Romebi 7:5 - EBƆRƐ BE KAWƆL

⁵ Ŋkpal manɛ so, saŋɛ nɛ anyi be kebaawɔtɔ dra nɛ k daa wɔ anyi nɛ mbra na daa shin nɛ eyur to be ayɛlgasɔ daa kɔ anyi to a shuŋ na, luwu nɛ an daa kɔ tɔnɔ a sa.

Romebi 7:5 ပူးပေါင်းရင်းမြစ်များ

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Baru lela nɛ Jɔn kute na 3:6

Dimɛdi e naa kurge dimɛdi nɛ Kiyoyu na malɛ bee bar kiyoyu na be kakurge.

Romebi 1:26

Ŋkpal le be asheŋ ere so Ebɔrɛ yige bumo nna n sa kesakalea be ayɛlgasɔ hale nɛ bumo be beche yige kedi benyɛn n lɛ nsaa kɔ bumo braana beche a di keche nɛ kenyɛn.

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

Romebi 4:15

Ŋkpal manɛ so, mbra e naa shin nɛ Ebɔrɛ be agbo bee lar efuli. Kaplɛkama nɛ mbra maŋ wɔtɔ, kewora n da so malɛ gba maŋ wɔtɔ.

Romebi 5:20

Ebɔrɛ bar mbra na nna nɛ basa be alubi e wora keshi n ti so, ama kanaŋkamaso malɛ nɛ alubi bee wora keshi a ti so, saŋɛ na so nɛ Ebɔrɛ malɛ bee shin nɛ mbe kuwɔr be kakɛ bee wora keshi a ti so a chɔ loŋ.

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

Romebi 6:19

Enyiŋgbasa be nfɛra be kaplɛa so nɛ mee ber kesheŋ ere a sa menyi nna, ŋkpal manɛ so, loŋ e naaŋ shin nɛ men pin amo to. Saŋko men daŋ ta menyi be amu kikɛ nna nyam ŋ ki kusɔjigaya nɛ dalubisheŋ be anya a wɔtɔ a wora asheŋ nɛ a maŋ daga. Naniere loŋ koŋwule na e daga fanɛ men naŋ ta menyi be amu kikɛ nyam ŋ ki alelasheŋ be anya a wɔtɔ a wora asheŋ nɛ a daga a du cheembi.

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

Romebi 7:23

Ama ma alɛ bee wu mbra pɔtɛ ko ka wɔ ma eyur to a shuŋ. Mbra ko nna nɛ k bee kɔ mbra nɛ ma nfɛra bee sha na nsaa ta ma a ki alubi be mbra nɛ k wɔ ma eyur to a shuŋ na be kabutipo.

1 Kɔrintebi 15:56

Kulubi so nɛ luwu kɔ eleŋ a doro anyi, mbra na malɛ so nɛ kulubi kɔ eleŋ anyi so.

2 Kɔrintebi 10:3

Kashenteŋ nna fanɛ durnya ere to nɛ an wɔ, ama mannɛ durnya ere to be kena nɛ anyee kɔ.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Galeeshaebi 5:24

Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.

Ɛfesesebi 2:11

Amoso, men baa nyiŋi fanɛ menyi nɛ b kurge nnyamase nɛ bumo nɛ edimɛdi ta enɔana ŋ ku bumo atutu nɛ bumo koŋwule na bee tre menyi asoliwuraana ere, fanɛ menyi nɛ Kristo na daŋ barga abar nna.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 1:15

Kulubi malɛ baŋ ba wora keshi, kumo be lalaloge e la luwu.

Jeems 4:1

Manɛ e naa bar ana? Manɛ e naa bar nlu nɛ a wɔ menyi to na malɛ? Kusɔ nɛ k bee bar amo nde: Men be nyɛlga lubi e naa kaa kɔ menyi to a leŋ menyi a wɔtɔ nlu na to.

1 Jɔn 3:4

Esa kama nɛ e bee wora alubi bee wora nna a da Ebɔrɛ malɛ gba so na, ŋkpal manɛ so, kewora kulubi la ketɔr Ebɔrɛ be ntaŋ nna.