Ruf be kawɔl 1:21 - EBƆRƐ BE KAWƆL

²¹ N daŋ lar nfe nɛnɛ nna n yɔ ama Enyɛnpe Ebɔrɛ na naŋ bɛta ma m ba nɛ enɔfuloŋ. Amoso, manɛ so nɛ men kraa tre ma Nawomi nɛ kumo be kifito la ebel? Ŋkpal manɛ so, Enyɛnpe Ebɔrɛ na shin nɛ tɔrɔ ba ma so. Mo Enyɛnpe Ebɔrɛ Elempo koŋwule na e bar ma kumu lubi.”

Ruf be kawɔl 1:21 ပူးပေါင်းရင်းမြစ်များ

Job be kawɔl 1:21

nseŋ kaŋɛ le: “B ka kurge ma m ba durnya to, m maaŋ bar shɛŋ. Ŋ ka naŋ wu a lar durnya to, m maaŋ ta shɛŋ n lar. Enyɛnpe Ebɔrɛ na e sa, mo alɛ e sɔ; Kemaŋkura e baa la Enyɛnpe Ebɔrɛ peya!”

Job be kawɔl 10:17

Jemanɛ kikɛ fee wu ma kulubi nna. Fo agbo bee wora keshi ma so nna a ti so nɛ jemanɛ kikɛ fo alɛ bee fin ekpa popɔr nɛ feeŋ bɔla so ŋ kɔ ma.

Job be kawɔl 13:26

Asheŋ lubi nɛ e maaŋ daga kuraa na, hale amo nɛ n wora ma kebia to kikɛ nɛ fo ta a deŋi ma so.

Job be kawɔl 16:8

Fo shin nɛ n nyɔr ŋ ki fanɛ awibi nawule, nɛ basa bee wu ma nsaa kaŋɛ fanɛ ma alubi so nɛ ŋ ki loŋ.

Job be kawɔl 30:11

Ŋkpal Ebɔrɛ ka shin nɛ awurfoŋ nɛ tɔrɔ ba ma so so, kusɔ kama nɛ baa sha, kumo nɛ baa wora ma.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Ruf be kawɔl 1:13

menyeeŋ tiŋ jo bumo hale nɛ b ba daŋ ŋ ki men kulana a? Menyeeŋ kini kekil nseŋ chena n jo bumo a? Ayai, ma mbia, loŋ maaŋ tiŋ n wora. Men be asheŋ kɔ ma kebɔltofinfin damta ga ŋkpal kananɛ Enyɛnpe Ebɔrɛ na be agbo ba anyi so na so.” Ama mbe agbo ba ma so a chɔ menyi.