Romebi 9:9 - EBƆRƐ BE KAWƆL

⁹ Ŋkpal manɛ so, le nɛ Ebɔrɛ daŋ nase kɔnɔ n sa Eebraham ŋ kaŋɛ: “Jemanɛ na gbagba kaŋ fo, meeŋ bɛta m ba nɛ Sɛɛra e nya ebinyɛn.”

Romebi 9:9 ပူးပေါင်းရင်းမြစ်များ

Jɛnesis 17:21

Ama meeŋ shin nɛ ma kɔnɔkoŋwule be ŋkre na bre e baa wɔ fo pibinyɛn Aizek nɛ Sɛɛra beeŋ kurge kafɛ a ba saŋɛ ere so na so.”

Jɛnesis 18:10

Ndoŋ nna nɛ basa asa na to be emo nɛ e la Enyɛnpe na kaŋɛ: “Kafɛ a ba saŋɛ ere so, meeŋ naŋ bɛta m ba fo kutɔ. Loŋ be saŋɛ na malɛ nɛ fo eche Sɛɛra kurge ebinyɛn.” E ka bee malga na nɛ Sɛɛra wɔ mbe kaman ashi wajɛbu na be kabuna to a nu kusɔ nɛ baa malga na.

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

Jɛnesis 21:2

Saŋɛ nɛ Ebɔrɛ daŋ nase kɔnɔ fanɛ Sɛɛra beeŋ kurge na ka fo nɛ Ebɔrɛ shin nɛ Sɛɛra di kedampo ŋ kurge ebinyɛn n sa Eebraham mbe mbel be jemanɛ to.

Ashuŋ Shunso 5:38

Amoso, mee kaŋɛ menyi nna na fanɛ men sa maŋ wora basa ere shɛŋ. Men yige bumo boeŋ, ŋkpal manɛ so, nɛ nyiŋgbasa gbagba e ta mbe nfɛra ŋ jɔŋɛ bumo be kushuŋ ere, k maaŋ chɛr nseŋ mur.

Hibruwebi 11:17

Yirda so nɛ Eebraham daŋ ta Aizek a shin nɛ e lara sarga n sa Ebɔrɛ saŋɛ nɛ b daŋ wora mo ŋ keni na. Mo alɛ nɛ Ebɔrɛ daŋ ta mbe nnɔ nasesoana n sa, ama e daŋ shuli fanɛ e beeŋ ta mo pibi koŋwule na m mɔ n lara sarga.