Ruf be kawɔl 2:13 - EBƆRƐ BE KAWƆL

¹³ Ndoŋ nna nɛ Ruf kaŋɛ Bowas: “N nyɛnpe, Ebɔrɛ e shin nɛ ma asheŋ e baa kraa bɔlɔ fo kenishi saŋkikɛ. M maŋ fo mbitaana ere be ekama be eyilikpa so, ama fo malga ma kutɔ nɛnɛ nseŋ wushi ma, fo kenya, be kagbene.”

Ruf be kawɔl 2:13 ပူးပေါင်းရင်းမြစ်များ

Jɛnesis 32:6

Mbɔ na ka bɛta m ba Jeekɔb kutɔ nɛ b kaŋɛ mo le: “An yɔ fo da Isɔɔ kutɔ, amoso e ta basa alfa ana a shɛr fo to.”

Jɛnesis 33:10

Nɛ Jeekɔb kaŋɛ mo: “Ayai, nɛ ma asheŋ baŋ bɔlɔ fo kenishi bre, kumo ere fo sɔ le be kakɛ nɛ mee sa fo ere, ŋkpal manɛ so, ŋ kaŋ baŋ wu fo anishito ere gba baa du nna fanɛ ŋ ka wu Ebɔrɛ be anishito na, fɔŋfɔŋ kananɛ fo sɔ ma nɛ enɔ anyɔ ere so.

Jɛnesis 33:15

Nɛ Isɔɔ kaŋɛ: “Kumo ere shin nɛ n yige ma basa ere be beko fo kutɔ.” Nɛ Jeekɔb bishi mo: “Manɛ nna nɛ fee sha nɛ fo wora loŋ, n nyɛnpe? Kananɛ fo sɔ ma ere gba kukwe.”

Jɛnesis 33:8

Nɛ Isɔɔ bishi Jeekɔb le: “Nɛ asɔbɔya damta nɛ n shɛr to na malɛ a?” Nɛ Jeekɔb kaŋɛ mo: “N ta bumo nna n sa fo nɛ fo wu ma kuwɔr n sɔ ma, n nyɛnpe.”

Jɛnesis 34:3

E ka pur mo na nɛ mbe kagbene kilgi Jeekɔb pibiche Daina na so ga nɛ mbe kasha ba kebichebi na so nɛ e malga mo kutɔ kashaso.

Jɛnesis 43:14

Enyɛnpetale Ebɔrɛ na malɛ e ya shin nɛ kanyɛn na e wu menyi kuwɔr n shin nɛ men da nɛ e ka ndoŋ na nɛ Bɛnjamin e tu menyi m ba. Nɛ k ba fanɛ meeŋ paŋ ma mbia gba nna meeŋ paŋ bumo nna.”

2 Samuɛl 16:4

Nɛ ewura na kaŋɛ Ziba le: “Mifiboshɛf be kusɔ kama nɛ e kɔ na ki feya nna naniere.” Nɛ Ziba malɛ yɛ le: “Yiramu! Ebɔrɛ e shin nɛ m baa wora fo aparsheŋ saŋkama, ŋkpal manɛ so n la fo kayɛrbi nna.”

Aŋasa 15:33

Kabɔrɛŋana e naa sa esa kanyiasheŋ, nɛ kamoobarase malɛ bee sa esa kemaŋkura.

Hoziya 2:16

Yili kumo be kachɛ na a yɔ, menyeeŋ baa tre ma men kul nna, nɛ mannɛ men Nyɛnpe.

Filipaiebi 2:3

Sa maŋ ta kejimuni be ketresha n juŋkpar n wora asheŋ, fo alɛ e sa maa kɔ kamoowu fuloŋ. Ama baa bar fo kumu kaseto kusɔ kama to a ta basa fanɛ bumo e bɔ fo.

Demujipoana 19:3

Ndoŋ nɛ kanyɛn na yɔ nɛ e ya mata eche na m bɛta mo m ba. E daŋ keta mbe kayɛrbi nɛ ekurma anyɔ nna n yɔ. B ka ya fo, nɛ eche na keta kanyɛn na n yɔ mo tuto be laŋ to. Keche na mo tuto ka wu kanyɛn na nɛ e sɔ mo kagbenefuliso.

Ruf be kawɔl 2:12

Enyɛnpe Ebɔrɛ na beeŋ nɛfa fo ŋkpal asɔ nɛ fo wora na kikɛ so. Enyɛnpe Israɛl be Ebɔrɛ nɛ fo ta fo kumu m ba kaa bɔɔ enɔ fanɛ e keni so ere, e nɛfa fo ga.”

Ruf be kawɔl 2:14

Keji be saŋɛ ka fo nɛ Bowas kaŋɛ Ruf le: “Ba nfe m ba sɔ ajibi nɛ epo n ya ji.” Ruf ka ya tu kasɔteŋiwuraana na n chena na nɛ Bowas sa mo aboyu tɔso nɛ e we kananɛ e bee sha nɛ ako ka.

1 Samuɛl 1:18

Nɛ Haana chɔrɔ mo ŋkpal e ka sa mo ebɔl lela so. Ndoŋ nna nɛ mbe kagbene wushi mo nɛ e lar n ya ji ajibi.

1 Samuɛl 25:41

Nɛ Abigɛl gbir ŋ kaŋɛ le: “N wora shiriya nɛ ŋ ki mbe kebita nsaa fɔr mbe nyɛrbi be aya so.”