abar.

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”

1 Timoti 5:14

Amoso, ma ere kutɔ, a daga fanɛ bekulpoche nɛ b maŋ la beche kpar ka kil ŋ kurge mbia nseŋ keni bumo be nwu so nsaa maa wora asheŋ kama nɛ a beeŋ shin nɛ edompo kama e nya ekpa n wu bumo kulubi.

1 Timoti 5:8

Ama eche kama nɛ e maa keni mo kurgepoana so, fɔnfɔŋ basa nɛ b mata mo na, yige kebaakɔ anyi be yirda na to nna na. Esa nɛ e maŋ yirda Yesu Kristo na malɛ gba bɔ loŋ be esa.

Ruf be kawɔl 1:9

Enyɛnpe Ebɔrɛ na e ya sa menyi be ekama echenakpa ashi mo kul popɔr pe.

Ruf be kawɔl 2:23

Amoso Ruf daŋ ta mbe kumu nna m mata Bowas be mbita na a shishi a shishi loŋ hale nɛ kasɔteŋi na kikɛ nyam ya loge pɔp. Le be jemanɛ ere kikɛ nɛ Ruf nɛ mo shache Nawomi e wɔtɔ.

Ruf be kawɔl 3:2

To, baa nyiŋi fanɛ Bowas nɛ fee tu mbe mbita n ya kaa shishi na la anyi be esa nna. Amoso, nu nfe, kanyɛ ere e beeŋ ba wɔ kakpa nɛ baaŋ bri mbe asɔ nɛ e teŋi na,