Romebi 9:2 - EBƆRƐ BE KAWƆL

² Asɔ nɛ mee kaŋɛ na nde: Kagbenejija damta nɛ ebesa nɛ k maŋ kɔ ekar e bɔlɔ ma to ŋkpal ma basa so.

Romebi 9:2 ပူးပေါင်းရင်းမြစ်များ

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Aizaaya 66:10

Menyi kikɛ nɛ menyee sha Jerusalɛm be kadegboŋ be asheŋ, men tu kumo n ji eyur! Menyi nɛ menyi be ŋgbene jija ŋkpal kumo so na e tu kumo n ji eyur naniere!

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Nfabel 1:12

Esa kama nɛ e bɔla ndoŋ a choŋ baaŋ kaŋɛ mo le: “Keni, chɛ anyi to! Esa kikɛ maŋ naŋ ji awurfoŋ nɛ k fo awurfoŋ nɛ anyee ji ere so. Enyɛnpe Ebɔrɛ na e nya agbo n shin k ba anyi so.

Nfabel 3:51

Nɛ m baŋ wu kusɔ nɛ bedoŋ wora anyi be kadegboŋ to be beche kikɛ na, ma kagbene bee jija ma ga nna.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Romebi 10:1

Ŋ kurgepoana, kusɔ nɛ m baa sha ga nsaa kule kumo be Ebɔrɛ e la fanɛ ma basa Israɛlebi e nya kumɔlga.

Romebi 9:1

Asɔ nɛ n wɔ Kristo to a kaŋɛ ere la kashenteŋ nna, m maa fule nna nɛ Kiyoyu Cheeŋ na malɛ bee ŋini ma ashi ma kagbene to fanɛ m maa fule nna.

Romebi 9:3

Nɛ Ebɔrɛ daŋ kpal bumo so, ma yiri to ebi gbagba nɛ n de na, n so ma gbagba kɔnɔ nseŋ lara ma ashi Kristo be kebaawɔtɔ to gba, n daa beeŋ baa sha loŋ.

Filipaiebi 3:18

Ŋkpal manɛ so, loŋ koŋwule na gbagba nɛ mee kaa kaŋɛ menyi nsaa sha kenaŋ n lɔŋɛ n ta anishichubi ŋ kaŋɛ menyi n ti so na fanɛ basa damta be kebaawɔtɔ du fanɛ b ka bee kishi Kristo be kedibi largato na be asheŋ nna.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”

1 Samuɛl 15:35

Baŋ yili kumo be saŋɛ na so kikɛ n ya fo saŋɛ so nɛ Samuɛl wu, e daa maŋ naŋ wu Sɔɔl kenishiso kikɛ. Ama Samuɛl be kagbene daŋ jija mo nna ga ŋkpal Sɔɔl so. K daŋ tɔrɔ Enyɛnpe Ebɔrɛ malɛ nna ga ŋkpal e ka daŋ ta Sɔɔl ŋ ki Israɛl be ewura so.