Romebi 6:3 - EBƆRƐ BE KAWƆL

³ Ŋko men maŋ nyi fanɛ anyi kikɛ nɛ b bɛr kabɔrɛbɛr ŋkpal Yesu Kristo so ere, b bɛr anyi nna n wɔtɔ mbe luwu na to a?

Romebi 6:3 ပူးပေါင်းရင်းမြစ်များ

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Ashuŋ Shunso 19:5

Ɛfeses be beyirdapoana na ka nu loŋ nɛ b shin nɛ b bɛr bumo kabɔrɛbɛr Enyɛnpe Yesu be ketre to.

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 8:16

ŋkpal manɛ so, saŋɛ na nɛ Kiyoyu Cheeŋ na maŋ naŋ gbelge bumo be ekama so. Enyɛnpe Yesu be ketre to nawule nɛ b daŋ bɛr bumo kabɔrɛbɛr.

Romebi 6:16

Men maŋ nyi fanɛ men baŋ ta menyi be amu m bɔɔ esa enɔ fanɛ amodoŋwura be anya, men ki mbe anya kashenteŋto a? Menyeeŋ tiŋ a la alubi nɛ a beeŋ shin nɛ men wu na be anya, menyi alɛ beeŋ naŋ tiŋ a la kasonu nɛ kumo be lalaloge beeŋ shin nɛ men ki belelapo Ebɔrɛ be anishito na be anya.

Romebi 6:8

Nɛ anyi nɛ Kristo na e wu, kumo ere an yirda fanɛ anyi nɛ mo e naaŋ baa wɔ ŋkpa to.

Romebi 7:1

Ŋ kurgepoana, m baa nyi men ka beeŋ pin kusɔ nɛ mee sha kekaŋɛ menyi ere to, ŋkpal manɛ so, men la basa nɛ b nyi mbra na nna. Kumo e la fanɛ nɛ esa kraŋ baa wɔ ŋkpa to bre, mbra na e naa ji mo so kuwura ŋko?

1 Kɔrintebi 10:2

Saŋɛ nɛ kuwɔlpa na daŋ juŋkpar bumo nɛ b daŋ bɔla teku na to n lar na, b daŋ bɛr bumo kabɔrɛbɛr nna n wɔtɔ anebi Mosis be kebɛso to.

1 Kɔrintebi 12:13

Ŋkpal manɛ so, Kiyoyu koŋwule na e shin nɛ anyi kikɛ, Juwebi ŋko Griikebi, anya ŋko bumo nɛ b wɔ bumo be amu kikɛ nyam bɔla kabɔrɛbɛr so ŋ ki eyur koŋwule to ebi nyam nɛ anyi kikɛ ba nya Kiyoyu koŋwule na.

1 Kɔrintebi 15:29

Basa ko wɔtɔ nɛ baa bɛr bumo kabɔrɛbɛr ŋkpal basa nɛ b wu so. To, nɛ fanɛ basa maa tiŋi luwu to kuraa, manɛ e ba nɛ basa bee yili bubuni be katelamu to a shin nɛ baa bɛr bumo kabɔrɛbɛr?

1 Kɔrintebi 3:16

Men maŋ nyi fanɛ men la Ebɔrɛ be lambu nna nɛ Ebɔrɛ be Kiyoyu wɔ menyi to a?

1 Kɔrintebi 5:6

Kananɛ menyee puchi ere maŋ walɛ kuraa. Men maŋ nyi keŋasa mo nɛ k bee kaŋɛ fanɛ: Yiisi gbrɛbi baŋ luri nyifu to a bee shin nɛ nyifu na kikɛ bee tiŋ fɔŋgrɔŋ nna a?

1 Kɔrintebi 6:19

Men maŋ nyi fanɛ men be eyur ere la Kiyoyu Cheeŋ mo nɛ Ebɔrɛ ta mo n sa menyi nɛ e wɔ menyi to na be lambu nna a? Men maŋ wɔ men gbagba be amu nna.

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

1 Kɔrintebi 9:13

Men maŋ nyi fanɛ basa nɛ baa shuŋ bɔrɛlambu to bee nya bumo be keji nna ashi bɔrɛlambu na to nɛ bumo nɛ baa shuŋ bɔrɛsure akpa na malɛ gba bee nya bumo be kachige ashi asɔ nɛ baa ta a lara esarga na to a?

1 Kɔrintebi 9:24

Men maŋ nyi fanɛ eshile kikɛ to beshilepo na kikɛ bee shile nna, ama esa koŋwule e naa kaa ji kɔŋkɔŋ a? Men baa shile nɛnɛ, saŋɛ na so menyeeŋ nya kɔŋkɔŋ n ji.

2 Kɔrintebi 13:5

Men keni men be ŋgbene to ŋ keni ŋko men maŋ wɔ yirda na to a? Men wora men be amu ŋ keni. Men maŋ nyi Yesu Kristo ka wɔ menyi to a? Nɛ mannɛ aloŋ, men tɔr nna na.

Galeeshaebi 3:27

Ŋkpal manɛ so, b daŋ bɛr menyi kabɔrɛbɛr nna nɛ men baa wɔ Kristo Yesu to n shin nɛ naniere men ta Kristo be edasheŋ ŋ ki menyeya na.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.