Ruf be kawɔl 1:6 - EBƆRƐ BE KAWƆL

⁶ E wɔ Mowab nna nseŋ nu fanɛ Enyɛnpe Ebɔrɛ na wora mo ere Enyɛnpe Ebɔrɛ na be basa kechɛto n sa bumo ajibi. Nawomi ka nu loŋ na nɛ mo nɛ mo shacheana na bela ase nɛ b kaa Mowab m bɛta n yɔ Nawomi be efuli so.

Ruf be kawɔl 1:6 ပူးပေါင်းရင်းမြစ်များ

Jɛnesis 21:1

Eebraham nɛ mbe eche wɔtɔ loŋ nɛ Enyɛnpe na ba buu Sɛɛra wulo so fanɛ kananɛ e daŋ nase kɔnɔ fanɛ e beeŋ wora na.

Jɛnesis 28:20

Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

Jɛnesis 48:15

E ka wora loŋ na be kaman nɛ e nɛfa Josɛf nseŋ kaŋɛ: “Ebɔrɛ mo nɛ n nananyɛn Eebraham nɛ n tuto Aizek daŋ shuŋ na e nɛfa fo mbia ere. Mo, Ebɔrɛ koŋwule mo nɛ e juŋkpar ma a keni ma so fanɛ asɔbɔyakpapo na e nɛfa bumo.

Jɛnesis 50:25

Kede be kaman nɛ Josɛf kaŋɛ mo daana na le: “Ama, men nase kɔnɔ n sa ma fanɛ ŋ kaŋ wu nɛ Ebɔrɛ lara menyi nfe, menyeeŋ ta ma eyur n ti so n yɔ.”

Nshɛ 102:14

Anyi fo anya bee sha kejembu kama nɛ k wɔ kadegboŋ na to nna; amoso kumo be kebure a dese loŋ na shin nɛ kagbenejija tɔr anyi so ga.

Nshɛ 111:5

E bee sa bekama nɛ baa bunyaŋ mo na ajibi nna. Mo alɛ nsaa nyiŋi mo nɛ bumo be kɔnɔkoŋwule be ŋkre na hale mbaanaayɔ.

Nshɛ 132:15

Meeŋ nɛfa Jerusalɛm alegaiso, Kumo to be betirpo gba beeŋ baa nya a ji a moɛ.

Nshɛ 145:15

Asɔ futeso kikɛ bee keni fo anishito nna nɛ fo sa amo ajibi jemanɛ nɛ k daga.

Nshɛ 146:7

Mo e naa ji asheŋ nɛ amo be ekpa so a sa betirpo nsaa sa bumo nɛ akoŋ kɔ kusɔ jiso. Enyɛnpe Ebɔrɛ na e naa lara basa nɛ b ti ebu ashi kabuti to.

Nshɛ 147:14

Ebɔrɛ e shin nɛ men wɔ kayurwushi to ashi menyi be efuli so na. Mo e naa sa menyi ajibi lela.

Ɛksodɔs 3:16

Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

Ɛksodɔs 4:31

nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Aŋasa 30:8

Sa maŋ shin nɛ ŋ ki efɛpo Fo alɛ e sa maŋ shin nɛ m baa la etirpo ŋko damawura. Baa sa ma kacha kama be kusɔ jiso.

Aizaaya 55:10

Ma mmalga du fanɛ bunyaŋ nɛ bɔrɛchu nɛ a bee shi awɔlpa to a ba, a shin nɛ kasawule so bee nya kayul nna. Kananɛ bunyaŋ nɛ bɔrɛchu bee shin nɛ basa bee nya a ji nsaa nya asɔduuso a du na,

Jɛremaya 29:10

Kede be kaman nɛ Enyɛnpe Ebɔrɛ naŋ kaŋɛ le: “Babilɔn be efuli na kaŋ ji eleŋ nfɛ adushunu be kaman, meeŋ wu menyi kuwɔr nseŋ bɛta menyi m ba epe ashi Juda be efuli so nɛ ma kɔnɔ naseso na e bɔlɔ so.

Jowɛl 2:19

ŋ kaŋɛ bumo le: “Naniere bre meeŋ sa menyi adɔjibi nɛ asɔ nuuso nɛ ɔlif be asɔrso be ŋku nɛ men ji m moɛ. Loŋ na efuli pɔtɛana so ebi maaŋ naŋ fɛl menyi nseŋ wora menyi eyurto.

Zefanaiya 2:7

Juda be efuli so be basa nɛ baaŋ ji efute na beeŋ sɔ menyi be kasawule n chena so. Baaŋ baa kpa bumo be mbolpɔ a yɔ keji to ndoŋ nsaa di nwu nɛ a wɔ Ashkɛlɔn na to. Enyɛnpe bumo be Ebɔrɛ na beeŋ baa wɔ bumo kutɔ nseŋ shin nɛ b naŋ dii dama.

Matiu 6:11

Yaŋ sa anyi ajibi nɛ a daga anyi kabre,

Luuk 1:68

“Men shin nɛ an di Enyɛnpe, Israɛl be Ebɔrɛ epaŋ. Mo e ba mbe basa be kechɛto to m ba sɔ bumo n yige.

Luuk 19:44

nseŋ da menyi be kade ere n lɛ kasawule nseŋ mur menyi kikɛ nɛ kumo to be egbalana ere kikɛ e buri to nyam n deŋi abar so le kululu. Ŋkpal manɛ so, men daa maŋ pin jemanɛ nɛ Ebɔrɛ daŋ ba nɛ e ba mɔlga menyi na.”

1 Timoti 6:8

Amoso, nɛ an baa kɔ ajibi nɛ asɔbuuso, a kukwe anyi.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

Ruf be kawɔl 1:5

Kumo be kaman nɛ Maalon nɛ Chilion kikɛ ba wu ŋ ka Nawomi. Nawomi daa maŋ naa kɔ ekul, mo alɛ maŋ naa kɔ mbia.

Ruf be kawɔl 1:7

Kachako nɛ Nawomi nɛ mo shacheana na lar kakpa nɛ e daa wɔ na m pɛ ekpa m bɛta a yɔ Juda be efuli so.

1 Samuɛl 2:21

Nɛ Enyɛnpe Ebɔrɛ nɛfa Haana nɛ e naŋ kurge mbinyɛnsobi asa nɛ mbichesobi anyɔ. Le be saŋɛ ere kikɛ nɛ Samuɛl bee daŋ nsaa shuŋ Enyɛnpe Ebɔrɛ na be kushuŋ.