Romebi 7:7 - EBƆRƐ BE KAWƆL

⁷ To, naniere, nuso nɛ anyeeŋ kaŋɛ? An kaŋɛ fanɛ mbra na gbagba lubi nna ŋko? Kaarɛ, anyi maaŋ tiŋ ŋ kaŋɛ loŋ kuraa. Ŋkpal manɛ so, mbra na e shin nɛ m pin kusɔ nɛ k la kulubi. Nɛ mbra na daa maŋ kaŋɛ le nna: “Sa maŋ yɛlga fo barkasa be kusɔ,” n daa maaŋ pin loŋ be kayɛlga be asheŋ to.

Romebi 7:7 ပူးပေါင်းရင်းမြစ်များ

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

2 Samuɛl 11:2

Kachako kaaseso Deevid ka di ŋ koso nseŋ dii mbe kuchoŋi so e nite a kulti nseŋ keni kaseto n wu kache lela kebita ko ka bee bɛr.

Nshɛ 119:96

N wu fanɛ kusɔ kama maŋ niŋi kumo alɛ kɔ ekar; fo mbraana nawule e niŋi nsaa maa kɔ ekar.

Ɛksodɔs 20:17

Men sa maa yɛlga men baraana be nwu ŋko bumo be beche ŋko bumo be anya ŋko bumo be ana ŋko ekurma ŋko kusɔ kama nɛ k la men braana peya.”

Maika 2:2

B baa sha nsawule ŋko nwu kama, baa suge amo eleŋso nna. Baa puni nna a suge basa be nwu ŋko mpetɛsɔ.

Matiu 5:28

Ama ma e kaŋɛ menyi na fanɛ esa kama nɛ e keni eche kayɛlgaso teŋ tu eche na n ji kubojua mbe kagbene to nna na.

Luuk 12:15

Kamalga ere be kaman nɛ e kaŋɛ basa na kikɛ: “Men baa da so nsaa gelge kejimuni be yiri kikɛ, ŋkpal manɛ so, esa baa kɔ asɔ kanaŋkamaso gba, mbe ŋkpa bre maŋ la mo peya.”

Luuk 20:16

E beeŋ ba mɔ paawuraana na nseŋ ta ndibi sɔrso be kudɔ na n sa paawuraana popɔr.” Basa na ka nu kusɔ nɛ Yesu malga na nɛ b kaŋɛ le:

Ashuŋ Shunso 20:33

M maŋ yɛlga esa kama be gbiti ŋko shuwa ŋko asɔbuuso.

Romebi 13:9

Ebɔrɛ be mbraana nɛ a bee kaŋɛ le na: “Men sa maa ji kubojua nɛ men sa maa mɔ nɛ men sa maa yuri nɛ men sa maa yɛlga abar be asɔ,” nɛ mbraana nɛ a ka na kikɛ wɔ le be mbra ere to nna: “Baa sha fo barkasa dimɛdi fanɛ fo gbagba be kumu.”

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

Romebi 3:5

Kesheŋ bishiso ko malɛ nde fanɛ: “Nɛ fanɛ anyi be asheŋ lubi bee shin nɛ basa bee wu Ebɔrɛ be alelasheŋ, nuso nɛ an naa kaŋɛ ere? An kaŋɛ fanɛ nɛ Ebɔrɛ bar mbe agbo anyi so, e maŋ wora n nyalɛ ŋko?” Nyiŋgbasa be kamɔrɔji be kamalga nɛ mee malga na.

Romebi 4:1

To, nɛ an keni an nananyɛn Eebraham malɛ be kebaawɔtɔ to, nuso nɛ anyeeŋ kaŋɛ? Manɛ nɛ e daŋ wu mbe kebaawɔtɔ to?

Romebi 4:15

Ŋkpal manɛ so, mbra e naa shin nɛ Ebɔrɛ be agbo bee lar efuli. Kaplɛkama nɛ mbra maŋ wɔtɔ, kewora n da so malɛ gba maŋ wɔtɔ.

Romebi 5:20

Ebɔrɛ bar mbra na nna nɛ basa be alubi e wora keshi n ti so, ama kanaŋkamaso malɛ nɛ alubi bee wora keshi a ti so, saŋɛ na so nɛ Ebɔrɛ malɛ bee shin nɛ mbe kuwɔr be kakɛ bee wora keshi a ti so a chɔ loŋ.

Romebi 6:15

To, naniere, nuso nɛ anyeeŋ kaŋɛ? Fanɛ ŋkpal an ka maŋ naa wɔ mbra na to nsaa wɔ Ebɔrɛ be kuwɔr be kakɛ be kebaawɔtɔ to so an baa wora alubi a? Kaarɛ, loŋ maŋ daga.

Romebi 7:11

Ŋkpal manɛ so, ntaŋ na so nɛ alubi nya ekpa n fule ma. Amoso, ntaŋ na so nɛ alubi bɔla m mɔ ma.

Romebi 7:13

To, kede bee ŋini fanɛ kusɔ lela e bar luwu ŋko? Cha, mannɛ aloŋ nna kuraa. Kulubi e bɔla kusɔ lela so m bar ma luwu nɛ kumo be da lubi gbagba e lar efuli. Amoso, ntaŋ na so nɛ esa bee wu kananɛ kulubi baŋ lubi kashenteŋto.

Romebi 7:5

Ŋkpal manɛ so, saŋɛ nɛ anyi be kebaawɔtɔ dra nɛ k daa wɔ anyi nɛ mbra na daa shin nɛ eyur to be ayɛlgasɔ daa kɔ anyi to a shuŋ na, luwu nɛ an daa kɔ tɔnɔ a sa.

Romebi 7:8

Ntaŋ malɛ so nɛ alubi nya ekpa n shin nɛ ayɛlgasɔ be yiri kikɛ nyam kaa, ŋkpal manɛ so, kakpa nɛ mbra maŋ wɔtɔ alubi malɛ gba wu nna a dese.

1 Kɔrintebi 15:56

Kulubi so nɛ luwu kɔ eleŋ a doro anyi, mbra na malɛ so nɛ kulubi kɔ eleŋ anyi so.

Ɛfesesebi 5:3

Ŋkpal men ka la Ebɔrɛ be basa so, a maŋ daga beche nɛ benyɛn be kedi abar kesakalea so be mmalga ka wɔ menyi to. Kumo alɛ maŋ naŋ daga eyurpisheŋ be yiri kikɛ ŋko kejimuni be asheŋ ka wɔ menyi to, ŋkpal manɛ so, loŋ be asɔ na maŋ daga a ka wɔ Ebɔrɛ be basa cheembi to.

Ditɛronɔmi 5:21

Men sa maŋ kaa yɛlga esa ko be eche ŋko esa ko mo kul ŋko mbe kowu, ŋko kasawule, ŋko anya, ŋko ana, ŋko ekurma, ŋko kusɔ kama nɛ e kɔ.’ ”

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

1 Tɛsalɔnikaebi 4:5

Men sa maa kɔ kayɛlga fuloŋ be kacheta fanɛ kananɛ nnyamase nɛ b maŋ nyi Ebɔrɛ bee wora na.

Hibruwebi 7:19

Ŋkpal manɛ so, Mosis be mbra na daa maŋ tiŋ n ta shɛŋ ŋ ki cheembi. Ama naniere tama popɔr naŋ ba nɛ an bɔla kumo so n firgi n taga Ebɔrɛ to.

Joshuwa 7:21

n daŋ wu Babilɔnebi be piŋi lela ko, nɛ gbiti nɛ kumo be egbɛ sa fanɛ kilo anyɔ, nɛ shuwa fanɛ kilo be bargato ka wɔ asɔ nɛ an suge na to nna nɛ amo be asheŋ par ma alegaiso nɛ n ta amo n ya puli ma wajɛbu to. Gbiti na e wɔ kaseto.”