Romebi 8:1 - EBƆRƐ BE KAWƆL

¹ Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

Romebi 8:1 ပူးပေါင်းရင်းမြစ်များ

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Ezikɛl 18:9

Ade kikɛ be kaman, mo alɛ de so nna nɛ e maaŋ wora n da ma mbra nɛ ma keŋini so. Le be esa la esa lela nna nsaa beeŋ ji efute n chɛr.” Ma, Enyɛnpetale Ebɔrɛ e kaŋɛ na.

Baru lela nɛ Jɔn kute na 14:20

Kachɛ na kaŋ fo, menyeeŋ pin ŋ ka wɔ n Tuto na to nɛ menyi alɛ wɔ ma to nɛ ma alɛ gba wɔ menyi to.

Baru lela nɛ Jɔn kute na 15:4

Men baa wɔ ma to nɛ ma alɛ gba e baa wɔ menyi to. Kedibi be keyabi kama nawule maaŋ tiŋ n sɔr asɔrso ama k baa chɔɔ kedibi na gbagba so nna. Menyi alɛ gba maaŋ tiŋ n nya asɔrso kama ama men baa wɔ ma to nna.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Romebi 16:3

Mee chɔrɔ Prisila nɛ Akwila nɛ b la m braana Kristo be beshumpo na.

Romebi 16:7

Mee chɔrɔ Andrɔnikes nɛ Junias nɛ b la n niopibi Juwebiana nɛ ma nɛ bumo daa wɔ kabuti to na. B la basa nɛ b kɔ ketre nna ashi beshuŋipoana na to, bumo alɛ pin Kristo nna pɔɛŋ nɛ m ba pin mo.

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 5:16

Kusɔ nɛ k lar kakɛ na malɛ gba be kaman naa chɔ kusɔ nɛ k lar esa koŋwule be kulubi na be kaman, ŋkpal manɛ so, Adam ka baŋ wora kulubi koŋwule na n loge nɛ kewora n da so be nfɛra ba. Ama alubi damta malɛ be kewora ka ba nɛ Ebɔrɛ be kuwɔr be kakɛ shin nɛ kejinlar Ebɔrɛ be anishito malɛ ba.

Romebi 7:17

Amoso, mannɛ ma gbagba e naa wora kesheŋ na, kulubi nɛ k wɔ ma to na e naa wora kumo.

Romebi 7:20

To, naniere k ka baa la fanɛ kusɔ nɛ m maa sha nɛ mee wora ere, kumo ere mannɛ ma e naa wora kumo na, kulubi nɛ k wɔ ma to na e naa wora kumo.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

Romebi 8:14

Bekama nɛ Ebɔrɛ be Kiyoyu na bee juŋkpar bumo na kikɛ la Ebɔrɛ be mbia nna.

Romebi 8:2

Ŋkpal manɛ so, ŋkpa be Kiyoyu na be mbra bɔla Yesu Kristo so n shin nɛ n nya ma kumu ashi kulubi nɛ luwu be mbra to.

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

Romebi 8:39

Shɛŋ maŋ wɔ durnya ere be esoso ŋko kumo be kaseto nɛ k tiŋ n lara mbe kasha na ashi anyi so. Shɛŋ shɛŋ maŋ wɔ durnya ere kikɛ to nɛ k tiŋ n lara anyi ashi Ebɔrɛ be kasha nɛ k bɔla an Nyɛnpe Kristo Yesu so a la anyeya na to.

Romebi 8:4

Ebɔrɛ wora loŋ nna nɛ alelasheŋ nɛ mbra na bee sha na e nya n wora anyi to nɛnɛ ashi anyi nɛ an maŋ naa wɔ alubi be eyur be kebaawɔtɔ to nsaa wɔ Kiyoyu na be kebaawɔtɔ to na to.

Romebi 8:9

Ama naniere bre, mannɛ asɔ nɛ menyi be kapɔr lubiana bee ŋini menyi na to nɛ men wɔ, asɔ nɛ Kiyoyu Cheeŋ na bee ŋini menyi na to nɛ men wɔ nɛ Ebɔrɛ be Kiyoyu na baa wɔ menyi to nna na, ŋkpal manɛ so, esa kama nɛ e maŋ kɔ Kristo be Kiyoyu na maŋ la Kristo na peya.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 15:22

Ŋkpal manɛ so, kananɛ ekama beeŋ wu ŋkpal e ka shi Adam to so na, loŋ koŋwule na nɛ Ebɔrɛ beeŋ sa ekama nɛ e shi Kristo to na ŋkpa.

2 Kɔrintebi 12:2

N nyi Kristo be kanyɛn ko ka daa wɔ Kristo to nɛ b maŋ mo so n yɔ ebɔrɛso be kakpa sasopo na. Kumo be nfɛ kuduana kabre. Ma alɛ maŋ nyi ŋko e daa wɔ eyur ere to nna nɛ loŋ wora ŋko e daŋ lar eyur ere to nna pɔɛŋ nɛ loŋ wora, Ebɔrɛ nawule e nyi.

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Galeeshaebi 5:16

Amoso, mee kaŋɛ menyi nna na fanɛ men baa wɔ Kiyoyu na be kebaawɔtɔ to nsaa maa wora kapɔr lubi ere be ayɛlgasheŋ.

Galeeshaebi 5:25

Naniere Kiyoyu Cheeŋ na e sa anyi ŋkpa, amoso, men shin nɛ e baa juŋkpar anyi.

Ɛfesesebi 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso na kutɔ nna a yɔ menyi, Ebɔrɛ be basa nɛ men wɔ Ɛfeses be kade to a bugi epunto a bɛ Kristo Yesu so na kutɔ.

Filipaiebi 3:9

Ama mannɛ fanɛ ŋ gbagba ka bɔla mbra na so a kɔ alelasheŋ Ebɔrɛ be anishito so. M bɔla Kristo so nna n nya alelasheŋ Ebɔrɛ be anishito. Yirda nɛ baa ta a nya amo ashi mo koŋwule na kutɔ.