Ruf be kawɔl 1:15 - EBƆRƐ BE KAWƆL

¹⁵ Ndoŋ nna nɛ Nawomi kaŋɛ Ruf le: “Keni, fo chamana e bɛta a yɔ mbe basa kutɔ nɛ mbe kade to be ademaŋ to na, fo alɛ gba e bɛta nɛ fo nɛ mo kikɛ e baa yɔ.”

Ruf be kawɔl 1:15 ပူးပေါင်းရင်းမြစ်များ

2 Bewura 2:2

B ka wɔ ekpa to a yɔ na, nɛ anebi Elaija kaŋɛ Elaisha le: “Enyɛnpe Ebɔrɛ na kaŋɛ fanɛ n yɔ Bɛtɛl, amoso fo ere e baa jo nfe.” Nɛ Elaisha kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, meeŋ tu fo n yɔ.” Amoso bumo kikɛ daŋ bɛ abar so nna n yɔ Bɛtɛl.

Nshɛ 125:5

Enyɛnpe Ebɔrɛ na baa gberge kumukpakpasowuraana kusoe, e beeŋ gberge bekama nɛ b yige mbe ekpaana n lɛ gba kusoe. Kayurwushi e baa wɔ Israɛl be basa so!

Nshɛ 36:3

Kafulesheŋ nɛ efɛ e bɔlɔ bumo be nnɔ to. Bumo be nfɛra maa ŋini bumo kebaawɔtɔ lela; bumo alɛ maa wora kelela.

Zefanaiya 1:6

Meeŋ mur bekama nɛ b pal kaman n sa ma nseŋ kini ma kutɔ be kebaa ba nɛ m baa ŋini bumo ekpa na gba.”

Nɔmbɛs 10:30

Nɛ Hobab kaŋɛ le: “M-m ma ere bee bɛta nna a yɔ ma efuli so, amoso m maaŋ yɔ.”

Luuk 24:28

B ka ba fo kadebi na nɛ Yesu wora fanɛ e ka daa sha kekpar so n yɔ anishito na.

Hibruwebi 10:38

Ama ma basa nɛ b maŋ kɔ alubi ashi ma, Ebɔrɛ be anishito na bre beeŋ baa kɔ yirda a wɔtɔ. Ama nɛ bumo be ekama baŋ laŋɛ kaman bre, amodoŋwura be asheŋ maaŋ par ma.”

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

Joshuwa 24:19

Ndoŋ nna nɛ Joshuwa kaŋɛ basa na le: “Ashere menyi maaŋ tiŋ n shuŋ Enyɛnpe Ebɔrɛ na. E la Ebɔrɛ cheembi nna. Mo alɛ maaŋ ta menyi be alubi m paŋ menyi, ŋkpal manɛ so, e maa sha kechamana be asheŋ.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

Demujipoana 11:24

Menyi ere maaŋ sɔ kusɔ kama nɛ menyi be kegbir, Chemɔsh sa menyi a? To, kusɔ kama nɛ an Nyɛnpe, Israɛl be Ebɔrɛ na sa anyi, anyi alɛ gba beeŋ sɔ kumo.

Ruf be kawɔl 1:14

Nawomi ka kaŋɛ loŋ na nɛ mo nɛ mo shacheana na kikɛ naŋ shu. Kumo be kaman nɛ Orpa pɛ mo shache Nawomi to kashaso nseŋ kela mo, ama Ruf bre daŋ far nna n chɛ Nawomi.

Ruf be kawɔl 1:16

Nɛ Ruf kaŋɛ mo: “Sa maa kaŋɛ ma fanɛ n yige fo m bɛta a yɔ epe. Kaplɛkama nɛ fee yɔ, ndoŋ nɛ meeŋ yɔ. Kakpa nɛ feeŋ ya kaa wɔ, ndoŋ nɛ meeŋ baa wɔ. Fo basa beeŋ baa la ma basa nɛ fo Ebɔrɛ e baa la ma Ebɔrɛ.