Romebi 9:30 - EBƆRƐ BE KAWƆL

³⁰ To, naniere, nuso nɛ anyeeŋ kaŋɛ? Kumo kikɛ nde fanɛ saŋɛ na nnyamase daa maa fin bumo nɛ Ebɔrɛ be nferinto be kelela, ama naniere bre b bɔla yirda so n nya loŋ be kebaawɔtɔ.

Romebi 9:30 ပူးပေါင်းရင်းမြစ်များ

Aŋasa 15:9

Enyɛnpe Ebɔrɛ kishi belubiworapo be asheŋ wora so ga, ama e bee sha basa nɛ baa wora asheŋ lela bre ga.

Aŋasa 21:21

Esa kama nɛ e bee wora asheŋ nɛ a niŋi nsaa sha basa bee yɔ anishito nna, nsaa nya kemaŋkura nɛ kebaawɔtɔ lela.

Aizaaya 51:1

Enyɛnpe Ebɔrɛ na yɛ: “Nɛ menyee sha kebaawora kusɔ nɛ k niŋi nsaa wora Enyɛnpe Ebɔrɛ na kasonu, kumo ere men baa keni menyi nananyɛn Eebraham so a wora asheŋ. Mo e du fanɛ kefalta nɛ men shi kumo to n lar na.

Romebi 10:10

Ŋkpal manɛ so, esa be yirda ashi kagbene to e naa shin nɛ e bee ki elelapo Ebɔrɛ be anishito nɛ mbe kebaabugi kɔnɔ a ji eshɛda malɛ bee shin nɛ e bee nya kumɔlga.

Romebi 10:20

Ama anebi Aizaaya ji kenyɛn a chɔ loŋ ŋ kaŋɛ fanɛ le nɛ Ebɔrɛ yɛ: “Basa nɛ b daa maa fin ma e bante ma nɛ n lara ma kumu ŋ ŋini basa nɛ b daa maa bishi ma asheŋ.”

Romebi 10:6

Ama le nɛ abɔrɛsibɛ na bee kaŋɛ kebɔla yirda so a ki elelapo Ebɔrɛ be anishito be asheŋ: “Sa maŋ bishi fo kumu fanɛ: ‘Wanɛ e naaŋ dii n yɔ ebɔrɛso?’ Kumo e la fanɛ n ya bar Kristo.

Romebi 3:5

Kesheŋ bishiso ko malɛ nde fanɛ: “Nɛ fanɛ anyi be asheŋ lubi bee shin nɛ basa bee wu Ebɔrɛ be alelasheŋ, nuso nɛ an naa kaŋɛ ere? An kaŋɛ fanɛ nɛ Ebɔrɛ bar mbe agbo anyi so, e maŋ wora n nyalɛ ŋko?” Nyiŋgbasa be kamɔrɔji be kamalga nɛ mee malga na.

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Romebi 4:13

Ebɔrɛ daŋ nase kɔnɔ nna n sa Eebraham nɛ mbe kaman to ebi fanɛ baaŋ nya durnya ere. Mannɛ Eebraham ka daa bɛ mbra na so so nɛ Ebɔrɛ nase kɔnɔ na, e ka daŋ yirda Ebɔrɛ nɛ e nase kumo fanɛ e la elelapo na so nɛ e daŋ wora loŋ.

Romebi 4:22

Amoso nɛ Ebɔrɛ daŋ nase kumo fanɛ e la elelapo na.

Romebi 4:9

To, nɛfa nɛ Ewura Deevid daŋ malga kumo be asheŋ ere la basa nɛ b ku atutu na nawule peya nna ŋko bumo nɛ b maŋ ku atutu gba peya nna? Bumo nɛ b maŋ ku atutu gba ti so. Kumo be asheŋ nɛ an teŋ nyiŋi anyi be amu ŋ kaŋɛ fanɛ abɔrɛsibɛ na kaŋɛ le na: “Ŋkpal Eebraham ka daŋ yirda Ebɔrɛ so, Ebɔrɛ nase kumo fanɛ e la elelapo nna.”

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 9:14

To, nuso nɛ anyeeŋ kaŋɛ naniere? Fanɛ Ebɔrɛ maa ji asheŋ nɛ amo be ekpa so ŋko? Kaarɛ gba!

Romebi 9:31

Ama Israɛlebi nɛ b daŋ fara a bɛ mbra nɛ k bee bar le be kelela so na a fin kumo na bre maŋ nya kumo.

Galeeshaebi 2:16

baa nyi fanɛ esa be kebaabɛ mbra na so maa shin nɛ Ebɔrɛ bee kaŋɛ fanɛ e ji n lar ama e bɔla Yesu Kristo so nna n yirda. Amoso, anyi alɛ gba ta anyi be yirda nna n deŋi Yesu so nɛ Ebɔrɛ e bɔla Kristo na so n shin nɛ an ji n lar, ama mannɛ ŋkpal anyi be kebaabɛ mbra na so so, ŋkpal manɛ so, kebaabɛ mbra na so maaŋ tiŋ n shin nɛ esa kikɛ e ji n lar Ebɔrɛ be anishito kikɛ.

Galeeshaebi 3:24

Amoso, mbra na e daa wɔ anyi a ŋini anyi kebaawɔtɔ hale le pɔɛŋ nɛ Kristo ba, saŋɛ na so anyeeŋ bɔla yirda to n ji n lar Ebɔrɛ be anishito.

Galeeshaebi 3:8

Abɔrɛsibɛ na malɛ wu kumo nna n yili fanɛ Ebɔrɛ ka beeŋ kpal nnyamase be yirda so n shin nɛ b ji n lar mbe anishito so so nseŋ wule m bɔ baru lela na n sa Eebraham fanɛ: “Fo so nɛ Ebɔrɛ beeŋ bɔla n nɛfa durnya ere to ebi kikɛ.”

Galeeshaebi 5:5

Kusɔ nɛ anyi ere bee tama e la fanɛ Ebɔrɛ beeŋ shin nɛ anyi nɛ mo e ba abar so. Mbe Kiyoyu na be eleŋ to so nɛ loŋ be kesheŋ beeŋ bɔla anyi be yirda to n wora, kumo be loŋ malɛ nɛ anyee jo na.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

Filipaiebi 3:9

Ama mannɛ fanɛ ŋ gbagba ka bɔla mbra na so a kɔ alelasheŋ Ebɔrɛ be anishito so. M bɔla Kristo so nna n nya alelasheŋ Ebɔrɛ be anishito. Yirda nɛ baa ta a nya amo ashi mo koŋwule na kutɔ.

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

1 Pita 4:3

Naniere bre a daga fanɛ men ka pin fanɛ asɔ nɛ nnyamase bee sha kewora nɛ menyi alɛ gba daa wora amo na be kewora kukwe. Asɔ nɛ men daa wora saŋɛ na e daa la kusɔjigaya be aworbi nɛ kesakalea be kayɛlga be aworbi nɛ kasanuu nɛ keshɛr abar n ji nseŋ boo ana be kebaawɔtɔ nɛ kushuŋ jiga fanɛ kagbirshuŋ be aworbi.