Romebi 7:6 - EBƆRƐ BE KAWƆL

⁶ Ama naniere bre mbra na maŋ naa ji kuwura anyi so, ŋkpal manɛ so, kusɔ nɛ k daŋ nyaŋ anyi a wɔtɔ na be kaplɛa so, an wu nna naniere. Anyi maŋ naa shuŋ ekpa dra nɛ k la mbra nɛ b sibɛ n nase na, ekpa popɔr nɛ k la Kiyoyu Cheeŋ na peya na nɛ an naa shuŋ.

Romebi 7:6 ပူးပေါင်းရင်းမြစ်များ

Ezikɛl 11:19

Meeŋ lara bumo be ŋgbene nɛ a du kpakpa fanɛ ajembu na bumo to nseŋ sa bumo ŋgbene nɛ nfɛra popɔr, nɛ b maaŋ naa sha keshuŋ agbirana.

Ezikɛl 36:26

Ade be kaman, nɛ n lara menyi be ŋgbene kpakpaso fanɛ kejembu na nseŋ sa menyi ŋgbene popɔr nɛ a beeŋ shin nɛ men baa wora ma kasonu.

Romebi 1:9

Ebɔrɛ nɛ n ta ma kagbene kikɛ nyam a bɔ mo Pibinyɛn be baru lela na gbagba e la ma shɛdajipo a nyi menyi be asheŋ ka baa wɔ ma kagbene to ashi ma kabɔrɛkule to saŋkikɛ.

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 6:11

Loŋ koŋwule na e daga fanɛ menyi alɛ gba e baa ta menyi be amu fanɛ men wu nna nɛ alubi maŋ naa ji menyi so eleŋ, ama men bɔla Kristo Yesu so nna a kɔ ŋkpa a wɔtɔ ŋkpal Ebɔrɛ so.

Romebi 6:19

Enyiŋgbasa be nfɛra be kaplɛa so nɛ mee ber kesheŋ ere a sa menyi nna, ŋkpal manɛ so, loŋ e naaŋ shin nɛ men pin amo to. Saŋko men daŋ ta menyi be amu kikɛ nna nyam ŋ ki kusɔjigaya nɛ dalubisheŋ be anya a wɔtɔ a wora asheŋ nɛ a maŋ daga. Naniere loŋ koŋwule na e daga fanɛ men naŋ ta menyi be amu kikɛ nyam ŋ ki alelasheŋ be anya a wɔtɔ a wora asheŋ nɛ a daga a du cheembi.

Romebi 6:2

Kaarɛ, loŋ maŋ daga, ŋkpal manɛ so, alubi be kewora be kaplɛa so, an wu nna, amoso, nuso nɛ anyeeŋ wora ŋ kraa wɔ amo be kewora be kebaawɔtɔ to?

Romebi 6:22

Ama naniere men ka nya menyi be amu ashi alubi to m ba ki Ebɔrɛ be anya ere bre, tɔnɔ mo nɛ menyee nya e la kebaawɔtɔ cheembi, kumo alɛ be lalaloge e la ŋkpa nɛ k maŋ kɔ ekar na.

Romebi 6:4

Anyi nɛ mo alɛ nɛ b puli saŋɛ nɛ b bɛr anyi kabɔrɛbɛr a ŋini fanɛ anyi nɛ mo koŋwule na e luri mbe luwu na to na, saŋɛ na so, kananɛ Etuto na baŋ ta mbe eleŋgboŋ n shin nɛ Kristo na tiŋi luwu to na, anyi alɛ gba beeŋ nya kebaawɔtɔ popɔr a wɔtɔ.

Romebi 7:1

Ŋ kurgepoana, m baa nyi men ka beeŋ pin kusɔ nɛ mee sha kekaŋɛ menyi ere to, ŋkpal manɛ so, men la basa nɛ b nyi mbra na nna. Kumo e la fanɛ nɛ esa kraŋ baa wɔ ŋkpa to bre, mbra na e naa ji mo so kuwura ŋko?

Romebi 7:2

An ta fanɛ eche kilpo nɛ kakil be mbra na ŋ keni. Eche baŋ kil nɛ mo kul kraa wɔ ŋkpa to, mbra na bee kre mo nna a mata mo kul na loŋ hale n ya fo saŋɛ nɛ mo kul na beeŋ wu. Ama nɛ ekul na ba wu bre, kumo ere kakil be mbra maŋ naa kɔ mbe eleŋ.

Romebi 7:4

Ŋ kurgepoana, loŋ nɛ k du n sa menyi alɛ gba, ŋkpal manɛ so, mbra na be kaplɛa so, menyi alɛ gba wu nna ŋkpal men ka la Kristo be eyur na be kaba ko so. Naniere malɛ, men la mo koŋwule nɛ Ebɔrɛ tiŋi mo ashi luwu to nɛ an tiŋ a la basa nɛ b kɔ tɔnɔ ashi Ebɔrɛ be kushuŋ to na peya nna.

2 Kɔrintebi 3:6

Mo e shin nɛ an ki kɔnɔkoŋwule be ŋkre popɔr be beshumpo, k la kiyoyu to be kesheŋ nna, mannɛ mbra to be kasibɛ be kesheŋ, ŋkpal manɛ so, mbra to be kasibɛ na bee bar luwu nna nɛ Kiyoyu na malɛ bee sa ŋkpa.

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Galeeshaebi 6:15

Nɛ esa maŋ kɔ kusholi ŋko e kɔ, k maŋ tir kuraa, kusɔ nɛ k tir e la kebaakɔ kebaawɔtɔ popɔr na.

Ɛfesesebi 4:24

Men luri kapɔr popɔr nɛ Ebɔrɛ pɔr nɛ k du fanɛ mo gbagba be kapɔr a yɔ kashenteŋ be alelasheŋ nɛ kebaawɔtɔ cheembi be kaplɛa so na to.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Kɔlɔsiebi 3:10

n nya kebaawɔtɔ popɔr lela nɛ Ebɔrɛ to nsaa wɔtɔ a lɔŋɛ kumo nɛ k ba kaa du fanɛ mo gbagba peya na nɛ men baa pin mo nɛnɛ.