Romebi 8:2 - EBƆRƐ BE KAWƆL

² Ŋkpal manɛ so, ŋkpa be Kiyoyu na be mbra bɔla Yesu Kristo so n shin nɛ n nya ma kumu ashi kulubi nɛ luwu be mbra to.

Romebi 8:2 ပူးပေါင်းရင်းမြစ်များ

Nshɛ 51:12

Shin nɛ ma kagbene e naŋ fuli ma fanɛ kananɛ k daa du saŋɛ so nɛ fo mɔlga ma na; nseŋ shin nɛ n naa sha kebaawora fo kasonu.

Ezikɛl 1:21

Ŋkpal loŋ so, jemanɛ kikɛ nɛ asɔbɔya keniso na bee nite ŋko n yili ŋko a firgi gba nna, aya kulkulso na gba bee wora loŋ gbagba nna, ŋkpal manɛ so, asɔbɔya keniso na e naa keta amo a shuŋ.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 6:63

Kiyoyu na bee sa ŋkpa nna, ama eyur ere bre maaŋ tiŋ n wora shɛŋ. Mmalga nɛ m malga n sa menyi ere e naa shin nɛ menyee nya Kiyoyu nɛ e bee sa ŋkpa na.

Baru lela nɛ Jɔn kute na 8:32

Saŋɛ na so, menyeeŋ pin kashenteŋ na nɛ kashenteŋ na e shin nɛ men lar kenyaya to.”

Baru lela nɛ Jɔn kute na 8:36

Nɛ Ebɔrɛ Pibinyɛn baŋ lara fo kenyaya to, fo nya fo kumu kashenteŋto pasaa.

Romebi 16:3

Mee chɔrɔ Prisila nɛ Akwila nɛ b la m braana Kristo be beshumpo na.

Romebi 3:27

To, nɛ manɛ so nɛ esa bee wu mbe kumu? E beeŋ tiŋ ŋkpal e ka bee bɛ mbra na so so a wu mbe kumu a? Ayai, ŋkpal manɛ so, mannɛ e ka bee bɛ mbra na so e shin nɛ e ji n lar Ebɔrɛ be anishito, ama ŋkpal e ka yirda so.

Romebi 5:21

Amoso, kananɛ alubi baŋ bɔla luwu so ŋ ŋini amo be eleŋ na, loŋ koŋwule na nɛ Ebɔrɛ be kuwɔr be kakɛ na bee bɔla alelasheŋ so a ŋini kumo be eleŋ m bɔla an Nyɛnpe Yesu Kristo so a kɔ anyi a yɔ ŋkpa nɛ k maŋ kɔ ekar to.

Romebi 6:14

A maŋ daga alubi ka ji menyi so kuwura, ŋkpal manɛ so, men maŋ naa wɔ mbra na to. Ebɔrɛ be kakɛ na be kebaawɔtɔ to nɛ men wɔ.

Romebi 6:18

Ebɔrɛ shin nna nɛ men nya menyi be amu ashi alubi be eleŋ to nseŋ ba ki alelasheŋ be anya.

Romebi 6:22

Ama naniere men ka nya menyi be amu ashi alubi to m ba ki Ebɔrɛ be anya ere bre, tɔnɔ mo nɛ menyee nya e la kebaawɔtɔ cheembi, kumo alɛ be lalaloge e la ŋkpa nɛ k maŋ kɔ ekar na.

Romebi 7:21

Amoso, k du fanɛ le be kebaawɔtɔ e baa wɔtɔ fanɛ nɛ m baa sha kewora kelela nɛ kulubi teŋ ba sɔ kejuŋkpar.

Romebi 7:23

Ama ma alɛ bee wu mbra pɔtɛ ko ka wɔ ma eyur to a shuŋ. Mbra ko nna nɛ k bee kɔ mbra nɛ ma nfɛra bee sha na nsaa ta ma a ki alubi be mbra nɛ k wɔ ma eyur to a shuŋ na be kabutipo.

Romebi 7:4

Ŋ kurgepoana, loŋ nɛ k du n sa menyi alɛ gba, ŋkpal manɛ so, mbra na be kaplɛa so, menyi alɛ gba wu nna ŋkpal men ka la Kristo be eyur na be kaba ko so. Naniere malɛ, men la mo koŋwule nɛ Ebɔrɛ tiŋi mo ashi luwu to nɛ an tiŋ a la basa nɛ b kɔ tɔnɔ ashi Ebɔrɛ be kushuŋ to na peya nna.

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

1 Kɔrintebi 15:45

Loŋ malɛ nɛ abɔrɛsibɛ na bee kaŋɛ na fanɛ: “Sososo be Adam na daŋ ki kusɔ futeso nna,” nɛ lalaloge be Adam na malɛ daŋ ki ŋkpasapo be Kiyoyu.

2 Kɔrintebi 3:17

Enyɛnpe e la Kiyoyu na, kaplɛkama malɛ nɛ Enyɛnpe be Kiyoyu malɛ wɔ, ndoŋ nɛ kamooji wɔ.

2 Kɔrintebi 3:6

Mo e shin nɛ an ki kɔnɔkoŋwule be ŋkre popɔr be beshumpo, k la kiyoyu to be kesheŋ nna, mannɛ mbra to be kasibɛ be kesheŋ, ŋkpal manɛ so, mbra to be kasibɛ na bee bar luwu nna nɛ Kiyoyu na malɛ bee sa ŋkpa.

Galeeshaebi 2:19

Ŋkpal manɛ so, mbra na be kaplɛa so, n wu nna, mbra na mɔ ma, saŋɛ na so nɛ m baa wɔ ŋkpa to a sa Ebɔrɛ.

Galeeshaebi 5:1

Kebaawɔ anyi be amu so nɛ Kristo shin nɛ an nya anyi be amu. Amoso, naniere men baa yil kpakpa nsaa maŋ shin nɛ b naŋ ta menyi ŋ ki anya.

Galeeshaebi 6:2

Men baa chɛ abar to ashi men be asheŋ tirso to, loŋ na menyeeŋ baa bɛ Kristo be mbra na so.

Jeems 1:25

Ama nɛ esa baa ta mbe nfɛra kikɛ a wɔtɔ Ebɔrɛ be mbraana nɛ a maŋ kɔ kulubi amo to kikɛ nsaa tiŋ a lara basa alubi to na to a maa teŋ asɔ nɛ e koya na so nsaa kɔ amo to kpakpa a wora asɔ nɛ a bee ŋini na, Ebɔrɛ beeŋ nɛfa amodoŋwura.

Kelaraŋŋini 11:11

Nchɛ nsa nɛ bargato na be kaman nɛ ŋkpa be efute shi Ebɔrɛ kutɔ m ba luri bumo to nɛ b niŋi to nɛ kufu pɛ basa na be ekama nɛ e wu bumo na ga.

Kelaraŋŋini 22:1

Malaika na daŋ ŋini ma ŋkpa be lɔr be nchu gba nɛ a bee wu to fanɛ abɔrɛjembubi ashi Ebɔrɛ nɛ Kpakpafɔlbi be kuwurputiakpa