Romebi 8:3 - EBƆRƐ BE KAWƆL

³ Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Romebi 8:3 ပူးပေါင်းရင်းမြစ်များ

Nɔmbɛs 21:9

Ndoŋ nna nɛ Mosis ta danyaŋ n lɔŋɛ kuwɔ n shiga kedibi tenteŋ so. Ekama malɛ nɛ kuwɔ baŋ duŋ nɛ e maŋ kumu so ŋ keni kumo, bee nya alenfia nna.

Nɔmbɛs 28:22

B ta kaboelote n ti so n lara alubi be sarga daŋkare be ekpa so n sa basa na.

Maak 15:27

B daŋ gbir beyu anyɔ ko gba m mata ndibi largatoana so n ti mo so, ekoŋwule daa wɔ mbe jisoso nɛ ekoŋwule malɛ daa wɔ mbe bena so.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 9:24

Ndoŋ nna nɛ b naŋ tre kanyɛn nɛ e daŋ tan na kela nyɔsopo m ba kaŋɛ mo le: “Ji kashenteŋ n sa Ebɔrɛ kemaŋkura, ŋkpal manɛ so an nyi kanyɛn na ka la alubipo.”

Ashuŋ Shunso 13:39

Men baa nyi fanɛ ekama nɛ e yirda mo, b sɔ mo ashi kulubi be yiri kikɛ to n yige.

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

Romebi 6:6

Anyi alɛ nyi fanɛ anyi be kebaawɔtɔ dra na nɛ Yesu nɛ b daŋ mɔ kedibi largato na so na, saŋɛ na so alubi be eleŋ nɛ k bee ji da dra na so eleŋ na beeŋ mur nɛ an sa maŋ naa la alubi be anya.

Romebi 7:18

M baa nyi kelela kikɛ ka maŋ wɔ ma to, ma kagbene lubi ere to nɛ n de na. Ŋkpal manɛ so, kelela be kewora be kasha wɔ ma to, ama ma alɛ maaŋ tiŋ n wora kumo.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

Romebi 9:3

Nɛ Ebɔrɛ daŋ kpal bumo so, ma yiri to ebi gbagba nɛ n de na, n so ma gbagba kɔnɔ nseŋ lara ma ashi Kristo be kebaawɔtɔ to gba, n daa beeŋ baa sha loŋ.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Galeeshaebi 3:21

To, ama an kaŋɛ fanɛ mbra na nɛ Ebɔrɛ be nnɔ nasesoana maa kukwe nna ŋko? Ayai, mannɛ loŋ nna kuraa. Ŋkpal manɛ so, nɛ mbra ko daŋ ba na m ba kaa tiŋ a sa ŋkpa, kumo ere basa daa beeŋ bɔla mbra na so ŋ ki belelapo Ebɔrɛ be anishito.

Filipaiebi 2:7

Ayai, e maŋ wora loŋ, mo gbagba e yili kumo n sa mbe kumu nseŋ yige kusɔ kama n nase nseŋ shin nɛ b kurge mo fanɛ nyiŋgbasa nɛ e wɔtɔ a kɔ kenya be kebaawɔtɔ gbagba chap.

Hibruwebi 10:12

Ama mo Yesu ere, sarga koŋwule pati nɛ e lara ŋkpal alubi so nɛ k bee kukwe a sa saŋkikɛ. Kumo be kaman nɛ e chena Ebɔrɛ be jisoso, ebunyampo be kakpa na.

Hibruwebi 10:14

Amoso, sarga koŋwule nɛ e baŋ ta n shin nɛ basa nɛ baa ki cheembi na bee ki basa cheembi na mbaanaayɔ.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.