Ruf be kawɔl 1:14 - EBƆRƐ BE KAWƆL

¹⁴ Nawomi ka kaŋɛ loŋ na nɛ mo nɛ mo shacheana na kikɛ naŋ shu. Kumo be kaman nɛ Orpa pɛ mo shache Nawomi to kashaso nseŋ kela mo, ama Ruf bre daŋ far nna n chɛ Nawomi.

Ruf be kawɔl 1:14 ပူးပေါင်းရင်းမြစ်များ

Jɛnesis 31:28

Fo maŋ tiŋ n shin nɛ n lala n nanabiana so ŋ kela bumo nɛ bumo nioana kashaso gba. Fo wora kawulisheŋ ga.

Jɛnesis 31:55

Kumo be ŋklade chipurdidi nɛ Leeban koso n lala mo nanabiana na nɛ mbe bibicheana na so n nɛfa bumo nseŋ bɛta n yɔ mo pe.

2 Samuɛl 19:39

Ndoŋ nna nɛ Deevid be benapo na kikɛ dii Jɔɔdan be Lɔr na. Nɛ mo ere shir kaman n kela Bazilai kashaso nseŋ nɛfa mo nɛ Bazilai bɛta n yɔ epe. Kumo be kaman nɛ Deevid malɛ nɛ Chimham dii n ya tu benapo na.

1 Bewura 19:20

Nɛ Elaisha yige mbe ana dɔso na nseŋ shile m bɛ anebi Elaija so ŋ kaŋɛ mo le: “Shin nɛ n ya kela n tuto nɛ n nio pɔɛŋ nseŋ ba bɛ fo so.” Nɛ Elaija kaŋɛ mo le: “Baa yɔ, ama sa maŋ kaŋ teŋ so kusɔ nɛ n wora fo ere so.”

Aŋasa 17:17

Beteri bee sha abar nna; nɛ bekurgepo malɛ bee cha abar to ashi tɔrɔ to.

Aŋasa 18:24

Beteri damta beeŋ tiŋ n jija esa be kebaawɔtɔ; ama eteri ko chɔ eniopibi.

Aizaaya 14:1

Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Matiu 10:37

Esa kama malɛ nɛ e bee sha mo tuto nɛ mo nio a chɔ ma maŋ daga e ka la meya. Ekama malɛ nɛ e bee sha mo pibinyɛnso ŋko mo pibicheso a chɔ ma maŋ daga e ka la meya.

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 19:22

Kanyɛn na ka nu loŋ nɛ e kilgi n yɔ nɛ kagbenejija, ŋkpal manɛ so, e daa kɔ asɔ ga.

Ashuŋ Shunso 17:34

Nɛ basa ko yɔ mo kutɔ n ya ki bebɛsopo. Bumo to be beko e daa la Dayɔnaisias, Ariɔpages be katuŋ na to be esa, nɛ kache ko nɛ baa tre Damaris na n ta beko malɛ gba n ti so.

Ditɛronɔmi 10:20

Kumo be kaman, men baa sa Enyɛnpe menyi be Ebɔrɛ na bunyaŋ nsaa shuŋ mo nawule. Men baa ji kashenteŋ a sa mo nsaa nase nnɔ ashi mo nawule be ketre to.

Ditɛronɔmi 4:4

Ama menyi bumo nɛ b daa ji kashenteŋ a sa Enyɛnpe, menyi be Ebɔrɛ na, e kraa wɔ ŋkpa to kabre na.

2 Timoti 4:10

Diimas bre luri durnya to be ayɛlgasɔ to nseŋ shile ma n yɔ Tɛsalɔnika. Krɛsent yɔ Galeesha nɛ Taites malɛ yɔ Dalmeesha.

Hibruwebi 10:39

Ama anyi maŋ la basa nɛ baa bɛta kaman a mur na nna, an la basa nɛ baa yirda nna a nya kumɔlga.

Ruf be kawɔl 1:13

menyeeŋ tiŋ jo bumo hale nɛ b ba daŋ ŋ ki men kulana a? Menyeeŋ kini kekil nseŋ chena n jo bumo a? Ayai, ma mbia, loŋ maaŋ tiŋ n wora. Men be asheŋ kɔ ma kebɔltofinfin damta ga ŋkpal kananɛ Enyɛnpe Ebɔrɛ na be agbo ba anyi so na so.” Ama mbe agbo ba ma so a chɔ menyi.

Ruf be kawɔl 1:15

Ndoŋ nna nɛ Nawomi kaŋɛ Ruf le: “Keni, fo chamana e bɛta a yɔ mbe basa kutɔ nɛ mbe kade to be ademaŋ to na, fo alɛ gba e bɛta nɛ fo nɛ mo kikɛ e baa yɔ.”

Ruf be kawɔl 1:7

Kachako nɛ Nawomi nɛ mo shacheana na lar kakpa nɛ e daa wɔ na m pɛ ekpa m bɛta a yɔ Juda be efuli so.

Ruf be kawɔl 2:11

Ndoŋ nna nɛ Bowas kaŋɛ mo le: “B kaŋɛ ma asɔ kama nyam nɛ fo wora n sa fo shache fɔnfɔŋ, yili jemanɛ nɛ fo kul wu kikɛ m ba fo mbre. B kaŋɛ ma kananɛ fo yige fo tuto nɛ fo nio nɛ fo efuli so nseŋ ba kaa wɔ basa nɛ fo maŋ nyi kutɔ nfe na kikɛ be asheŋ.