Ruf be kawɔl 1:20 - EBƆRƐ BE KAWƆL

²⁰ Ndoŋ nna nɛ Nawomi kaŋɛ bumo le: “Men sa maŋ naa tre ma Nawomi, men baa tre ma Mara, ŋkpal manɛ so, Enyɛnpe Ebɔrɛ Elempo na shin nna nɛ kebaawɔtɔ ki nyaŋnyaŋ n sa ma.

Ruf be kawɔl 1:20 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 43:14

Enyɛnpetale Ebɔrɛ na malɛ e ya shin nɛ kanyɛn na e wu menyi kuwɔr n shin nɛ men da nɛ e ka ndoŋ na nɛ Bɛnjamin e tu menyi m ba. Nɛ k ba fanɛ meeŋ paŋ ma mbia gba nna meeŋ paŋ bumo nna.”

Job be kawɔl 11:7

Feeŋ tiŋ m pin Enyɛnpetale Ebɔrɛ be keshi nɛ mbe eleŋgboŋ to a?

Job be kawɔl 19:6

Ama Ebɔrɛ e maŋ wora n nyalɛ ŋkpal e kaa bee wu ma kulubi so.

Job be kawɔl 5:17

Kagbenefuli la esa kama nɛ Enyɛnpetale Ebɔrɛ bee niŋi ekpa na peya nna. Amoso sa maŋ kaŋ keni mbe kefiɛso jiga.

Job be kawɔl 6:4

K du fanɛ Enyɛnpetale Ebɔrɛ na ka to atanyembi nna nɛ amo be kebɔr luri ma eyur to. Ebɔrɛ ta kufugboŋ nna n lɛ ma so.

Job be kawɔl 9:18

Pɔɛŋ nɛ meeŋ nya n fute n wushi gba na, e beeŋ shin nɛ ma awurfoŋ e ti so.

Nshɛ 73:14

O Ebɔrɛ, fo shin nɛ n ji awurfoŋ kachɛ lelemu. Kachipurso kikɛ fee gberge ma kusoe nna.

Nshɛ 88:15

Ma kebia to kikɛ nɛ n ji awurfoŋ, hale a taga to luwu gba kuraa. Fo kasogberge shin nɛ kufugboŋ tɔr ma so, hale ma aba pɔ ma ga.

Ɛksodɔs 15:23

B ka ya fo kaboŋ ko nɛ baa tre Mara, b daa maŋ tiŋ nɛ b nuu ndoŋ be nchu na, ŋkpal a ka daa du kekra so, amoso nɛ b daŋ nase ndoŋ Mara nna.

Ɛksodɔs 6:3

N daŋ lar men nananyɛnana Eebraham nɛ Aizek nɛ Jeekɔb so fanɛ Ebɔrɛ Elempo nna, ama n daa maŋ shin nɛ b pin fanɛ ma e la Enyɛnpe Ebɔrɛ na.

Aizaaya 38:13

Amoso n daa shu nna a klade ŋkpal ebesa so! K daa du fanɛ buluŋ ka bee buri ma awibi to nna. N daa fɛ fanɛ Ebɔrɛ shin nɛ ma ŋkpa loge nna.

Hibruwebi 12:11

Ama kashenteŋ bre, saŋɛ nɛ b baa niŋi esa ekpa, mbe kagbene bee jija mo nna. Ama keniŋi na be kaman ekama nɛ e bii keniŋi na be kifito daŋ nya alelasheŋ be kebaawɔtɔ be kagbenefuli be tɔnɔ nna.

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 21:22

N daa maŋ wu bɔrɛlambu kama kadegboŋ na to, ŋkpal manɛ so, Enyɛnpetale Enyɛnpe Ebɔrɛ nɛ Kpakpafɔlbi na e la ndoŋ be bɔrɛlambu.