Ruf be kawɔl 1:13 - EBƆRƐ BE KAWƆL

¹³ menyeeŋ tiŋ jo bumo hale nɛ b ba daŋ ŋ ki men kulana a? Menyeeŋ kini kekil nseŋ chena n jo bumo a? Ayai, ma mbia, loŋ maaŋ tiŋ n wora. Men be asheŋ kɔ ma kebɔltofinfin damta ga ŋkpal kananɛ Enyɛnpe Ebɔrɛ na be agbo ba anyi so na so.” Ama mbe agbo ba ma so a chɔ menyi.

Ruf be kawɔl 1:13 ပူးပေါင်းရင်းမြစ်များ

Jɛnesis 38:11

Onan malɛ ka wu na be kaman nɛ Juda kaŋɛ mo shache Taama le: “To, baa yɔ fo tuto pe n yaa ka la ekulpoche loŋ n ya fo saŋɛ nɛ n pibinyɛn Shela beeŋ daŋ n fo eche.” Juda daŋ kaŋɛ loŋ nna ŋkpal e ka daa lɔ kufu fanɛ nɛ Shela ta mo, mo alɛ gba beeŋ wu fanɛ kananɛ mo daana na wu n wu na. Ndoŋ nna nɛ Taama yɔ mo tuto pe n ya kaa wɔtɔ.

Job be kawɔl 19:21

N teriana, men baa shu ma so. Ŋkpal manɛ so, Ebɔrɛ e ber ma n nase na.

Nshɛ 32:4

Fo kasogberge daa wɔ ma so kapa nɛ kanyɛ nna; nɛ ma eleŋ kikɛ loge fanɛ ketarso be epeŋi ka shin nɛ nchu feeto na.

Nshɛ 38:2

Fo to ma fo atanyembi nseŋ ta fo enɔ ŋ ŋmɛa ma.

Ditɛronɔmi 2:15

Enyɛnpe Ebɔrɛ na e daa maŋ shin nɛ b nya bumo be amu n ji hale nɛ bumo kikɛ wu mur.

Demujipoana 2:15

Jemanɛ kikɛ nɛ b baŋ naŋ yɔ kena to, Enyɛnpe Ebɔrɛ na daa lar bumo kaman nna nɛ b kɔ n tɔr fanɛ kananɛ e daŋ kaŋɛ bumo fanɛ e beeŋ wora na. Ndoŋ nna nɛ kagbene jija damta tɔr Israɛlebi na so.

Ruf be kawɔl 1:12

Ma mbia, men bɛta a yɔ epe, ŋkpal manɛ so, naniere m bel ga nɛ ma kenaŋtiŋ n nya ekul. Hale nɛ tama kraa wɔtɔ n sa ma gba ŋko nɛ n nya ekul kanyɛ ere ŋ kurge mbinyɛnsobi gba,

Ruf be kawɔl 1:14

Nawomi ka kaŋɛ loŋ na nɛ mo nɛ mo shacheana na kikɛ naŋ shu. Kumo be kaman nɛ Orpa pɛ mo shache Nawomi to kashaso nseŋ kela mo, ama Ruf bre daŋ far nna n chɛ Nawomi.

Ruf be kawɔl 1:21

N daŋ lar nfe nɛnɛ nna n yɔ ama Enyɛnpe Ebɔrɛ na naŋ bɛta ma m ba nɛ enɔfuloŋ. Amoso, manɛ so nɛ men kraa tre ma Nawomi nɛ kumo be kifito la ebel? Ŋkpal manɛ so, Enyɛnpe Ebɔrɛ na shin nɛ tɔrɔ ba ma so. Mo Enyɛnpe Ebɔrɛ Elempo koŋwule na e bar ma kumu lubi.”

1 Samuɛl 5:11

Ndoŋ nna nɛ b naŋ shuŋi n tre Filisti be bewura na kikɛ ŋ kaŋɛ bumo le: “Men shin nɛ an lara Ebɔrɛ be ŋkre be deka na ashi anyi to saŋɛ na so k maaŋ mɔ anyi nɛ anyi be basa kikɛ.” Nɛ keyeŋiyeŋi tɔr kade na be basa kikɛ so ŋkpal Ebɔrɛ be kasogberge ka daŋ ba bumo so alegaiso so.