Romebi 6:16 - EBƆRƐ BE KAWƆL

¹⁶ Men maŋ nyi fanɛ men baŋ ta menyi be amu m bɔɔ esa enɔ fanɛ amodoŋwura be anya, men ki mbe anya kashenteŋto a? Menyeeŋ tiŋ a la alubi nɛ a beeŋ shin nɛ men wu na be anya, menyi alɛ beeŋ naŋ tiŋ a la kasonu nɛ kumo be lalaloge beeŋ shin nɛ men ki belelapo Ebɔrɛ be anishito na be anya.

Romebi 6:16 ပူးပေါင်းရင်းမြစ်များ

Baru lela nɛ Jɔn kute na 8:34

Nɛ Yesu kaŋɛ bumo: “Ma e kaŋɛ menyi kashenteŋto na, esa kama nɛ e bee wora alubi la alubi be kenya nna.

2 Pita 2:19

Baa kaŋɛ basa pɔtɛ fanɛ baaŋ nya kamooji nɛ bumo gbagba wɔ kafule be kenyaya to. Kusɔ kama malɛ nɛ k bee pɔɔ esa so, kumo e la amodoŋwura mo nyɛnpe.

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Romebi 6:17

Ama anyee chɔrɔ Ebɔrɛ ga, ŋkpal manɛ so, saŋko men daa la alubi be anya nna, ama naniere, men ta menyi be ŋgbene kikɛ m bɛ kashenteŋ be keŋiniana nɛ men nya na kikɛ so.

Jɛnesis 4:7

Fo maŋ nyi fanɛ fo daŋ wora nɛnɛ nna asheŋ daŋ beeŋ nyalɛ n sa fo a? Ama ŋkpal fo ka maŋ wora nɛnɛ so, kulubi du fanɛ buluŋ nna a tɛ fo nɛ k jija fo, amoso wora ania m pɔɔ kumo so.”

Romebi 11:2

Ebɔrɛ maŋ kini mbe basa nɛ e lara dra dra na kikɛ kuraa. Men nyi kusɔ nɛ abɔrɛsibɛ na bee kaŋɛ ashi kakpa nɛ a bee malga anebi Elaija be asheŋ fanɛ kananɛ e ta kenishipere ŋ kule Ebɔrɛ ŋ gbiti Israɛlebi na ŋko? E yɛ:

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

1 Kɔrintebi 3:16

Men maŋ nyi fanɛ men la Ebɔrɛ be lambu nna nɛ Ebɔrɛ be Kiyoyu wɔ menyi to a?

1 Kɔrintebi 5:6

Kananɛ menyee puchi ere maŋ walɛ kuraa. Men maŋ nyi keŋasa mo nɛ k bee kaŋɛ fanɛ: Yiisi gbrɛbi baŋ luri nyifu to a bee shin nɛ nyifu na kikɛ bee tiŋ fɔŋgrɔŋ nna a?

1 Kɔrintebi 6:2

Men maŋ nyi fanɛ Ebɔrɛ be basa e naaŋ ba ji durnya to ebi kikɛ demu kachako a? To, nɛ menyi ka beeŋ ba ji durnya ere to ebi kikɛ demu, men maaŋ tiŋ n ji le be asheŋ wurbi ere bre a?

1 Kɔrintebi 6:3

Men maŋ nyi fanɛ anyi e naaŋ ba ji emalaika demu a? Nɛ an ka beeŋ tiŋ n ji emalaika demu, kebaawɔtɔ ere to be asheŋ bre maŋ bɛ n sulge a?

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

1 Kɔrintebi 9:13

Men maŋ nyi fanɛ basa nɛ baa shuŋ bɔrɛlambu to bee nya bumo be keji nna ashi bɔrɛlambu na to nɛ bumo nɛ baa shuŋ bɔrɛsure akpa na malɛ gba bee nya bumo be kachige ashi asɔ nɛ baa ta a lara esarga na to a?

1 Kɔrintebi 9:24

Men maŋ nyi fanɛ eshile kikɛ to beshilepo na kikɛ bee shile nna, ama esa koŋwule e naa kaa ji kɔŋkɔŋ a? Men baa shile nɛnɛ, saŋɛ na so menyeeŋ nya kɔŋkɔŋ n ji.

Matiu 20:4

Nɛ e kaŋɛ bumo: ‘Menyi alɛ gba e yɔ ma ndibi be kudɔ to n ya shuŋ nɛ ŋ ka menyi kanaŋkamaso nɛ k daga.’