Romebi 8:14 - EBƆRƐ BE KAWƆL

¹⁴ Bekama nɛ Ebɔrɛ be Kiyoyu na bee juŋkpar bumo na kikɛ la Ebɔrɛ be mbia nna.

Romebi 8:14 ပူးပေါင်းရင်းမြစ်များ

Galeeshaebi 5:18

Nɛ Kiyoyu na baa juŋkpar menyi, kumo ere men maŋ naa wɔ mbra na to.

Baru lela nɛ Jɔn kute na 1:12

Ama bekama nɛ b sɔ mo nseŋ yirda mbe ketre na, e sa bumo ekpa nna nɛ b ki Ebɔrɛ be mbia.

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Galeeshaebi 5:16

Amoso, mee kaŋɛ menyi nna na fanɛ men baa wɔ Kiyoyu na be kebaawɔtɔ to nsaa maa wora kapɔr lubi ere be ayɛlgasheŋ.

Nshɛ 143:10

Fo e la ma Ebɔrɛ. Ŋini ma kusɔ nɛ fee sha fanɛ n wora, nseŋ shin nɛ fo Kiyoyu nɛ e du boeŋ na e baa juŋkpar ma ekpa kikɛ so.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.

1 Jɔn 3:1

Men keni kananɛ Etuto na sha anyi loŋ n shin nɛ baa tre anyi mbe mbia, kumo alɛ maŋ kɔ emɔrɔ malɛ fanɛ an ka la mbe mbia. Amoso nɛ durnyaebi maa pin anyi to na. Ebɔrɛ nɛ b maŋ pin to pɔɛŋ.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Galeeshaebi 4:6

Kusɔ nɛ k bee ŋini fanɛ men la Ebɔrɛ be mbia nde: Mo ere Ebɔrɛ koŋwule na shuŋi mo Pibinyɛn be Kiyoyu na anyi be ŋgbene to, Kiyoyu na e naa tre Ebɔrɛ ‘Aba’, kumo e la fanɛ n Tuto na.

Romebi 8:5

Bumo nɛ b wɔtɔ a bɛ bumo be kapɔr lubiana be keŋini so, asɔ nɛ bumo be eyurana na bee sha na e wɔ bumo be nfɛra na. Bumo nɛ bumo alɛ wɔtɔ a bɛ Kiyoyu Cheeŋ na be keŋini na so, asɔ nɛ Kiyoyu Cheeŋ na bee sha na e wɔ bumo be nfɛra.

Romebi 8:9

Ama naniere bre, mannɛ asɔ nɛ menyi be kapɔr lubiana bee ŋini menyi na to nɛ men wɔ, asɔ nɛ Kiyoyu Cheeŋ na bee ŋini menyi na to nɛ men wɔ nɛ Ebɔrɛ be Kiyoyu na baa wɔ menyi to nna na, ŋkpal manɛ so, esa kama nɛ e maŋ kɔ Kristo be Kiyoyu na maŋ la Kristo na peya.

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Ɛfesesebi 5:9

Ŋkpal manɛ so, esa baa wɔ kefulto na to, alelasheŋ be yiri kikɛ nɛ asheŋ niŋiso nɛ kashenteŋ e naa lar mo to.

Romebi 8:19

Ebɔrɛ be kepɔrso kikɛ nyam malɛ baa jɔŋ kumo be aya so nna a jo saŋɛ nɛ Ebɔrɛ beeŋ lara mbe mbia efuli na.

Romebi 9:8

To, kede e naa ŋini fanɛ mannɛ eyur ere to be kakurge e naa ta basa a ki Ebɔrɛ be mbia she bumo nɛ b bɔla Ebɔrɛ be kɔnɔ naseso na to n nya kakurge na nawule e la Eebraham be kaman to ebi kashenteŋto.

Ɛfesesebi 1:5

Ŋkpal mbe kasha so, mo ere Ebɔrɛ na yili kumo nna dra dra na kikɛ fanɛ e beeŋ bɔla Yesu Kristo to m bar anyi mo gbagba kutɔ fanɛ mbe mbia. Kusɔ nɛ k baa par mo nseŋ naa la kusɔ nɛ e yili nna na.

Aŋasa 8:20

Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Romebi 9:26

“Kakpa nɛ ma Ebɔrɛ daŋ kaŋɛ bumo le: ‘Mannɛ ma basa e la menyi’ na koŋwule na nɛ meeŋ naŋ tre bumo ma, Ebɔrɛ nɛ n wɔ ŋkpa to na be mbia.”

Matiu 5:9

Kagbenefuli la bekama nɛ baa bar kagbenewushi basa so na peya nna, ŋkpal manɛ so, Ebɔrɛ beeŋ tre bumo mbe mbia.

Galeeshaebi 4:5

nɛ e ba sɔ bumo nɛ b wɔ mbra na to na n yige, saŋɛ na so nɛ an ki Ebɔrɛ be mbia gbagba.

1 Jɔn 3:24

Bekama malɛ nɛ baa bɛ mbe mmalga nasesoana na so shir a wɔ mo to nna nɛ mo alɛ gba wɔ bumo to. To, kananɛ anyee wora a pin fanɛ e wɔ anyi to nde: Mbe Kiyoyu nɛ e ta n sa anyi na so so nɛ an pin loŋ.