Ruf be kawɔl 2:20 - EBƆRƐ BE KAWƆL

²⁰ Ndoŋ nna nɛ Nawomi kaŋɛ Ruf le: “Enyɛnpe Ebɔrɛ nɛ mbe kelela shi n sa bumo nɛ b wu nɛ bumo nɛ b wɔ ŋkpa to kikɛ na e nɛfa mo.” E ka malga loŋ n loge nɛ e kaŋɛ Ruf le: “Loŋ be kanyɛn na la an kurgepo gbagba nna. E la ekurgepo mo nɛ k daga fanɛ e keni anyi so nna.”

Ruf be kawɔl 2:20 ပူးပေါင်းရင်းမြစ်များ

2 Samuɛl 2:5

nɛ e shuŋi benyɛn ko fanɛ b ta kubɔya ere n ya sa bumo: “Enyɛnpe Ebɔrɛ e nɛfa menyi ŋkpal men ka wora menyi be ewura kelela nseŋ puli mo so.

2 Samuɛl 9:1

Kachako nɛ Deevid bishi le: “Esa ko kraa wɔ Sɔɔl be kanaŋ ere to nɛ meeŋ tiŋ n wora mo kelela ŋkpal Jonatan so a?”

Job be kawɔl 19:25

N nyi ma emɔlgapo Ebɔrɛ na ka wɔ ebɔrɛso, nɛ asheŋ ere kikɛ be lalaloge e beeŋ gbelge m ba durnya to m ba mɔlga ma.

Aŋasa 17:17

Beteri bee sha abar nna; nɛ bekurgepo malɛ bee cha abar to ashi tɔrɔ to.

Levitikɔs 25:25

Nɛ ketir pɛ Israɛl be esa nɛ e bee sha nɛ e fa mbe kasawule, mo kurgepo gbagba e daga fanɛ e fa kasawule na n sa.

Filipaiebi 4:10

Ma kagbene bee fuli ma ga ashi Enyɛnpe to fanɛ men ka naŋ lɔŋɛ n fara nɛ men chɛ ma to so. Kashenteŋto, ma asheŋ wɔ men be ŋgbene to, ama ekpa nɛ men maŋ nya nɛ men ŋini kumo be loŋ.

Ruf be kawɔl 2:21

Nɛ Ruf nɛ e shi Mowab be efuli so na naŋ kaŋɛ Nawomi le: “E kaŋɛ ma alɛ gba nna fanɛ m baa wɔ mbe beshumpo kutɔ a shishi hale nɛ b ya teŋi mbe asɔ kikɛ n loge.”

Ruf be kawɔl 3:12

Kashenteŋ malɛ nna fanɛ n la fo kulana bumo kurgepo nna nɛ k daga fanɛ ŋ keni fo so, ama esa ko kraa wɔtɔ a la ma so enimu.

Ruf be kawɔl 4:14

Ndoŋ nna nɛ kade na to be beche kaŋɛ Nawomi le: “Kemaŋkura e baa la Enyɛnpe Ebɔrɛ na peya ŋkpal e ka sa fo enanabi nɛ e beeŋ keni fo so so. Ebɔrɛ e shin nɛ kebia na be ketre e baa dii ashi Israɛl be efuli so kikɛ!

Ruf be kawɔl 4:4

basa nɛ b chena nfe ere kikɛ be anishito, ŋkpal manɛ so, fo e daga fo ka juŋkpar n nya loŋ be ekpa na pɔɛŋ nɛ ma alɛ e bɛ so. Ama nɛ fo maa sha ketɔ kumo bre, fo kaŋɛ nɛ m pin.” Ndoŋ nna nɛ kanyɛn na kaŋɛ: “Meeŋ tɔ kumo.”

Ruf be kawɔl 4:6

Ekurgepo na ka nu loŋ na nɛ e kaŋɛ: “Kumo ere m maaŋ baa sha ketɔ kumo, ŋkpal manɛ so, nɛ n wora loŋ, ŋ gbagba be kapetɛ be asheŋ beeŋ ba ki kpakpa. Amoso feeŋ tiŋ n tɔ kumo, ŋkpal manɛ so, ma ere maaŋ tiŋ n tɔ kumo.”