Ruf be kawɔl 2:12 - EBƆRƐ BE KAWƆL

¹² Enyɛnpe Ebɔrɛ na beeŋ nɛfa fo ŋkpal asɔ nɛ fo wora na kikɛ so. Enyɛnpe Israɛl be Ebɔrɛ nɛ fo ta fo kumu m ba kaa bɔɔ enɔ fanɛ e keni so ere, e nɛfa fo ga.”

Ruf be kawɔl 2:12 ပူးပေါင်းရင်းမြစ်များ

Nshɛ 17:8

Kuŋ ma fanɛ fo kenishi na. Ta ma ŋ ŋana fo atɛ to

Nshɛ 19:11

Enyɛnpe be mbra na bee kpele basa kusoe nna. Basa nɛ baa bɛ amo so bee nya tɔnɔ gboŋgboŋi nna.

Nshɛ 36:7

Fo kasha nɛ k maa chɛrga nsaa maa loge na du fanɛ shuwa nna; nɛ bebɔlpo nɛ basagboŋ kikɛ bee nya kekuŋ ashi fo kiyoyul to.

Nshɛ 57:1

Enyɛnpe Ebɔrɛ, jande wu ma kuwɔr. Wu ma kuwɔr, ŋkpal manɛ so fo kutɔ nɛ mee nya kekuŋ. Fo aba to nɛ mee shile a ŋana nɛ kenishipere e choŋ pɔɛŋ nɛ n lar.

Nshɛ 58:11

Nɛ basa e kaŋɛ: “Kashenteŋ, basa cheembi kraa nya bumo be kakɔka. Kashenteŋ, Ebɔrɛ kraa ji asheŋ nɛ amo be ekpa so ashi durnya to.”

Nshɛ 61:4

Enyɛnpe, ma Ebɔrɛ, shin nɛ m baa wɔ fo kutɔ mbaanaayɔ, saŋɛ na so meeŋ nya kekuŋ ashi fo aba to.

Nshɛ 63:7

Ŋkpal fo ka la ma echɛtopo so, meeŋ chena fo aba be kiyoyul to, m boŋ kagbenefuli be nshɛ.

Nshɛ 91:4

E beeŋ parga mbe atɛ m buu fo so a kuŋ fo nɛ fo nya fo kumu, Mbe kashenteŋji du fanɛ kebɛlso be kusɔ kuŋkumuso ŋko egbal nɛ k bee kuŋ kade nna.

Aŋasa 11:18

Belubiworapo maa nya tɔnɔ kikɛ, ama esa nɛ e bee wora kelela bre maaŋ paŋ kumo be tɔnɔ kikɛ.

Aŋasa 23:18

Nɛ fo wora loŋ bre, asheŋ beeŋ nyalɛ n sa fo echefoso.

Jɛremaya 31:16

Ama ma, Enyɛnpe Ebɔrɛ na yɛ: ‘Yige fo kushu na nseŋ kpra fo anishichubi. Kusɔ kama nɛ fo wora n sa fo mbia ere maaŋ to jiga kikɛ. Fo mbia na beeŋ shi bedoŋ be kasawule so m bɛta m ba.

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Matiu 5:12

Men shin nɛ men be ŋgbene e baa fuli menyi ga a par menyi, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ basa daŋ tɔrɔ anebiana nɛ b daŋ juŋkpar menyi na.”

Matiu 6:1

“Men baa da so nɛ men maa shuŋ men be kabɔrɛshuŋana basa be anishito nɛ b baa wu menyi. Nɛ mannɛ aloŋ, men maaŋ nya kechɔrɔ kikɛ ashi men Tuto nɛ e wɔ ebɔrɛso na kutɔ.

Luuk 6:35

Men baa sha men doŋana nsaa wora bumo kelela. Men sa maa ta men be asɔ a paŋ basa nsaa tama kebɛta n nya tɔnɔ kama ashi bumo kutɔ. Loŋ nɛ menyeeŋ nya tɔnɔgboŋ nseŋ ki Enyɛnpetale Ebɔrɛ na be mbia. Ebɔrɛ gba bee wora ebutuli nɛ dalubiwuraana kelela.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

2 Timoti 1:18

Enyɛnpe e shin nɛ e nya kuwɔr ashi mo kutɔ kachɛ na. Fo alɛ gba nyi asɔ damta nɛ e wora n sa ma ashi Ɛfeses.

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.

Hibruwebi 11:26

E daa sha kekpal Mesaya na so n ji anishinyɔr ga a chɔ keji Ijipt be damaso be asɔ na, ŋkpal manɛ so, mbe anishi daa yuu tɔnɔ mo nɛ e daa beeŋ nya kachako na so nna.

Hibruwebi 11:6

Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

Ruf be kawɔl 1:16

Nɛ Ruf kaŋɛ mo: “Sa maa kaŋɛ ma fanɛ n yige fo m bɛta a yɔ epe. Kaplɛkama nɛ fee yɔ, ndoŋ nɛ meeŋ yɔ. Kakpa nɛ feeŋ ya kaa wɔ, ndoŋ nɛ meeŋ baa wɔ. Fo basa beeŋ baa la ma basa nɛ fo Ebɔrɛ e baa la ma Ebɔrɛ.

Ruf be kawɔl 2:11

Ndoŋ nna nɛ Bowas kaŋɛ mo le: “B kaŋɛ ma asɔ kama nyam nɛ fo wora n sa fo shache fɔnfɔŋ, yili jemanɛ nɛ fo kul wu kikɛ m ba fo mbre. B kaŋɛ ma kananɛ fo yige fo tuto nɛ fo nio nɛ fo efuli so nseŋ ba kaa wɔ basa nɛ fo maŋ nyi kutɔ nfe na kikɛ be asheŋ.

Ruf be kawɔl 2:13

Ndoŋ nna nɛ Ruf kaŋɛ Bowas: “N nyɛnpe, Ebɔrɛ e shin nɛ ma asheŋ e baa kraa bɔlɔ fo kenishi saŋkikɛ. M maŋ fo mbitaana ere be ekama be eyilikpa so, ama fo malga ma kutɔ nɛnɛ nseŋ wushi ma, fo kenya, be kagbene.”

Ruf be kawɔl 4:15

Nawomi, fo shache bee sha fo nseŋ wora asɔ damta n sa fo a chɔ asɔ nɛ mbinyɛnbi ashunu daa beeŋ wora. Kumo be kaman, naniere e sa fo enanabi nyɛnso mo nɛ e beeŋ baa leŋ fo to nseŋ ba kaa keni fo so ashi fo mbel to.”

1 Samuɛl 24:19

Nɛ fo daa la ma doŋ nna kashenteŋto, dafanɛ fo daa maaŋ yige ma kemɔ. Enyɛnpe Ebɔrɛ e nɛfa fo ŋkpal kusɔ nɛ fo wora ma ere so.

1 Samuɛl 24:20

Naniere nɛ m pin fanɛ, fo e naaŋ ba ki Israɛl be ewura nɛ fo kuwurji malɛ e ji eleŋ ga.