Romebi 9:1 - EBƆRƐ BE KAWƆL

¹ Asɔ nɛ n wɔ Kristo to a kaŋɛ ere la kashenteŋ nna, m maa fule nna nɛ Kiyoyu Cheeŋ na malɛ bee ŋini ma ashi ma kagbene to fanɛ m maa fule nna.

Romebi 9:1 ပူးပေါင်းရင်းမြစ်များ

Romebi 1:9

Ebɔrɛ nɛ n ta ma kagbene kikɛ nyam a bɔ mo Pibinyɛn be baru lela na gbagba e la ma shɛdajipo a nyi menyi be asheŋ ka baa wɔ ma kagbene to ashi ma kabɔrɛkule to saŋkikɛ.

Romebi 2:15

Bumo be asheŋ woraso na e naa ŋini fanɛ Ebɔrɛ ta asɔ nɛ mbra na bee ŋini na n wɔtɔ bumo be ŋgbene to. Nɛ bumo be elakal gba bee ŋini fanɛ kashenteŋ nna, ŋkpal manɛ so, saŋko bumo be nfɛra maa dese bumo ŋkpal alubi so, saŋko malɛ nɛ a bee yili bumo be kaman.

Romebi 8:16

Kiyoyu na malɛ gbagba e naa chɛ anyi be ayoyu to a ŋini fanɛ an la Ebɔrɛ be mbia nna kashenteŋto.

Romebi 9:2

Asɔ nɛ mee kaŋɛ na nde: Kagbenejija damta nɛ ebesa nɛ k maŋ kɔ ekar e bɔlɔ ma to ŋkpal ma basa so.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 1:23

Mo alɛ Ebɔrɛ koŋwule na nɛ mee tre fanɛ e baa la ma shɛdajipo n ji kashenteŋ fanɛ ŋ ka daa maa sha nɛ men be ŋgbene e jija so nɛ n daa maŋ naŋ bɛta m ba Kɔrint na.

2 Kɔrintebi 11:10

Kananɛ Kristo be kashenteŋ baa wɔ ma to ere bre, esa kama maŋ wɔ Akaya be kasawule so kikɛ nɛ e lo ma kɔnɔ fanɛ n sa maŋ ji njɔŋ mo nɛ mee ji ere.

2 Kɔrintebi 11:31

Enyɛnpe Yesu na be Ebɔrɛ nɛ mo Tuto nɛ e daga epaŋ be kedi saŋkikɛ na nyi fanɛ m maa fule nna.

2 Kɔrintebi 12:19

Shere men baa wɔtɔ nna a fɛ fanɛ anyee malga nna a sa menyi a kuŋ anyi be amu. Ayai, mannɛ aloŋ nna. Kananɛ Kristo bee sha fanɛ an malga nɛ anyee malga ashi Ebɔrɛ be anishito. Kusɔ kama malɛ nɛ anyee wora, men be keyɔ anishito so nɛ anyee wora kumo.

Galeeshaebi 1:20

Kashenteŋ nɛ mee sibɛ a ji menyi Ebɔrɛ be anishito na, m maa fule nna.

Filipaiebi 1:8

Ŋ ka kaŋɛ fanɛ men kikɛ be asheŋ wɔ ma kagbene to ere, Ebɔrɛ e la ma shɛdajipo fanɛ kasha damta nɛ ŋ kɔ a sa menyi na kikɛ la Kristo Yesu be kasha nna.

1 Tɛsalɔnikaebi 2:5

Men baa nyi geeŋ fanɛ an ka daŋ ba menyi kutɔ na, mannɛ kafule be mmalga nɛ an daŋ bar. Menyi alɛ naa nyi fanɛ an maŋ ta mmalga tenteŋ nna m buu anyi be kajɛ so. Ebɔrɛ e la anyi be shɛdajipo.

1 Timoti 1:5

Anyi ere be keŋini ere be kumu e la kasha nɛ k shi kagbene cheembi nɛ nfɛra lela nɛ yirda kpakpaso to na nna.

1 Timoti 2:7

Amoso nɛ Ebɔrɛ lara ma fanɛ m baa la eshuŋipo nɛ nnyamase be eŋinipo a bɔ yirda nɛ kashenteŋ be kubɔya na. M maa fule nna, kashenteŋ nɛ mee ji.

1 Timoti 5:21

Ebɔrɛ nɛ Kristo Yesu nɛ emalaika nɛ b lara n yili na be anishito nɛ n yil a kaŋɛ fanɛ fo nu n sa le be keŋiniana ere nsaa maŋ kpal fo ka nyi esa ko be kebaawɔtɔ so a ji mo ŋkpɛatoso be demu.