Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romebi 8:16 - EBƆRƐ BE KAWƆL

16 Kiyoyu na malɛ gbagba e naa chɛ anyi be ayoyu to a ŋini fanɛ an la Ebɔrɛ be mbia nna kashenteŋto.

အခန်းကိုကြည့်ပါ။ ကော်ပီ




Romebi 8:16
27 ပူးပေါင်းရင်းမြစ်များ  

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”


Kagbenefuli la bekama nɛ baa bar kagbenewushi basa so na peya nna, ŋkpal manɛ so, Ebɔrɛ beeŋ tre bumo mbe mbia.


Ŋkpal manɛ so, b maaŋ naŋ tiŋ n wu, baaŋ baa wɔtɔ nna fanɛ emalaika nsaa la Ebɔrɛ be mbia ŋkpal b ka naŋ ba ŋkpa to so.


Ama bekama nɛ b sɔ mo nseŋ yirda mbe ketre na, e sa bumo ekpa nna nɛ b ki Ebɔrɛ be mbia.


Amo be eshɛdajipo e la anyi nɛ Kiyoyu Cheeŋ nɛ e la Ebɔrɛ be kakɛ nɛ e kɔ a sa bekama nɛ baa nu a sa mo na.”


Bekama nɛ Ebɔrɛ be Kiyoyu na bee juŋkpar bumo na kikɛ la Ebɔrɛ be mbia nna.


Ebɔrɛ be kepɔrso kikɛ nyam malɛ baa jɔŋ kumo be aya so nna a jo saŋɛ nɛ Ebɔrɛ beeŋ lara mbe mbia efuli na.


Mannɛ asɔtoso na gba nawule, anyi nɛ an nya Kiyoyu nɛ e la Ebɔrɛ be kakɛ juŋkparso na gba bee shu to nna nsaa jo saŋɛ nɛ Ebɔrɛ na beeŋ ta anyi ŋ ki mbe mbia n shin nɛ an nya anyi be amu kikɛ nyam na.


Loŋ koŋwule na malɛ nɛ Kiyoyu na bee ba m ba kaa chɛ anyi mo nɛ an maŋ kɔ eleŋ ashi yirda na to na to. Anyi maŋ nyi kananɛ k daga fanɛ an kule Ebɔrɛ gba, ama Kiyoyu na gbagba e naa bugi kagbene a kule kabɔrɛkule nɛ k bee mɔ kɔnɔ a sa anyi.


“Kakpa nɛ ma Ebɔrɛ daŋ kaŋɛ bumo le: ‘Mannɛ ma basa e la menyi’ na koŋwule na nɛ meeŋ naŋ tre bumo ma, Ebɔrɛ nɛ n wɔ ŋkpa to na be mbia.”


To, kede e naa ŋini fanɛ mannɛ eyur ere to be kakurge e naa ta basa a ki Ebɔrɛ be mbia she bumo nɛ b bɔla Ebɔrɛ be kɔnɔ naseso na to n nya kakurge na nawule e la Eebraham be kaman to ebi kashenteŋto.


Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.


nseŋ ta mbe kenya be ndulgi n dulgi anyi nseŋ ta mbe Kiyoyu n wɔtɔ anyi be ŋgbene to a ŋini fanɛ mo e wɔ anyi.


Ebɔrɛ e bela anyi ase n yili le be kesheŋ ere nseŋ ta mbe Kiyoyu n sa anyi nɛ e baa la asɔ nɛ e kɔ a sa anyi kikɛ be tɔɔnɛ.


Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”


Yirda so nɛ men kikɛ la Ebɔrɛ be mbia ashi Kristo Yesu to.


Kusɔ nɛ k bee ŋini fanɛ men la Ebɔrɛ be mbia nde: Mo ere Ebɔrɛ koŋwule na shuŋi mo Pibinyɛn be Kiyoyu na anyi be ŋgbene to, Kiyoyu na e naa tre Ebɔrɛ ‘Aba’, kumo e la fanɛ n Tuto na.


Ŋkpal kusɔ nɛ e wora na so, menyi alɛ gba ka daŋ nu kashenteŋ be kubɔya nɛ k bee bar menyi kumɔlga na, men yirda Kristo, nɛ Ebɔrɛ ta mbe ndulgi n dulgi menyi na. Kiyoyu Cheeŋ nɛ e nase kɔnɔ fanɛ e beeŋ sa na nɛ e ta n sa a ŋini fanɛ e dulgi anyi.


Menyi alɛ e sa maa jija Ebɔrɛ be Kiyoyu Cheeŋ nɛ Ebɔrɛ ta n dulgi menyi n yili kesɔnyigeachɛ na.


Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.


Men keni kananɛ Etuto na sha anyi loŋ n shin nɛ baa tre anyi mbe mbia, kumo alɛ maŋ kɔ emɔrɔ malɛ fanɛ an ka la mbe mbia. Amoso nɛ durnyaebi maa pin anyi to na. Ebɔrɛ nɛ b maŋ pin to pɔɛŋ.


To, loŋ malɛ nɛ anyee ta a pin Ebɔrɛ be mbia nɛ bumo nɛ bumo alɛ la alubipo na be mbia. Esa kama nɛ e bee wora asɔ nɛ a maa niŋi, maŋ la Ebɔrɛ pibi. Ekama malɛ gba nɛ e maa sha mo niopibi, maŋ la Ebɔrɛ pibi.


N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.


Kananɛ anyee wora a pin fanɛ an wɔ mo to nɛ mo alɛ gba wɔ anyi to nde: E ta mo gbagba be Kiyoyu nna n sa anyi.


Esa kama malɛ nɛ e yirda Ebɔrɛ Pibinyɛn na kɔ loŋ be shɛda na mbe kagbene to. Ama ekama nɛ e maŋ yirda Ebɔrɛ ta mo Ebɔrɛ na ŋ ki efɛpo nna na ŋkpal amodoŋwura na ka maŋ yirda shɛda mo nɛ e bee ji mo Pibinyɛn na be asheŋ na so.


Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ