Ruf be kawɔl 2:14 - EBƆRƐ BE KAWƆL

¹⁴ Keji be saŋɛ ka fo nɛ Bowas kaŋɛ Ruf le: “Ba nfe m ba sɔ ajibi nɛ epo n ya ji.” Ruf ka ya tu kasɔteŋiwuraana na n chena na nɛ Bowas sa mo aboyu tɔso nɛ e we kananɛ e bee sha nɛ ako ka.

Ruf be kawɔl 2:14 ပူးပေါင်းရင်းမြစ်များ

2 Samuɛl 17:28

B daŋ bar ntishaŋ nɛ mpuliya nɛ b ta ebɔ m pɔr, nɛ asɔ deseso, nɛ ajibi nna m ba sa Deevid nɛ mbe basa. Ayu nɛ aboyu nɛ aboyutɔso nɛ chɛbɛ nɛ akuloŋku nɛ mushoŋ nɛ wagashi nɛ mbolpɔ gba daŋ ti so. Ŋkpal manɛ so b daa nyi geeŋ fanɛ akoŋ nɛ achukoŋ nɛ kegben beeŋ pɛ Deevid nɛ mbe basa ashi kiyi na to.

Nshɛ 23:5

N doŋana be anishito, nɛ fee wora kejigboŋ a yili ma. Fo sɔ ma fanɛ fo efɔgboŋ nna, a keta ma kananɛ k daga so.

Aizaaya 32:8

Ama esa nɛ ekama bee sa bunyaŋ bre bee ji kashenteŋ nna nsaa yil kusɔ nɛ k niŋi so a wora asheŋ.

Aizaaya 58:7

Men baa chige menyi be ajibi to a sa basa nɛ b maŋ kɔ nɛ b ji nsaa sa bumo nɛ b maŋ kɔ edesekpa kakpa nɛ b dese ashi menyi peana. Menyi alɛ e naa chɛ basa nɛ b maŋ kɔ asɔbuuso to, a sa bumo asɔbuuso nsaa maa kini kebaachɛ men kurgepoana to.

Matiu 14:20

Nɛ ekama we m moɛ nɛ bebɛsopo na tise ejiŋka na m bɔlɔ nlantaŋɛ kuduanyɔ.

Ditɛronɔmi 11:15

nɛ menyi be asɔbɔya e baa nya afitiri lela damta a ji. Menyi alɛ gbagba beeŋ nya ajibi nɛ menyee sha.

Ditɛronɔmi 8:10

Ade be kaman, menyeeŋ nya asɔ kama nɛ menyee sha n ji nseŋ ta kechɔrɔ n sa Enyɛnpe menyi be Ebɔrɛ na ŋkpal e ka sa menyi kasawule lela so.

Ruf be kawɔl 2:13

Ndoŋ nna nɛ Ruf kaŋɛ Bowas: “N nyɛnpe, Ebɔrɛ e shin nɛ ma asheŋ e baa kraa bɔlɔ fo kenishi saŋkikɛ. M maŋ fo mbitaana ere be ekama be eyilikpa so, ama fo malga ma kutɔ nɛnɛ nseŋ wushi ma, fo kenya, be kagbene.”

Ruf be kawɔl 2:15

Ruf ka naŋ koso nɛ e ya shishi nɛ Bowas kaŋɛ mbe beshumpo na le: “Hale nɛ e ya kaa shishi kakpa nɛ men teŋi asɔ ŋ kre ŋ kre n nase na gba men sa maŋ ju mo.

Ruf be kawɔl 2:18

E ka bri amo n chela n loge nɛ e sulɔ amo n yɔ epe n ya ŋini mo shache kusɔ nɛ e nya. Kumo be kaman nɛ e naŋ ta ajibi nɛ e ji ŋ ka na gba n sa mo shache na.

1 Samuɛl 17:17

Kachako nɛ Jɛsi kaŋɛ Deevid le: “Ta aboyu keeso be kilo kudu nɛ bodobodo kudu ere n shile n ya sa fo daana ashi bumo be keeyi to,

1 Samuɛl 25:18

Nɛ Abigɛl wora manaŋ n ta ebodobodo alfanyɔ nɛ nsaturbi be bɔlɔ anyɔ nɛ mbolpɔ nɛ b mɔ ŋ ŋese anu nɛ aboyu keeso be kilo kudu ashunu nɛ asɔrso jiso be asha kalfa nɛ figi be asɔrso wɔlso be ekrakashi alfa anyɔ ŋ kre amo n deŋi ekurma so.