Romebi 9:3 - EBƆRƐ BE KAWƆL

³ Nɛ Ebɔrɛ daŋ kpal bumo so, ma yiri to ebi gbagba nɛ n de na, n so ma gbagba kɔnɔ nseŋ lara ma ashi Kristo be kebaawɔtɔ to gba, n daa beeŋ baa sha loŋ.

Romebi 9:3 ပူးပေါင်းရင်းမြစ်များ

Jɛnesis 29:14

Ndoŋ nna nɛ Leeban kaŋɛ mo: “Ma ŋklaŋ e baa la fo.” Kede be kaman nɛ Jeekɔb chena ndoŋ kufɔl koŋwule.

2 Samuɛl 18:33

Ndoŋ nna nɛ kagbenejija tɔr ewura na so, nɛ e fara e chicha nseŋ dii n yɔ ebu nɛ k wɔ kabunagboŋ na be esoso na to n ya shu ga. Le nɛ e daa shu a kaŋɛ a yɔ: “O m pibinyɛn! M pibinyɛn Absalɔm! Absalɔm, m pibinyɛn! Nɛ k daa la fanɛ ma e wu gba, k daa bɔ fo ka wu ere.”

Ɛsta 8:6

M maaŋ tiŋ n chena a keni nɛ ma basa e mur.”

Ɛksodɔs 32:32

Jande ta bumo be alubi m paŋ bumo, nɛ loŋ maaŋ tiŋ n wora, kumo ere fo lara ma ketre ashi kawɔl nɛ fo sibɛ fo basa be atre n wɔtɔ na to.”

Ashuŋ Shunso 13:26

Ŋ kurgepoana, Eebraham mo nanabiana nɛ menyi nɛ men la nnyamase a wɔ nfe a bunyaŋ Ebɔrɛ ere kikɛ, anyi kikɛ nɛ b ta le be kumɔlga be kubɔya ere n sa.

Ashuŋ Shunso 22:5

Bɔrɛmatapo nimuso nɛ nshɛrwuraana na kikɛ e la ma shɛdajipoana. Bumo kutɔ nɛ n daa sɔ nwɔl a yɔ bekurgepo Juwebi nɛ b wɔ Damaskɔs na kutɔ nɛ b sa ma ekpa nɛ m pɛ loŋ be basa na ŋ kre bumo ŋgbɛlɛbi m ba Jerusalɛm to nfe m ba kaa shin nɛ baa gberge bumo kusoe.

Ashuŋ Shunso 28:21

Nɛ b kaŋɛ mo: “Esa kama maŋ sibɛ anyi nwɔl ashi Judiya ŋ kaŋɛ anyi fo asheŋ, an kurgepo kama malɛ maŋ shi ndoŋ m bar anyi fo baru lubi ŋko kulubi kama nɛ fo wora be asheŋ.

Romebi 1:3

fanɛ baru lela na beeŋ ba kaa kute mo Pibinyɛn, an Nyɛnpe Yesu Kristo nɛ nyiŋgbasa be kaplɛa so nɛ e shi Ewura Deevid be kanaŋ to na be asheŋ.

Romebi 11:1

To, kusɔ nɛ mee sha nɛ m bishi e la fanɛ, Ebɔrɛ kini mbe basa nna ŋko? Kaarɛ, ma alɛ gba la Israɛl be efuli so be esa nna n shi Eebraham be kanaŋ to a la Bɛnjamin be yiri to be esa.

Romebi 11:14

Shere mee wora loŋ, meeŋ tiŋ n shin nɛ kayɛlga e pɛ ma basa nɛ loŋ e tiŋ n shin nɛ bumo be beko e nya kumɔlga.

Romebi 16:11

Mee chɔrɔ n niopibi Juwnyɛn nɛ baa tre Hɛrodiɔn na nseŋ naa chɔrɔ Naasises be kowu to ebi nɛ b la Enyɛnpe peya na.

Romebi 16:21

Timoti nɛ e la m barkasa eshumpo na nɛ Lusias nɛ Jeesɔn nɛ Sosipata nɛ b la n niopibi Juwebi na bee chɔrɔ menyi.

Romebi 16:7

Mee chɔrɔ Andrɔnikes nɛ Junias nɛ b la n niopibi Juwebiana nɛ ma nɛ bumo daa wɔ kabuti to na. B la basa nɛ b kɔ ketre nna ashi beshuŋipoana na to, bumo alɛ pin Kristo nna pɔɛŋ nɛ m ba pin mo.

Romebi 9:2

Asɔ nɛ mee kaŋɛ na nde: Kagbenejija damta nɛ ebesa nɛ k maŋ kɔ ekar e bɔlɔ ma to ŋkpal ma basa so.

1 Kɔrintebi 12:3

Amoso, mee sha fanɛ men pin fanɛ esa kikɛ nɛ e kɔ Ebɔrɛ be Kiyoyu na maaŋ tiŋ ŋ kaŋɛ le: “Kɔnɔso e baa wɔ Yesu so!” Esa kikɛ malɛ maaŋ tiŋ ŋ kaŋɛ: “Yesu e la Enyɛnpe” ama Kiyoyu Cheeŋ na e shin nɛ e kaŋɛ loŋ.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

2 Kɔrintebi 12:15

Amoso, meeŋ baa sha kemɔ ma kumu n wora kusɔ kama n sa menyi nseŋ tiŋ n shin nɛ b mɔ ma n sa menyi. Nɛ kananɛ m baa sha menyi ga le ere, a daga fanɛ men be kasha nɛ men kɔ a sa ma e baa duga so a?

Galeeshaebi 1:8

Ama nɛ anyi alɛ gba ŋko malaika gba shi ebɔrɛso m ba malga baru pɔtɛ ko nɛ k kɔr kumo nɛ an daŋ malga n sa menyi na to, Ebɔrɛ e yɛr mo Setani be edɛ to.

Galeeshaebi 1:9

An teŋ kaŋɛ kumo, ama meeŋ naŋ laŋɛ ŋ kaŋɛ kumo n ti so fanɛ nɛ esa kama naŋ malga baru pɔtɛ kama nɛ k naa kɔr kumo nɛ men daŋ nu n sɔ na to, Ebɔrɛ e yɛr amodoŋwura Setani be edɛ to.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Ɛfesesebi 6:5

Anya, men baa nu a sa men be durnya ere to be benyɛnpe a ŋana bumo a chicha. Men baa ta kagbene koŋwule a wora kumo fanɛ Kristo gbagba nɛ menyee shuŋ.

Ditɛronɔmi 21:23

a maŋ daga kebuni na ka shiga kedibi na so hale nɛ kare a chɛ kumo so. A daga fanɛ b puli kumo kamɔnchɛ na kikɛ, ŋkpal manɛ so, kebuni be kebaasha kedibi so bee gberge Ebɔrɛ be kɔnɔsho a ba kasawule na so nna. Amoso men baa puli basa nɛ baa chɛ a shiga ndibi so a mɔ na, saŋɛ na so menyi maaŋ jija kasawule nɛ Enyɛnpe menyi be Ebɔrɛ na ta a sa menyi na.

1 Samuɛl 14:24

Akoŋ daŋ mɔ Israɛlebi be benapo na nna nɛ b bɛlɛ ŋkpal Sɔɔl ka daŋ bɔ ntaŋ ŋ kaŋɛ le so: “Kɔnɔsho e baa wɔ ekama nɛ e beeŋ ji ajibi pɔɛŋ nɛ n wora ma doŋana n tal to so.” Ŋkpal loŋ so esa kama daa maŋ ji shɛŋ kumo be kamɔnchɛ.

1 Samuɛl 14:44

Nɛ Sɔɔl kaŋɛ Jonatan le: “Nɛ fo baa maŋ wu bre, kumo ere Ebɔrɛ e mɔ ma.”