Romebi 8:7 - EBƆRƐ BE KAWƆL

⁷ Amoso, nyiŋgbasa baŋ shin nɛ kapɔr lubi ere wɔ mbe nfɛra, kumo ere e ki Ebɔrɛ mo doŋ nna na, ŋkpal manɛ so, e maa nu a sa Ebɔrɛ be mbra na. Kashenteŋto, e baŋ maaŋ tiŋ n nu n sa kumo nna gba kuraa.

Romebi 8:7 ပူးပေါင်းရင်းမြစ်များ

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

Job be kawɔl 15:13

Amoso nɛ fo nya agbo n wɔtɔ Ebɔrɛ nsaa malga a gbiti mo na.

Nshɛ 53:1

Ewulpo nawule e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa la basa fuloŋ, nɛ b maa wu kuwɔr nna. Bumo alɛ maa wora asheŋ niŋiso kikɛ.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Jɛremaya 13:23

Edimɛdi beeŋ tiŋ n chɛrga bumo be kayurwule a? Karmɛ beeŋ tiŋ n chɛrga kumo be eyur so be chɛchɛrɛ na a? Nɛ baaŋ tiŋ n chɛrga bre, fo alɛ gba beeŋ tiŋ n chɛrga fo asheŋ lubi nawule na to nsaa wora asheŋ niŋiso.

Ezikɛl 14:5

Loŋ e naŋ shin nɛ Israɛl be basa nɛ b kini ma nseŋ ta bumo be ŋgbene n wɔtɔ kagbirshuŋ to na e kini agbirana na nseŋ bɛta m ba ma kutɔ.

Matiu 12:34

Basa lubi fanɛ awɔ ere! Nuso nɛ menyeeŋ tiŋ a la basa lubi le nsaa tiŋ a malga asɔ lela be asheŋ? Men maŋ nyi fanɛ asɔ nɛ a bɔlɔ nyiŋgbasa be kagbene to e naa lar mbe kɔnɔ to a?

Matiu 5:19

Amoso, esa kama nɛ e kini kenu n sa mbra na to be kebibi kama nseŋ ŋini basa kusɔ nɛ e yirda, beeŋ ba kaa la ekama be kebibi ashi Ebɔrɛ be kuwura na to. Ama ekama nɛ e bee bɛ amo so nsaa ŋini basa loŋ gbagba, beeŋ ba kaa la esagboŋ ashi Ebɔrɛ be kuwura na to.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 1:30

nsaa malga alubi a gbiti abar a kishi Ebɔrɛ be asheŋ a tege abar nsaa wu bumo be amu. B kɔ mpuchi a fin alubi be ekpa popɔrana a wora alubi nsaa kini kebaanu a sa bumo nioana nɛ bumo tutoana.

Romebi 3:31

Ama an ta le be yirda ere n ti mbra na ekpa ŋko? Ayai, an baa kraa kɔ kumo to a ti kumo so eleŋ.

Romebi 5:10

An daa la Ebɔrɛ mo doŋana nna, ama e bɔla mo Pibinyɛn Kristo be luwu na so n shin nɛ anyi nɛ mo naŋ nyalɛ. To, nɛ naniere anyi nɛ mo ka nyalɛ ere bre nɛ e maaŋ bɔla Kristo be ŋkpa na so m mɔlga anyi kachako a?

Romebi 7:22

Ma kagbene bre gbagba bee sha Ebɔrɛ be mbra na.

Romebi 8:4

Ebɔrɛ wora loŋ nna nɛ alelasheŋ nɛ mbra na bee sha na e nya n wora anyi to nɛnɛ ashi anyi nɛ an maŋ naa wɔ alubi be eyur be kebaawɔtɔ to nsaa wɔ Kiyoyu na be kebaawɔtɔ to na to.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

1 Kɔrintebi 9:21

Nɛ ma nɛ bumo nɛ b maŋ wɔ anebi Mosis be mbra na to baa la n wɔtɔ nna fanɛ esa nɛ e maŋ wɔ mbra na to, mannɛ fanɛ m maa bɛ Ebɔrɛ be kɔnɔ so nna, n wɔ Kristo be mbra to nna, saŋɛ na so meeŋ nya bumo nɛ b maŋ wɔ mbra na to gba n wɔtɔ Yesu be kebɛso to n ti so.

Kɔlɔsiebi 1:21

Saŋɛ na menyi nɛ Ebɔrɛ daŋ barga abar nna nɛ men daa la mo doŋana, ŋkpal men be nfɛra nɛ asheŋ lubi so.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

2 Timoti 3:4

Baaŋ ba kaa la bedebɔrpoana nɛ basa brembreŋ nseŋ ta kamoowu m bɔlɔ bumo to nsaa sha durnya ere to be ebel a chɔ Ebɔrɛ.

Hibruwebi 8:10

Ma, Enyɛnpe na naŋ kaŋɛ: Amo be saŋɛ na be kaman le be kɔnɔ naseso ere nɛ meeŋ nase n sa Israɛlebi fanɛ: Meeŋ ta ma mbraana n wɔtɔ bumo be nfɛraana to nseŋ sibɛ amo n deŋi bumo be ŋgbeneana so. Meeŋ baa la bumo be Ebɔrɛ nɛ bumo alɛ e baa la ma basa.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

2 Pita 2:14

Kesakaleasheŋ e baŋ bɔlɔ bumo be nfɛraana to, bumo alɛ maa wora alubi a gben kikɛ. Bumo e naa fule basa nɛ b maa kra ketɔr a wɔtɔ asheŋ jiga to, bumo alɛ nseŋ naa la kejimuni be bejuŋkparpo. B wɔ Ebɔrɛ be kɔnɔso to nna.