Romebi 6:2 - EBƆRƐ BE KAWƆL

² Kaarɛ, loŋ maŋ daga, ŋkpal manɛ so, alubi be kewora be kaplɛa so, an wu nna, amoso, nuso nɛ anyeeŋ wora ŋ kraa wɔ amo be kewora be kebaawɔtɔ to?

Romebi 6:2 ပူးပေါင်းရင်းမြစ်များ

Jɛnesis 39:9

Kenimu be kaplɛa so, esa kama maŋ chɔ ma laŋ ere to. N nyɛnpe maa mɔn ma shɛŋ shɛŋ laŋ ere to ama fo nawule nɛ e maŋ ta m bɔɔ ma enɔ, ŋkpal manɛ so, mbe eche e la fo. To, nɛ nuso nɛ meeŋ tiŋ n nya kagbene kpakpaso n wora le be kulubi ŋ gbiti Ebɔrɛ?”

Nshɛ 119:104

Fo mbraana so nɛ mee bɔla a pin asheŋ to, amoso nɛ ŋ kishi efɛsheŋ kikɛ na.

Luuk 20:16

E beeŋ ba mɔ paawuraana na nseŋ ta ndibi sɔrso be kudɔ na n sa paawuraana popɔr.” Basa na ka nu kusɔ nɛ Yesu malga na nɛ b kaŋɛ le:

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

Romebi 6:15

To, naniere, nuso nɛ anyeeŋ kaŋɛ? Fanɛ ŋkpal an ka maŋ naa wɔ mbra na to nsaa wɔ Ebɔrɛ be kuwɔr be kakɛ be kebaawɔtɔ to so an baa wora alubi a? Kaarɛ, loŋ maŋ daga.

Romebi 7:4

Ŋ kurgepoana, loŋ nɛ k du n sa menyi alɛ gba, ŋkpal manɛ so, mbra na be kaplɛa so, menyi alɛ gba wu nna ŋkpal men ka la Kristo be eyur na be kaba ko so. Naniere malɛ, men la mo koŋwule nɛ Ebɔrɛ tiŋi mo ashi luwu to nɛ an tiŋ a la basa nɛ b kɔ tɔnɔ ashi Ebɔrɛ be kushuŋ to na peya nna.

Romebi 7:6

Ama naniere bre mbra na maŋ naa ji kuwura anyi so, ŋkpal manɛ so, kusɔ nɛ k daŋ nyaŋ anyi a wɔtɔ na be kaplɛa so, an wu nna naniere. Anyi maŋ naa shuŋ ekpa dra nɛ k la mbra nɛ b sibɛ n nase na, ekpa popɔr nɛ k la Kiyoyu Cheeŋ na peya na nɛ an naa shuŋ.

Galeeshaebi 2:19

Ŋkpal manɛ so, mbra na be kaplɛa so, n wu nna, mbra na mɔ ma, saŋɛ na so nɛ m baa wɔ ŋkpa to a sa Ebɔrɛ.

Galeeshaebi 6:14

Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.

Kɔlɔsiebi 2:20

Ŋkpal menyi nɛ Yesu Kristo ka wu nɛ men maŋ naa tuge durnya ere to be edaŋkaresheŋ be keŋini na so, men sa maŋ naa tuge basa be amu to be mbraana fanɛ men ka kraa wɔ men be kebaawɔtɔ dra na to na.

Kɔlɔsiebi 3:3

Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.

1 Pita 1:14

Kananɛ naniere men la kasonu be mbia ere bre, men sa maŋ naŋ shin nɛ men be ayɛlgasɔ nɛ men daa kɔ saŋɛ nɛ men daa maŋ nyi Ebɔrɛ be ekpa na e naa wɔ menyi.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

1 Jɔn 3:9

Esa kama nɛ e la Ebɔrɛ pibi maa wora alubi. Ŋkpal Ebɔrɛ be kapɔr gbagba ka wɔ mo to so nɛ ŋkpal Ebɔrɛ ka la mo Tuto na so so, e maaŋ tiŋ n shir a wɔ alubi to a wora amo.